Morgunblaðið - 24.10.1989, Blaðsíða 23

23
TR
MORGUNBLAÐIÐ ÞRIÐJUDAGUR 24. OKTÓBER 1989
{>( i tiUHÓTItO U fíTl /(! ir>{Rtl <{{({/,ffii/lITOHOM
Ljósmynd/G. Róbert Ágústsson
Ómar Valdimarsson ræðir við Guðmund J. Guðmundsson.
Ný viðtalsbók;
Nýjar upplýsingar
um Tónabíósfiindinn
VÆNTANLEG er á jólabókamarkaðinn viðtalsbók Ómars Valdimars-
sonar blaðamanns, „Jakinn - þættir úr baráttusögu Guðmundar J.
Guðmundssonar." í bókinni segir Guðmundur margt frá kynnum
sínum af íslenzkum stjórnmálum, meðal annars af innanbúðarmálum
í Sósíalistaílokknum og Alþýðubandalaginu. Vaka-Helgafell gefúr
bókina út.
Guðmundur segir til dæmis frá
undirbúningi frægs fundar árið
1966, Tónabíósfundarins svokall-
aða. Þar voru valdir frambjóðendur
á framboðslista Alþýðubandalags-
ins til þingkosninga 1967. Alþýðu-
bandalagið var þá enn kosninga-
bandalag vinstrimanna, en ekki
formlega orðið að stjórnmálaflokki.
Guðmundur var í uppstillingamefnd
fyrir fundinn og vildi að Magnús
Kjartansson, sem síðar varð ráð-
herra, yrði efstur á framboðslistan-
um, Jón Baldvin Hannibalsson í
öðru sæti sem fulltrúi Hannibalista
og Eðvarð'Sigurðsson í þriðja sæti.
Guðmundur segir frá því að meðal
sósíalistafélagsmanna hafi verið
mikil andstaða við Jón Baldvin, sem
ekki hafi verið nógu gott. Hannibal
Valdimarsson faðir hans hafi þá
ætlað í framboð á Vestfjörðum og
beint hafi legið við að taka soninn
inn í annað sætið í Reykjavík til
að halda sáttum við Hannibalista.
Ekkert hafí gengið að ná sam-
komulagi í kjörnefndinni og því
hafi verið stofnuð undirnefnd, sem
í hafi setið Guðmundur J., Guð-
mundur Vigfússon borgarfulltrúi
og Karl Guðjónsson úr Vestmanna-
eyjum. Nefndin hafi haldið á fund
austur í Ölfusborgir með nesti til
heils dags, en fundurinn orðið enda-
sleppur og lokið eftir tólf mínútur,
en ekki tólf tíma. Guðmundur J.
segir Karl hafa komið sér gersam-
lega á óvart með því að heimta að
Guðmundur Vigfússon færi í efsta
sæti listans í stað Magnúsar Kjárt-
anssonar. Það hafi verið að ráði
andstæðinga Magnúsar og Einars
Olgeirssonar, bæði í Sósíalistaarmi
Alþýðubandalagsins og meðal
Hannibalista, að nafn Guðmundar
hafi orðið ofan á. Guðmundur hafi
hins vegar ekki gefið kost á sér
lengur er hann hafi fundið að það
væri engin lausn á ágreiningnum í
Alþýðubandalaginu.
Guðmundur segir frá því að þeg-
ar ekki hafi náðst samkomulag um
Magnús Kjartansson hafi sósíalistar
snúizt gegn Jóni Baldvini. Allt hafi
farið í háaloft í kjörnefndinni og
allir sagt sig úr henni nema hann
sjálfur, Ingi R. Helgason og Guð-
mundur Jónsson. Þeir hafi gert til-
lögu um Magnús Kjartansson, Eð-
varð Sigurðsson og Jón Snorra
Þorleifsson í þijú efstu sætin, Inga
R. í fjórða sætið, Siguijóni Þor-
bergssyni í fimmta sætið og Öddu
Báru Sigfúsdóttur í það sjötta.
Þetta hafi verið nokkuð einlitur
hópur úr Sósíalistaflokknum, en
allar sættir hafi verið roknar út í
veður og vind.
Um þetta hafi Tónabíósfundur-
inn síðan verið haldinn. Tillaga
þeirra þremenninganna hafi verið
samþykkt með miklum atkvæða-
mun, en menn Hannibals orðið
ævareiðir og Hannibal látið svo um
mælt að nú væri Alþýðubandalagið
dautt. Lyktir málsins hafi svo orðið
þær að Hannibal hefði sjálfur farið
í framboð á sérlista í Reykjavík, sem
vann kosningasigur á meðan Al-
þýðubandalagið tapaði fylgi. Þessi
bardagi hafi haft örlagaríkar afleið-
ingar.
Lækkun á frumgreiðslum til sauðfiárbænda:
Kemur sér mjög
illa fyrir bændur
- segir Jóhannes Krisljánsson, for-
maður Landssamtaka sauðflárbænda
„ALLIR sauðfjárbamdur miða skuldbindingar sínar við lögbundna
greiðsludaga fyrir sauðljárinnlegg, og því kemur sá dráttur sem
verður á greiðslum samkvæmt þessari ákvörðun sér rnjög illa fyrir
bændur," sagði Jóhannes Kristjánsson, formaður Landssamtaka sauð-
Qárbænda, um þá ákvörðun Framleiðsluráðs landbúnaðarins að frum-
greiðslur til bænda fyrir sauð^árinnlegg verði 45% af grundvallar-
verði í stað 75% áður.
„Þau ákvæði búvörulaganna sem
áttu að koma bændum best hafa
aldrei staðist, en skerðingarákvæð-
um þeirra hefur hins vegar verið
fylgt án allra undanbragða. Þegar
menn játuðust undir þessa fram-
leiðslustýringu á sínum tíma var
það haft hátt á lofti að bændur
fengju öruggar greiðslur eigi síðar
en 15. október og 15. desember,
en það hefur alls ekki orðið raunin.
Þessar dagsetningar á almanakinu
virðast alltaf koma mönnum jafn
mikið á óvart, og aldrei er farið að
leysa þessi mál fyrr en dagurinn
er upp runninn,“ sagði Jóhannes.
Enn sem fyrr reynist Kjörbókin eigendum sínum hinn
mesti kjörgripur. Grunnvextir eru 20,5%, fyrra
vaxtaþrepið gefur 21,9% og það síðara 22,5%.
Ársávöxtunin er því allt að 23,8%.
Jafnframt er gerður samanburður við ávöxtun bundinna
verðtryggðra reikninga á 6 mánaða fresti.
Sá hluti innstæðu sem staðið hefur óhreyfður allt
tímabilið fær sérstaka verðtryggingaruppbót, reynist
ávöxtun bundnu reikninganna hærri. Par að auki er
innstæða Kjörbókar algjörlega óbundin.
Pessar fréttir gleðja áreiðanlega eigendur þeirra
70 þúsund Kjörbóka sem nú ávaxta sparifé í
Landsbankanum. Þær eru einnig gleðiefni fyrir þá
fjölmörgu sem þessa dagana huga að því hvar og
hvernig best sé að ráðstafa sparifé sínu.
Landsbanki
íslands
Banki allra landsmanna