Morgunblaðið - 14.04.1992, Blaðsíða 36

36
MORGUNBLAÐIÐ ÞRIÐJUDAGUR 14. APRIL 1992
AKUREYRI
Morgunblaðið/Benjamín Baldursson
Hulda Björk Garðarsdóttir í hlutverki Maríu Magdalenu í rokkóper-
unni Messíasi mannsyni.
Freyvangsleikhúsið;
Rokkóperan hlýtur
góðar viðtökur
Rokkóperan Messías mannsonur hefur nú verið sýnd hjá Freyvang-
leikhúsinu og hlotið frábærar viðtökur. Uppselt hefur verið á flestar
sýningar til þessa.
Að öllum öðrum ólöstuðum hefur
túlkun Huldu Bjarkar Garðarsdóttur
á Maríu Magdalenu slegið eftirminni-
lega í gegn.
Sýningar verða á morgun, mið-
vikudag, laugardag fyrir páska og
annan í páskum kl. 20.30. Sýningar
eru nú komnar töluvert á annan tug-
inn og verður verkið á fjölunum fram
í maíbyijun.
Katrín Ragnarsdóttir formaður
Freyvangsleikhússins sagði að vissu-
lega væru aðstandendur sýningar-
innar afar ánægðir með hversu góð-
ar viðtökur rokkóperan hefði fengið.
- Benjamín
Skútustaðakirkja vígð
eftir endurbætur
Björk, Mývatnssveit.
SÍÐASTLIÐINN sunnudag, pálm-
asunnudag, endurvígði biskup Is-
lands, herra Olafur Skúlason,
Skútustaðakirkju. Hófst vígsluat-
höfnin kl. 14 að viðstöddu fjöl-
menni. Þar mættu meðal annars
Helgarskák-
mót hefst á
sumardag-
inn fyrsta
Helgarskákmót verður haldið á
Akureyri dagana 23. apríl til 26.
apríl. Tefldar verða 7 umferðir
eftir Monradkerfi. Umhugsunar-
tími er 1 klukkustund og 30 mín-
útur á 36 leiki og síðan 30 mínút-
ur til að Ijúka skákinni.
Fyrsta umferð verður tefld kl. 14
á sumardaginn fyrsta, og önnur
umferð sama dag kl. 20. A föstudag,
23. apríl, verða einnig tefldar tvær
umferðir, kl. 16 og 21. Laugardaginn
24. apríl verður teflt kl. 10 og 16
og síðasta umferð mótsins verður
• tefld á sunnudag kl. 10.
Heildarverðlaun á mótinu nema
ríflega 60 þúsund krónum.
(Fréttatilkynning)
ásamt biskup, séra Sigurður
Guðmundsson vígslubiskup, séra
Kristján Valur Ingólfsson, Björn
Jónsson fyrrverandi sóknarprest-
ur á Húsavík og séra Orn Friðriks-
son prófastur á Skútustöðum.
Kór kirkjunnar söng, orgelleikari
var Kristín Jónasdóttir. Vígsluat-
höfnin var virðuleg og hátíðleg.
Um alllangan tíma hafa staðið
yfir umfangsmiklar endurbætur á
kirkjunni. Það verk hafa unnið um-
fram aðra bræðumir Ásmundur og
Guðmundur Jónssynir á Hofstöðum.
Að allra dómi hefur mjög vel til te-
kist, enda eru þeir bræður báðir
vandvirkir og miklir hagle.ksmenn.
Að lokinni vígslu var öllum kirkju-
gestum boðið í veglegt kaffisamsæti
í Skjólbrekku. Þar rakti Þráinn Þóris-
son skólastjóri byggingasögu Skútu-
staðakirkju, sem nú er 130 ára. Fleiri
ræður voru þar fluttar, þar á meðal
talaði herra Olafur Skúlason, biskup,
séra Sigurður Guðmundsson og séra
Orn Friðriksson. Ennfremur hinn
gamalkunni knattspymukappi Rík-
harður Jónsson frá Akranesi, en
hann vann mikið við málningu á
kirkjunni.
Góðar gjafir hafa kirkjunni borist,
m.a. altarisdúkur, skímarfontur og
Ijósabúnaður. Þessir munir eru gefn-
ir til minningar um látna ástvini.
Krlslján

17. Andrésar andarleikarnir í Hlíðarfialli:
Rúmlega 700 keppendur frá 16
stöðum á landinu taka þátt
Leikarnir haldnir við sérlega erfiðar aðstæður í ár
SAUTJÁNDU Andrésar andar-
leikarnir verða haldnir í Hlíðar-
fjalli 22. til 25. apríl. Þátttakend-
ur eru 739 talsins á aldrinum
frá 6 til 12 ára og keppt verður
í alpagreinum, göngu og stökki.
Leikarnir verðíi haldnir við sér-
staklega erfiðar aðstæður nú
þar sem snjór hefur verið af
skornum skammti í vetur.
Leikarnir verða settir við hátíð-
lega athöfn í íþróttahöllinni á Ak-
ureyri miðvikudagskvöldið 22.
apríl og munu þátttakendur fara
í skrúðgöngu frá Lundarskóia að
höllinni. Með í skrúðgöngunni
verða Andrés önd og Guffi, sem
koma til landsins frá Danmörku
þennan dag.
Keppnisdagarnir verða þrír og
hafa leikarnir aldrei verið haldnir
við jafn erfiðar aðstæður og nú,
en fremur lítill snjór er í Hlíðar-
fjalli. Fram kom á blaðamanna-
fundi sem haldinn var í gær, að
til þess gæti komið að loka þyrfti
skíðasvæðinu fyrir almenning á
meðan leikarnir standa yfir. Keppt
verður við Strýtu og eins í gili við
stólalyftuna, en það eru einu svæð-
in sem hægt er að skíða á.
Þátttakendur í leikunum verða
739 talsins frá 16 stöðum á land-
inu. Felstir koma frá Reykjavík eða
165 samtals, frá 5 félögum, þá eru
108 þátttakendur frá Akureyri, 41
frá Neskaupstað, 58 frá Dalvík,
42 frá Ólafsfirði, 45 frá ísafirði,
22 frá Eskifirði, 22 frá Seyðis-
firði, 12 frá Reyðarfirði, 42 frá
Kópavogi, 65 frá Húsavík, 16 frá
Egilstöðum, 67 frá Siglufirði, 28
frá Hafnarfirði, 4 frá Bolungarvík
og 2 frá Grundarfirði. Flestir
keppa í alpagreinum, 694, skráðir
keppendur í göngu eru 48 og í
stökki 66.
Auk þátttakenda er búist við
um 200 fararstjórum og þá má
nefna að um 200 manna starfslið
verður á þönum þessa daga í
tengslum við leikana. Á meðan á
leikunum stendur dvelja börnin í
Lundarskóla, en þar verða tæplega
500 börn og um 100 munu hafa
aðsetur í íþróttahúsi KA.
Aðalstyrktaraðili leikanna nú er
Pepsí á íslandi, sem gefur öll verð-
laun, en Vaka-Helgafell styrkir
leikana einnig, en fyrirtækið gefur
út Andrésblöðin. Ömissandi þótti
að fá þá félaga Andrés og Guffa
norður á leikana, en forráðamenn
leikanna lentu í nokkurri klemmu
Morgunblaðið/Rúnar Þór
Gísli Kristinn Lórenzson, ívar
Sigmundsson og Friðrik
Adolfsson úr Andrésar andar-
nefndinni, en á stærri mynd-
inni sést yfir skíðasvæðið þar
sem leikarnir verða m.a.
haldnir.
vegna þess, þar sem Walt Disney
fyrirtækið hefur gert samning við
Vífilfell hf. en aðalstyrktaraðili
leikanna er sem fyrr segir fram-
leiðendur Pepsi. Þessi klemma
félaganna í Andrésarnefndinni
fékk þó farsælan endi sem báðir
gosdrykkj arframleiðendurnir gátu
vel við unað. Þriðji styrktaraðili
leikanna er Alsport sem gefur
skíðaverðlaun, en auk þess veita
ýmis félög sem og Akureyrarbær
styrki vegna leikanna.
Nordisk Kurs ’92;
Norrænt þing myndmennta-
kennara haldid á Akureyri
NORRÆNT þing myndmennta-
kennara, Nordisk Kurs ’92, verð-
ur haldið á Akureyri 29. júní til
3. júlí næstkomandi. Norrænir
myndmenntakennarar hafa í 25
ár skipst á að halda þessi þing,
og verður yfirskrift þingsins að
þessu sinni: „Erum við í takt við
tímann?“ Ráðgert er að um 100
norrænir myndmenntakennarar
af öllum skólastigum komi á
aOR

*
/
%

þingið og taki þátt í skapandi
vinnu, fræðist á fyrirlestrum og
kynni sér eða greini frá nýstár-
legum verkefnum sem unnið er
að innan skólanna. Ferðaskrif-
stofa Islands sér um almenna
skipulagningu þingsins, og þurfa
tilkynningar um þátttöku að hafa
borist skrifstofunni fyrir 15.
apríl.
Fyrirlestrar á Nordisk Kurs ’92
verða fjórir. Sigríður Björnsdóttir
myndmenntakennari og listmeð-
ferðarfræðingur fjallar um fijálsa
myndsköpun, Páll Skúlason heim-
spekingur og háskólaprófessor fjall-
ar um list og siðfræði, Eiríkur Þor-
láksson iistfræðingur og kennari
við Kennarahskóla íslands fjallar
um hvað myndmennt getur fært
nemendum og Bjarni Daníelsson
myndmenntakennari og skólastjóri
Myndlistar- og handíðaskóla ís-
lands fjallar um menningarvitund í
nýrri Evrópu. Á þinginu er ráðgert
að vinna skapandi vinnu á verk-
stæðum og hafa hópumræður þar
sem tækifæri gefst til að vinna í
ýmis efni og skiptast á reynslusög-
um. Á dagskránnf verða einnig
kynningar á verkefnum sem unnin
eru í skólum víðsvegar á Norður-
löndum. Á meðan þingið stendur
NK'92
28.6 - 4.7 1992
Akureyri
Fólag íslonskra myndmonntakonnara
yfir verður meðal annars farið í sigl-
ingu um Eyjafjörð og farin verður
dagsferð til Mývatns. Bæjarstjórn
Akureyrar býður þinggestum til
kvöldverðar, en þinginu lýkur með
hátíðarkvöldverði 3. júlí.
í undirbúningsnefnd Nordisk
Kurs ’92 eru Bryndís Björgvinsdótt-
ir, Sigrún Sveinsdóttir, Þóra Lovísa
Friðleifsdóttir og þær Ása Björk
Snorradóttir og Hrafnhildur Gunn-
laugsdóttir sem eru þingstjórar.
Tengiliðir á Akureyri eru Kristján
Jóhannsson og Þórhalla L. Guð-
mundsdóttir.