Morgunblaðið - 14.07.1989, Blaðsíða 5
MORGUNBLAÐIÐ FÖSTUDAGUR 14. JÚLÍ 1989
5
Fjölskylda Hákonar Bjarnasonar við minnisvarðann, frá vinstri Ágiist H. Bjarnason, Guðrún Bjarnason
ekkja hans, Björg Bjarnason, Jón H. Bjarnason og Laufey Bjarnason.
Heiðmörk:
Minnisvarði um Hákon
Bjarnason afhjúpaður
Afhjúpaður hefúr verið minnis-
varði um Hákon Bjarnason, fyrr-
um skógræktarstjóra í Heiðmörk
á svokölluðu Ferðafélagsplani.
Athöfhin fór fram sl. miðvikudag
að viðstaddri Qölskyldu Hákonar,
stjórn og varastjórn Skógræktar-
félags Reykjavíkur.
Minnisvarðinn, sem er um það bil
mannhæðarhár, er úr grágrýti og á
hann hefur verið festur skjöldur þar
sem á er ritað nafn Hákonar Bjarna-
sonar skógræktarstjóra. Fram kemur
á minnisvarðanum að hann var skóg-
ræktarstjóri frá árinu 1935 til ársins
1977. í lokin eru rituð orðin „Hann
gaf landi sínu nýjan gróður".
Þorvaldur S. Þorvaldsson, formað-
ur Skógræktarfélags Reykjavíkur,
flutti tölu við afhjúpunina og sonur
Hákonar, Ágúst H. Bjarnason, þakk-
aði fyrir hönd fjölskyldunnar. Hákon
barðist m.a. fyrir friðun Heiðmarkar
í tíð sinni sem skógræktarstjóri
ásamt þeim Einari J. Sæmundsen,
fyrrum skógarverði og fyrsta fram-
kvæmdastjóra Skógræktarfélags
Reykjavíkur og Guðmundi Marteins-
syni, formanni félagsins frá upphafi
og fram til 1979. Minnisvarðar um
þá Guðmund og Einar hafa einnig
verið reistir í Heiðmörk.
Minnisvarðinn er valinn og reistur
af Skógræktarfélagi Reykjavíkur, en
unninn í Steinsmiðju Sigurðar Helga-
sonar í Kópavogi. Ekki er fyrirhugað
að reisa fleiri varða af þessu tagi í
Heiðmörk.
Ný flugvél sýnd
Flugleiðamönnum
Forraðamenn Flugleiða hf. hafa enn sem komið er ekki tekið
ákvörðun um hvaða flugvélategund verði fyrir valinu sem arftaki
Fokker F27 Friendship við endurnýjun á innanlandsflugflota félags-
ins.
Fulltrúar þriggja flugvélaverk-
smiðja, Fokker frá Hollandi,
Boeing/de Havilland frá Kanada
og ATR, sem er frönsk-ítölsk sam-
steypa, eru um þessar mundir tíðir
gestir á skrifstofum Flugleiða.
Flugvélarnar þijár sem koma helst
til greina, Fokker 50, de Havilland
Dash 8 og ATR-42, hafa allar verið
sýndar hérlendis og sumar þeirra
oftar en einu sinni.
Fyrir skömmu dvöldu hér fulltrú-
ar kanadíska fyrirtækisins
Boeing/de Havilland. í tengslum
við heimsókn þeirra hafði vél af
gerðinni Dash 8-300, sem var í
ferjuflugi frá verksmiðjunum til
kaupenda í Kína, viðdvöl hér föstu-
daginn 7. júlí í þeim tilgangi að
sýna starfsmönnum Flugleiða nýj-
ustu útgáfu af þessari tegund.
Kanadíska flugvélin er talin álitleg-
ur kostur hérlendis þar sem hún
er nú þegar framleidd í tveimur
stærðum, Dash 8-100, sem tekur
um 36 farþega og Dash 8-300, sem
tekur um 54 farþega, en þriðja út-
gáfan, sem nú er á þróunarstigi,
mun geta flutt um 70 farþega.
Fulltrúar Boeing/de Havilland buðu
ýmsum forráðamönnum Flugleiða í
reynsluflug á vélinni en einnig var
farið sérstaka ferð með þjálfunar-
flugstjórum innanlandsdeildar fé-
lagsins þar sem þeir fengu að sann-
reyna ágæti Dash 8-300.
Morgunblaðið/PPJ
Flugvél af gerðinni Boeing/de Havilland Dash 8-300 á Reykjavíkur-
flugvelli. Vélin var kynnt forráðamönnum Flugleiða sem hugsanleg-
ur kostur þegar innanlandsflugflotinn verður endurnýjaður.
Með öryggið í öndvegi
67,5% Skuldabréf
banka og sparisjóða
Skuldabréf útgefin af
bönktim og stærstu
sparisjóðunum. Teljast
því með öruggustu
verðbréfunum á mark-
aðnum.
Samsetning eigna í sjóði
að baki Skammtímabréfum .
32,5% Spariskírteini
ríkissjóðs
Öruggustu verðbréfin
á markaðnum, Ríkis-
sjóður íslands greið-
andi.
Hvað stendur að baki
verðbréfasjóðnum þínum?
KAUPÞING HF
Húsi verslunarinnar, sími 686988