Morgunblaðið - 27.04.1988, Blaðsíða 46

46
MORGUNBLAÐIÐ, MEÐVIKUDAGUR 27. APRÍL 1988
töm
FOLX
■ BRYNJAR Kvaran, sem
þjálfaði og lék með KA frá Akur-
eyri í vetur, hefur ákveðið að þjálfa
Hauka í 2. deild íslandsmótsins í
handknattleik næsta vetur.
■ LANDSLWIÐ hefur bæki-
stöðvar í smábænum Zeddam, sem
er fyrir austan Amhem. „Hér er
rólegt og fagurt. Allar aðstæður til
æfínga mjög góðar," sagði Sigi
Held, landsliðsþjálfari, þegar Morg-
unblaðið heimsótti landsiiðshópinn
í gær. Leikurinn gegn Hollandi fer
fram í Doectinchem, sem er stutt
frá Zeddam. Það er reiknað með
að aðeins um 1.000 áhorfendur sjái
leikinn, sem fer fram á keppnisvelli
2. deildarliðsins Graafschap. Völl-
urinn, sem er góður, að sögn Guð-
mundar Steinssonar, tekur 12
þús. áhorfendur þéttsetinn. Áhug-
inn fyrir landsleiknum er því ekki
mikill.
■ ENSKI maraþonhlauparinn
David Long hefur mótmælt vali
bresku ólympíunefndarinnar á
keppendum i maraþonhlaupi. Long
var 3. Bretinn sem kom í mark í
London-maraþonhlaupinu og
hefði því átt að vera valinn sjálf-
krafa í lið Breta fyrir leikana í
Seoul. En f hans stað var Charlie
Spedding valinn, en hann hafnaði
í 8. sæti af Bretunum sem kepptu
í hlaupinu. „Ég er búinn að fá nóg
af þessu. Ég var á undan Spedding
og það er ekki nokkur leið til að
réttlæta þetta val,“ sagði Long.
■ ÁSKORENDAMOTIÐ í
sundi sem fram átti að fara í lok
maí hefur verið frestað til haust-
sins. Mót þetta fór fram f fyrsta
sinn á síðasta ári og þótti takast
vel. Þá skoruðu Vestfirðingar á
Reykjavík og landið, en nú á að
breyta þessu og verður keppnin
milli Ungmennafélaganna og ÍSÍ
og verða fjórir keppendur frá hveij-
um aðiia í hverri grein.
■ SOVÉTMENN hafa fengið
mikinn áhuga á hafnabolta undan-
farin ár og nú ætla þeir að byggja
fyrsta völlinn sem nota á fyrir
hafnaboltaleiki og fengu Japana til
að teikna hann. Það var háskólinn
við Tokai sem sá um að teikna
völlinn. Þessi völlur á að rísa á
Lenin-hæðum sem eru í úthverfí
Moskvu og mun rúma 2.000 áhorf-
endur.
■ JÓHANN Björgvinsson hef-
ur verið lqörmn formaður fijálsí-
þróttadeildar ÍR. Hafði hann hlut-
verkaskipti við fráfarandi formann,
Sigurð Erlingsson, sem verður
varaformaður._ Aðrir stjómarmenn
em Oddný Arnadóttir, Heimir
Svavarsson og Ágúst Björnsson.
í varastjóm em Jónas Egilsson
og Bryndis Hólm.
É JÓNAS Egilsson hefur veríð
lqorinn formaður Fijálsíþróttar-
áðs Reykjavíkur (FIRR). Reynt
verður að endurreisa ráðið og til
þess verks hafa valist með Jónasi
þau Geirlaug Geirlaugsdóttir,
Einar Þ. Einarsson, Oddný Árna-
dóttir og Gunnar Páll Jóakims-
son.
É BLACKBURN og Swindon
gerðu markalaust jafntefli í ensku
2. deildarkeppninni í fyrra kvöld.
É ALAIN Giresse, franski
landsliðsmaðurinn í knattspymu,
hefur ákveðið að leggja skóna á
hilluna eftir þetta keppnistímabil.
Giresse er 35 ára og hefur tvíveg-
is leikið í úrslitum heimsmeistara-
keppninnar fyrir Frakka. Hann
leikur nú með Marseille í frönsku
1. deildinni, en lék áður með Borde-
aux.
É HALLDÓR Pálsson, fyrrum
markvörður KR, hefur gengið til
liðs við Gróttu. Halldór lék með
Þrótti Neskaupstað síðustu tvö
keppnistímabil, en æfði ekki með
liðinu heldur flaug í leiki og er orð-
inn þreyttur á fluginu austur.
Hávörn
Einar Falur Ingólfsson, ljósmyndari Morgunblaðsins, sigraði ( keppni um körfuboltamynd ársins sem Körfuknattleikssambands íslands stóð fyrir. Einar hlaut
helgarferð til London fyrir tvo, f verðlaun. Verðlaunamyndin, hér að ofan, sýnir hávöm eins og hún gerist best. Það er Valur Ingimundarson, UMFN, sem
„blokkerar" skot Leifs Harðarsonar, Val, í leik liðanna að Hlíðarenda í úrslitakeppninni.
FRJÁLSARÍÞRÓTTIR
„Helga er til alls líkleg“
„HELGA er í talsvert betri œf-
ingu en í fyrra og hún er til
alls líkleg,“ sagöi Þorvaldur
Þórsson, íslandsmethafi í 110
og 400 metra gríndahlaupi, í
samtali við Morgunblaðið, en
hann hefur fylgst með œfingum
og keppni Helgu Halldórsdótt-
ur, KR, í San Jose í Kaliforníu.
Helga hefur keppt tvisvar upp
á síðkastið og náð góðum ár-
angri. Hún hljóp á 13,92 sek. í 100
metra grindahlaupi og 58,63 sek. í
400 metra grind á móti í Fresnó í
Kalifomíu um síðustu helgi. Helg-
ina áður náði hún 13,91 og 58,30
sekúndum í sömu greinum á móti
í San Jose.
„Helga vann yfirburðasigur og
hljóp án nokkurrar keppni í lengri
hlaupunum en varð önnur í 100
metmm á báðum mótum. Hún æfír
mikið og er mjög sterk. Hún hvíldi
sig ekkert fyrir mótin og æfði meir
að segja að morgni seinna móts-
ins,“ sagði Þorvaldur.
Að sögn Þorvalds hyggst Helga
draga úr æfíngum seinni partinn í
maí og keppa þá á stórmótum í
Bandaríkjunum. „Ég býst við að
hún stórbæti íslandsmetin, einkum
í lengra hlaupinu," sagði hann.
Helga er stutt frá ólympíulágmark-
inu í 400 metra grindhlaupi, en það
er 57,90 sekúndur. Hún hljóp marg-
sinnis undir lágmarkinu ( fyrra,
náði bezt 57,53 sek. er hún vrða í
sjötta sæti í úrslitahlaupinu á
Heimsmeistaramóti stúdenta í
Júgóslavíu.
Helga Halldórsdóttlr.