Morgunblaðið - 11.02.1993, Blaðsíða 24
24
MORGUNBLAÐIÐ FIMMTUDAGUR 11. FEBRÚAR 1993
Rakhmanínov-tónlistarhátíðin
íslandsfari sló 120
píanóleikurum við
Moskvu. Frá Lárusi Jáhannessyni, fréttaritara Morgimblaðsins.
SEYTJÁN ára gamall píanóleikari, Olga Pusjesnikova, sigraði á
Rakhmanínov-tónlistarhátíðinni, sem var að ljúka hér í Moskvu.
Hún er íslendingum að góðu kunn því hún var gestur Listahátíðar
í fyrra ásamt fleiri rússneskum undrabörnum. Þar vakti hún verð-
skuldaða athygli.
Hátíðin var mjög vegleg að
þessu sinni því nú eru 120 ár frá
fæðingu Sergejs Rakhmanínovs
og 50 ár frá andláti hans. Alls
tóku 120 píanóleikarar frá ýmsum
löndum þátt í keppninni og kom-
ust 8 í úrslit þar sem Olga var
yngst. Dómnefndin, sem skipuð
var heimsþekktum listamönnum,
átti ekki nógu sterk orð til að lýsa
hæfileikum sigurvegarans.
Fyrstu verðlaun, tíu þúsund
dollara, afhenti Alexander Rak-
hmanínov, afabam meistarans, og
komu þau úr hans eigin vasa, en
hann var sérstakur heiðursgestur
á hátíðinni.
-------» ♦ ♦-------
Meðal Víetnama
Francois Mitterrand Frakklandsforseti ræðir við íbúa Hanoi í gær, á öðrum degi heimsóknar hans til
Víetnams. Forsetinn fer í sólarhrings heimsókn til Kambódíu í dag.
Forseti Frakklands með loforð í farteskinu í heimsókn til Víetnam
Mitterrand harrnar stríðið
og tvöfaldar ijárhagsaðstoð
Hanoi. Reuter.
FRANCOIS Mitterrand, forseti
Frakklands, sagði í gær að niu
ára strið Víetnama og franska
nýlenduhersins, sem lauk árið
1954, hefði verið mistök. Hann
lofaði ennfremur að tvöfalda
fjárhagsaðstoð Frakka við Víet-
nam á árinu og skoraði á Banda-
ríkjastjórn að aflétta viðskipta-
banni á landið.
Mitterrand sagði að Frakkar
hefðu átt að reyna að afstýra stríð-
inu við víetnamska þjóðemissinna
undir stjóm Ho Chi Minhs - sem
leiddi til stríðs Víetnama og
Bandaríkjamanna rúmum áratug
síðar. „Ég hef alltaf sagt að þetta
stríð milli Frakka og Víetnama
hafí verið mistök," sagði hann og
bætti við að það hefði verið dýr-
keypt og „grimmdarlegt“. Hann
sagði að hægt hefði verið að af-
stýra stríðinu ef Ho Chi Minh hefði
tekist að koma á samningaviðræð-
um um sjálfstæði Víetnams þegar
hann kom til Frakklands árið
1946. „Hann hitti hins vegar eng-
an sem vildi ræða við hann og
semja um sjálfstæði Víetnams.
Niðurstaðan var því stríð. Nú, 40
ámm síðar, tel ég mikilvægt að
kanna betur hvað gerðist,“ sagði
forsetinn.
Mitterrand kvaðst hafa undirrit-
að samninga um aukna samvinnu
ríkjanna og sagði það viðeigandi
að Frakkar yrðu fyrstir vestrænna
þjóða að ijúfa einangmn Víet-
nams. Fjárhagsaðstoðin við Víet-
nama yrði tvöfölduð á árinu, en
hún nam 36 milljónum dala, 2,3
milljörðum króna, í fyrra.
Viðskiptabann „tímaskekkja“
Forsetinn áréttaði ennfremur
þá skoðun sína að Bandaríkja-
mönnum bæri að aflétta viðskipta-
banni á Víetnam, sem þeir settu
árið 1964, ári áður en þeir sendu
hersveitir til landsins. Hann sagði
að bannið væri „tímaskekkja“.
Þegar hann var spurður hvort
hann hefði einhver skilaboð til
Bills Clintons Bandaríkjaforseta
svaraði hann: „Aðeins eina ráð-
leggingu - losaðu þig við við-
skiptabannið. Punktur."
Mitterrand sagði í ávarpi til Le
Ducs Anhs, forseta Víetnams, að
Frakkar byndu vonir við að efna-
hagsumbætur víetnömsku komm-
únistastjómarinnar í átt til mark-
aðsbúskapar leiddu til aukins
fijálsræðis á fleiri sviðum. Hann
lagði áherslu á mikilvægi lýðræðis
og virðingar fyrir mannréttindum.
Sky-sjónvarpstöðin
Sendingar
truflaðar?
ENN liggur ekki fyrir ákvörðun
um hvort tekið verður að trufla
útsendingar Sky-sjónvarpsstöðv-
arinnar bresku sem eigendur
gervihnattabúnaðar í Evrópu og
á íslandi hafa getað nýtt sér að
kostnaðarlausu.
Talsmaður Sky staðfesti í sam-
tali við Morgunblaðið í gær að til
tals hefði komið að rugla útsending-
ar Sky News fréttarásarinnar og
Sky One, sem einkum sýnir fram-
haldsþætti.
„Við höfum ávallt og ævinlega
áskilið okkur rétt til að trufla út-
sendingar á þessum rásum,“ sagði
talsmaður Sky-fyrirtækisins en fyr-
irtækið rekur nú fjórar rásir þar
sem notendur þurfa að eiga af-
ruglara hyggist þeir fylgjast með
því efni sem þar er í boði. Taismað-
urinn sagði aðspurður að vegna
laga um höfundarrétt gætu einung-
is áhorfendur á Bretlandi og írlandi
nýtt sér afruglara fyrir rásir þessar.
Breskir fréttamenn tilfinningasnauðir á frumsýningu „Di- nasty“
Harmsaga Díönu olli ekki
táraflóði heldur hrossahlátri
London. Reuter.
SJÓNVARPSMYND í tveim þáttum um misheppnað hjónaband
Karls Bretaprins og Díönu prinsessu var sýnd völdum hópi frétta-
manna og fleira fólks á þriðjudagskvöld í fyrsta sinn í London
og hlaut fremur óvæntar viðtökur. Framleiðendur studdust við
metsölubók Andrews Mortons um ævi Díönu og höfðu gert ráð
fyrir að myndin yrði til að hreyfa við tárakirtlum áhorfenda en
hlátrasköll þeirra yfirgnæfðu stundum samræður söguheljanna.
„Það hefði átt að kalla þetta Di- nasty,“ sagði blaðamaður slúður-
blaðsins Sun um myndina sem sögð er blanda af táraflóði, bræðis-
köstum og skartgripasýningu. Hann vísaði þar til bandarísku
sápuóperunnar alþekktu; prinsessan gengur sem kunnugt er und-
ir gælunafninu Di og enska orðið „nasty“ merkir illkvittinn.
Myndin verður sýnd á SAy-sjónvarpsstöðinni í næstu viku.
Framleiðendur vörðu þrem
milljónum punda, nær 300 millj-
ónum króna, í gerð myndarinnar.
Lýst er harmsögulegu lífi ungu
stúlkunnar sem varð fyrir því að
æskudraumamir um sanna ham-
ingju brustu vegna þess hve kon-
ungsfíölskyldan er kuldaleg í
framkomu og fáskiptin. Samtölin
þykja sum einstaklega uppskrúfuð
og tilgerðarleg, persónusköpun
afar ýkjukennd. Leikkonan sem
fer með hlutverk Díönu er Serena
Scott-Thomas. Hún er miklu lægri
í loftinu en prinsessan og hárið
er tætingslegt, minnir fremur á
hárkollu en vei hirta höfuðprýði
Díönu. Karl prins stelur senunni,
sem hann þykir annars ekki gera
í reynd, með sérstæðu tungutaki
sínu og hnyttni.
„Hysjaðu nú upp um þig“
Díana, sem hefur átt við heift-
arlegt lystarstol að stríða, er m.a.
sýnd grátbiðja eiginmanninn að
sýna sér meiri blíðu og nær-
gætni. „Ég þarf á þér að halda,
vil að þú haldir utan um mig,“
segir hún. Karl, sem leikinn er
af Shakespeare-leikaranum David
Threlfall, svarar grafalvarlegur:
„Já en þú ert alltaf lasin“. Þessi
og fleiri dramatískir hátindar
verksins nutu sín ekki sem skyldi
á frumsýningunni sakir hrossa-
hláturs áhorfenda. Fréttamenn
voru sammála um að eitt besta
atriðið væri samtal Karls og
Filippusar drottningarmanns þar
sem hinn síðamefndi hvetur son
sinn til að „hysja nú upp um sig“
og ná sér í konu. „Nú er ekki
rétti tíminn til að vera niðurdreg-
inn,“ segir Filippus, strangur á
svip.
Annars flokks
fegurðardrottning
Gagnrýnandi Sun, sem þykir
Reuter
Bresku leikararnir David Threlfall og Serena Scott-Thomas sem
leika Karl, ríkisarfa Breta, og Díönu prinsessu í nýrri sjónvarps-
mynd sem sýnd verður á Sfcy-sjónvarpsstöðinni í næstu viku.
meinyrtur, taldi að hin háaldraða
og vinsæla Elísabet drottningar-
móðir liti út eins og „náungi með
hárkollu," Díana eins og „annars
flokks alheimsfegurðardrottning.“
Sara, hertogaynja af Jórvík, sem
nú er skilin að borði og sæng við
mann sinn, Andrés prins, er að
sögn Sun „allt of lagleg og grönn
til að líkjast fyrirmyndinni".
Sjónvarpsstöðvar víða um heim,
meðal annars í Frakklandi, Banda-
ríkjunum og Japan, hafa keypt
sýningarrétt að myndinni en
breska Sky One-stöðin sendir
myndina út á sunnudags- og
þriðjudagskvöld. Buckingham-
höll er búin gervihnattadiski og
nær útsendingum Sky. Talsmaður
hirðarinnar vildi ekki skýra frá
því hvort konungsfjölskyldan gæti
horft á stöðina og bætti hlæjandi
við: „Þótt þau gætu það myndu
þau ekki gera það“.