Morgunblaðið - 25.09.1988, Qupperneq 38

38
morgunblaðið, ÓLYMPÍULEIKARNIR QQg> í SEOUL '88 SUNNUDAGUR 25. SEPTEMBER 1988
FRJÁLSAR ÍÞRÓTTIR
„Var öruggur með
sigur eftir 30 metra“
- sagði Ben Johnson sem sigraði í 100 metra hlaupi á nýju heimsmeti: 9,79 sek.
BEN Johnson, fljótasti maður
heims, vann einvígið í 100
metra hlaupi sem allir höfðu
beðið eftir. Hann sigraði Carl
Lewis, fjórfaldan guilverð-
launahafa frá Los Angeles, og
setti nýtt glæsilegt heimsmet,
9,79 sekúndur. Þegar hlaupið
hófst var reyndar ekki spurning
um hver sigraði heldur hvert
nýja heimsmetið yrði, slíkir
voru yfirburðir Johnson.
ÆT
Eg fann mig vel og ég var örugg-
ur með sigur eftir 30 metra.
Svo var bara að fylgja því eftir,"
sagði Ben Johnson. „Ég slakaði á
þegar nokkrir metrar voru eftir og
hefði hugsanlega getað komið í
mark á 9,78. En ég ætla að spara
það þangað til á næsta ári,“ sagði
Johnson eftir hlaupið.
Viðbragð
Yfirburðir Johnson voru fyrst og
fremst í ótrúlegu viðbragði. Hann
var kominn af stað áður en aðrir
keppendur náðu að rétta úr sér.
Þrátt fyrir það náði hann ekki jafn
góðu viðbragði og á heimsmeistara-
mótinu í Róm. Það tók Johnson
0,132 sekúndur að komast af stað
en 0,129 í Róm.
Byijunin var þó það sem gerði
út um hlaupið. Eftir 30 metra var
ljóst hver myndi sigra. Johnson
náði öruggri forystu og það var
ekki fyrr en undir lokin að Lewis
náði að minnka muninn en ekki að
ógna forskoti Johnson.
Þegar nokkrir metrar voru eftir
í mark rétti Johnson upp hægri
höndina til merkis um sigur. „Gull-
verðlaunin eru það sem skiptir
máli. Það geta allir slegið heims-
metið en það getur engin tekið
gullverðlaunin frá mér,“ sagði
Johnson, fljótasti maður heims.
Úrslitin voru mikil vonbrigði fyr-
ir Carl Lewis sem ætlaði að endur-
taka afrek sitt frá leikunum í Los
Angeles og vinna fem gullverðlaun.
Sá draumur er á enda. Á leikunum
í Los Angeles sigraði Lewis í 100
m hlaupi en Johnson hafnaði í 3.
sæti.
„Þetta var gott hlaup en ég var
þremur brautum frá Johnson og sá
hann ekki fyrr en eftir 60-70
metra," sagði Lewis. „Ég á þijár
greinar eftir og mun nú einbeita
mér að þeim,“ sagði Lewis.
Elnvfgi
Þetta hlaup var það sem heimur-
inn beið eftir og líklega fáir sem
urðu fyrir vonbrigðum. Aldrei hefur
náðst jafn góður tími í 100 metra
hlaupi. Heimsmet Johnson, 9,79,
bandarískt met Lewis 9,92, sem er
þriðji besti tími sem náðst hefur og
Evrópumet Linford Christie, 9,97.
Reuter
Frábær byrjun
Ben Johnson náði frábæru starti í 100 metra hlaupinu. Viðbragð hans var stórkostlegt og ljóst var strax í upphafi að
hveiju stefndi. Á myndinni sést vel hve langt hann er kominn fram úr keppinautum sínum þegar í upphafi og Carl
Lewis, fjórði frá vinstri, lítur angistaraugum á keppinaut sinn.
'tf
Þróun heimsmetsins í 100 m
hlaupi
Heimsmetið í 100 m hlaupi karla hefur þróast sem hér
segir á þessari öld (metið er fremst, þá nafn methafans,
þjóðerni og síðan dagsetning sem metið er sett);
10.6 sek...Donald Lippincott, Bandaríkjunum 6.7.1912
10.4.......Charles Paddock, Bandaríkjunum 23.4.1921
10.3.................Percy Williams, Kanada 9.8.1930
10.2...........Jesse Owens, Bandaríkjunum 20.6.1936
10.1..........Willie Williams, Bandaríkjunum 3.8.1956
10.0.......Armin Hary, Vestur-Þýskalandi 21.6.1960
9.95...........Jim Hines, Bandaríkjunum 14.10.1968
9.93...........Calvin Smith, Bandaríkjunum 3.7.1983
9.83.................BenJohnson, Kanada 30.8.1987
9.79.................Ben Johnson, Kanada 24.9.1988
ÞRÍSTÖKK
Búlgarinn
Markov vann
med 17,61 m
Búlgarinn Hristo Markov varð ólympíumeistari í þrístökki
karla, stökk 17,61 m. Þetta er þriðji stóri titillinn, sem
hann vinnur en hann er núverandi heims- og Evrópumeistari í
greininni. Markov stökk 17,61 í fyrsta stökki sínu í úrslitunum
og er það þriðtji bezti árangur sem náðst hefur í þrístökki ár.
Igor Lapchine, Sovétríkjunum, varð annar með 17,52 m og
landi hans, Alexander Kovalenko þriðji, stökk 17,42 m. Banda-
ríkjamaðurinn Willie Banks, sem þótti líklegur til afreka, náði
sér ekki á strik. Hann stökk aðeins 17,03 m og varð sjötti. ■
Hastökkið
Svínn Patrik Sjöberg stökk aðeins 2,25 metra í undankeppni
hástökksins í gærmorgun, en það nægði honum til þess að
komast í úrslitin, sem verða í dag. Lágmarkið hafði verið sett
2,28 metrar en aðeins sjö stökkvarar náðu þeim árangri í gær.
16 stökkvarar komust í úrslit. Þessir stukku 2,28: Dietmar
Mögenburg, Igor Paklin, Geoff Parsons, Clarence Saunders,
Dalton Grant, Hollins Conway og Arturo Ortiz. 2,25 m stukku:
Robert Ruffíni, Luca Toso, Sjöberg, Rudolf Povarnitsyn, Brian
Stanton, Gannady Avdeyenko, Carlo Tránhardt, Jim Howard
og Krzysztof Krawczyk.
Sá besti!
Johnson lyftir fingri hrósandi eftir að hann kom í mark á nýju heimsmeti, sem sigur-
vegari í „hlaupi aldarinnar" — 100 m hlaupi á Ólympíuleikunum i Seoul aðfarar-
nótt laugardagsins.
SJÖÞRAUT
Glæsilegt
heimsmet
Jackie Joyner-
Kerseefékk 7.291
stig.
JACKIE Joyner-Kersee sigraði
örugglega í keppni kvenna í
sjöþraut. Hún setti glæsilegt
ólympíu- og heimsmet, hlaut
7291 stig. Hún bætti þar með
eigið heimsmet um 76 stig.
Joyner-Kersee varð langt á undan
næstu konum. Sabine John frá
Austur-Þýzkalandi varð önnur með
6.897 stig og þriðja landa hennar
Anke Behmer með 6.858 stig. Joyn-
er-Kersee setti persónulegt met í
þremur greinum af sjö, í 100 m
grindahlaupi (12,9 sek), 800 m
hlaupi (2.08,51 sek) og í langstökki
en þar setti hún jafnframt ólympíu-
rr.ct, 7,27 m. Hún hljóp 200 m á
22,56 sek, kastaði 15,80 m í kúlu-
varpi, kastaði spjóti 45,66 m og
stökk 1,86 m í hástökki.
„Ég er fyrst og fremst ánægð
með að sigra. Heimsmetið er í öðru
sæti hjá mér,“ sagði Jackie Joyner-
Kersee eftir sigurinn. Eiginmaður
kennar Bob Kersee, sem jafnframt
er þjálfari hennar, var að vonum
stoltur jrfir afreki konu sinnar og
sagði að hún gæti þess vegna sett
heimsmet í 400 m hlaupi, það væri
bara spurning um að hveiju hún
sneri sér.
Joyner-Kersee hefur verið í sér-
flokki í greininni síðustu tvö ár og
er þetta fimmta heimsmet hennar
í greininni á þeim tíma. Þetta er í
annað skipti sem keppt er í sjö-
þraut kvenna á Ólympíuleikum en
áður var keppt í fimmtarþraut.