Morgunblaðið - 25.06.1992, Blaðsíða 26
26
MORGUNBLAÐIÐ FIMMTUDAGUR 25. JÚNÍ 1992
Ferðamenn á hrossum í Fjörðum:
Þau töldu sig heppin að
sleppa lifandi frá þessu
- segir Stefán bóndi á Grýtubakka
STEFÁN Kristjánsson bóndi á Grýtubakka .var á ferð í Fjörðum með
fimm ferðamenn, Svisslendinga og Þjóðverja, þegar óveðrið skall á,
en ferðinni var heitið á hestum í Þorgeirsfjörð og átti ferðin að standa
í þijá daga. Vegna veðurs var ákveðið að snúa til byggða og gekk
heimferðin seint enda þurfti á köflum að fara yfir um eins og hálfs
metra háa skafla.
„Það var umbrotafæri fyrir hross-
. in, enda haugasnjór víða á leiðinni.
Ferðafólkið minnist þessa áreiðan-
lega alla sína ævi, þau töluðu um
það á leiðinni heim hversu fáránlegt
þetta væri allt saman, að ferðast
hingað um 6.000 kílómetra leið til
að festast svo í snjóskafli. Eg held
þau hafi litið á þessa ferð sem mikla
lífsreynslu og þau verið heppin að
sleppa lifandi frá þessu,“ sagði Stef-
án.
Hátt í fjóra tíma tók að fara á
hestunum leið sem að jafnaði tekur
um einn klukkutíma að ríða. „Fólkinu
stökk ekki bros fyrr en sást "til
byggða," sagði Stefán.
Hann sagðist ekki mikið hafa séð
til skepna, kindur hefðu eflaust kom-
• ið sér í skjól og átti hann síður von
á að þær hefði fennt. Bændur úr
Höfðahverfi fóru að huga að skepn-
Snjór sligar
trjágreinar
Björk, Mývatnssveit.
KULDALEG var um að litast
snemma í gærmorgun í Mývatns-
sveit. Grátt niður í byggð og al-
■ hvítt til heiða og fjalla. Omurlegt
var að sjá tijágreinar sligast und-
an snjóþunga. Þá þurftu ökumenn
að skafa bílrúður sínar.
Hreinsa varð snjó af flugvellinum
við Reykjahlíð, en veður var þá nokk-
uð farið að ganga niður og orðið
úrkomulaust. Við vatnið tók snjóinn
fljótlega upp en í næsta nágrenni eru
fjöliin hins vegar enn hvít.
Margir líkja þessu Jónsmessuhreti
við norðanáhlaup og snjókomu er
gerði 17. júní árið 1959. Þá fennti
fé á heiðum og fjöllum hér í Þingeyj-
arsýslu.
um í gær, en voru ekki væntanlegir
til byggða aftur fyrr en seint í gær-
kvöld. „Ég er hræddur um að detti
úr þeim mjólkin eftir þessar hremm-
ingar. Það verður örugglega minni
vigt í haust og meiri vanhöld, það
má búast við að eitthvað af lömbun-
um drepist í svona veðri. Við sáum
líka þarna skógarþrastarunga sem
voru að fijósa í hel ofan á snjósköfl-
unum, þeir þola ekki þennan kulda,"
sagði Stefán.
Snjóruðningstæki greiddu braut vegfarenda í Víkurskarði í gær.
Morgunblaðið/Rúnar Þór
Lágheiði, Yíkurskarð og Oxar-
fjarðarheiði ófær vegna snjóa
SNJÓMOKSTURSTÆKI voru á ferð um Norðurland í gærmorgun,
enda fjallvegir víða ófærir. Búið var að opna flesta vegi síðdegis,
en þó var Lágheiði enn ófær svo og Öxarfjarðarheiði, en ekki átti
að hefja hreinsun vega þar fyrr en veður skánaði. Tækin voru flest
komin í önnur verkefni sem hæfa sumrinu, en skella þurfti vetrarút-
búnaði á þau áður en haldið var á heiðarnar.
Mikill snjór var í Víkurskarði í
gærmorgun og var ófært öllum
bílum framundir hádegi, en fjór-
hjóladrifnir bílar komust yfir
skarðið nokkru fyrir hádegi. Búið
var að hreinsa snjó af veginum
síðdegis og það fært öllum bflum.
Þá var mokað á veginum norðan
Dalvíkur og að Múlagöngum.
Hálka var á Öxnadalsheiði og þar
var slydduhríð í gærmorgun.
Svavar Jónsson rekstrarstjóri
Vegagerðarinnar á Húsavík sagði
að snjór hefði verið niður í byggð
í gærmorgun, krap og hálka var á
Tjörnesi og hreinsa þurfti Kísilveg-
inn að hluta, en þar var færð erf-
ið. Öxarfjarðarheiði var kolófær í
gær og bjóst Guðni Oddgeirsson
rekstrarstjóri Vegagerðarinnar á
Þórshöfn ekki við að hreinsun
hæfíst fyrr en í dag, fímmtudag.
Mikill snjór var á heiðinni og sagði
Guðni að tíma gæti tekið að opna
hana fyrir umferð, þar sem snjór-
inn væri blautur og þungur.
Vegurinn yfir Hólsand var mok-
aður í gær og reyna átti að hefj-
ast handa við að opna veginn úr
Kelduhverfi upp í Vesturdal í gær-
kvöld, að sögn Guðna. Hann sagð-
ist hafa unnið hjá Vegagerðinni frá
árinu 1966 og hefði öll árin eitt-
hvað þurft að hreinsa snjó að sumri
til á Öxarfjarðarheiði, en hann
myndi ekki til að svo mikill snjór
hefði fallið áður á þessum árstíma.
Lágheiði var ófær og þar var
mikill snjór, en samkvæmt upplýs-
ingum frá Vegagerðinni á Sauðár-
króki átti að hefja hreinsun þegar
veður skánaði. Hálka var víða á
fjallvegum í umdæminu.
Ferðamenn gerðu snjókarla á tjaldsvæðinu við Reykjahlíð:
Höfðu aldrei lent í öðru eins
— segir Þór Kjartansson starfsmaður Iceland Safari
„ÉG VAR á vappi hér í kringum
tjöldin í alla nótt, reyndi að festa
þau betur og gæta þess að þau
væru á sínum stað,“ sagði Þór
Kjartansson starfsmaður hjá Ic-
eland Safari, Úlfari Jakobssyni,
en um 20 manna hópur á vegum
ferðaskrifstofunnar gisti í tjöld-
um í Mývatnssveit í fyrrinótt.
Hiuti hópsins treysti sér ekki til
að sofa í tjöldunum og fékk inni
í húsum. Tvö tjaldanna fuku upp
og þá Iagðist stórt tjald að hálfu
saman.
Þór Kjartansson sagði að skaf-
renningur hefði verið á svæðinu á
þriðjudagskvöld og þegar fólk
vaknaði eftir kuldalega nótt höfðu
skaflar myndast á milli tjaldanna.
„Þegar ég kom út um morguninn
var búið að gera nokkra snjókarla
hér í kringum tjöldin, þannig að
menn virtust hafa húmor fyrir
þessu,“ sagði Þór.
Hópurinn á vegum Iceland Saf-
ari átti að dvelja aðra nótt í Mý-
vatnssveit, en fólki leist ekki á
blikuna og því var farið af stað
fyrr en áætlað hafði verið og hald-
ið austur á bóginn. „Þetta var
þriðja nótt þessa hóps hér á landi,
áður höfum við verið í Stykkis-
hólmi og Skagafírði og allan tím-
Morgunblaðið/Rúnar Þór
Þór Kjartansson, starfsmaður Iceland Safari, þurfti að sópa snjó
frá tjöldum í Mývatnssveit í gærmorgun. Þegar hann kom út í
býtið höfðu nokkrir ferðalangar gert snjókarla á milli tjaldanna.
ann hreppt rigningu. Svo lendum
við í snjókomu hér í Mývatnssveit.
Fólkið hafði aldrei lent í öðru eins,
en við reyndum að gera þeim ljóst
að okkur þætti þetta óvenjulegt
líka.“
Þór sagði að vissulega hefði
sumu fólkinu þótt þetta spennandi
ævintýri, en öðrum var lítið um
það gefið að lenda í slíku veðri í
sumarleyfi sínu, einkum eldra fólk-
inu í hópnum. En tvær sænskar
stúlkur hefðu til að mynda við-
urkennt að þær væru orðnar full
smeykar þegar leið á nóttina, en
orðið að dúsa áfram í tjaldi sínu
þar sem ekki var hægt að komast
í hús.
Átti von á kulda,
en alls ekki þessu
— segir þýski ferðamaðurinn Bernhard Strichler
„ÉG ÁTTI alveg von á að það yrði kalt hérna, en við þessu bjóst ég
alls ekki,“ sagði Bernhard Strichler, þýskur ferðamaður sem gisti
í tjaldi sínu á tjaldstæðinu við Reykjahlíð í Mývatnssveit í fyrrinótt.
Á tjaldstæðinu voru 23 tjöld í fyrrinótt og eflaust hefur tjaldbúum
brugðið í brún er þeir vöknuðu í morgunsárið við alhvíta jörð.
Bernhard Strichler kom til lands-
ins í síðustu viku með Norrænu og
sagðist hann koma til Mývatnssveit-
ar frá því að skoða Dettifoss og
Ásbyrgi, en hann ætlar að ferðast
um landið næstu daga og halda á
brott með flugi 1. júlí næstkomandi.
Hann er einn á ferð og ferðast
um á hjóli sínu. „Ég ætla að vera
hér í Mývatnssveit og skoða mig
um þrátt fyrir þetta veður. Ég býst
við að fara um sveitina og taka
myndir,“ sagði Bernhard Strichler.
Hann sagðist vera vel út búinn, en
vegna kuldans hefði hann keypt sér
húfu í Mývatnssveitinni og þá var
hann einnig með ullarvettlinga á
höndum er blaðamenn Morgun-
blaðsins hittu hann við tjald sitt í
Reykjahlíð í gærmorgun.
Tjald hans getur vart talist stórt,
rúmar einn mann og því lítið hægt
að setjast þar inn til að fá yl í kropp-
inn, en hann lét það lítið á sig fá
og sagðist hafa sofið alveg ágæt-
lega um nóttina þrátt fyrir kulda
og snjókomu.
Þó veðrið léki ekki við þennan
þýska ferðamann ætlaði hann að
dvelja áfram í Mývatnssveit eins
og hann hafði áður ráðgert, en
margir ferðamenn breyttu ferða-
áætlun sinni og fóru af svæðinu.
Smalaö af Lágheiði
Mannhæöarháir skaflar á heiðinni
„VIÐ náðum um 250 til 260 kindum niður af heiðinni," sagði Guð-
rún Sigurðardóttir húsfreyja á Bakka í Ólafsfirði, en í fyrrakvöld
og gærdag var farið að leita að fé á Lágheiðinni og fengu þau á
Bakka aðstoð björgunarsveitarmanna í Ólafsfirði við leitina.
Kindumar voru reknar í Reykja-
rétt í fyrrakvöld og síðan niður í
sveitina í gær þar sem snjóléttara
var. Lágheiðin var kolófær og lög-
reglumenn sem sem feija ætluðu
dómara yfir heiðina lentu í mann-
hæðarháum snjóskafli og þurftu að
snúa til baka.
Guðrún sagði að byijað hefði að
snjóa á þriðjudagskvöld og snjó
kyngt niður alla nóttina. Bömin
hefðu verið að búa til snjókarla
heima við bæinn í gærdag.
Verið var að huga að fé í allan
gærdag, en lítið til þess sést á heið-
inni, enda stytti ekki upp fyrr en
seinnipart dags. Á þriðjudagskvöld
hefðu um 250-60 kindur náðst nið-
ur af heiðinni. Á Bakka em rúm-
lega 300 kindur. „Við óttumst það
að hafa misst eitthvað af fénu, en
vitum það ekki með vissu fyrr en
snjóa leysir. Sennilega hefur eitt-
hvað farið yfir í Fljótin og eins
gæti sumt haldið sig hér niðri í
sveitinni," sagði Guðrún.