Morgunblaðið - 04.05.1994, Blaðsíða 1

64 SÍÐUR B
99. TBL. 82. ÁRG.
MIÐVIKUDAGUR 4. MAÍ 1994 PRENTSMIÐJA MORGUNBLAÐSINS
Fundir fram á nótt vegna ágreinings milli ísraelsstjórnar og PLO
Arafat krefst
titils sem for-
seti Palestínu
Kaíró. Reuter.
ÁGREININGUR reis í gær milli ísraela og Frelsissamtaka Palestínu-
manna (PLO) um orðalag og efnisatriði friðarsamkomulags sem til
stóð að undirrita í Kaíró í morgun klukkan átta að íslenskum tíma.
Mikil og áköf fundarhöld áttu sér stað í gær og fyrrakvöld til þess
að freista þess að leysa ágreininginn. Meðal deiluatriða er hvaða titil
Yasser Arafat, leiðtogi PLO, mun bera en hann vill sjálfur láta kalla
sig forseta. Gengu Warren Christopher og Björn Tore Godal, utanríkis-
ráðherrar Bandaríkjanna og Noregs, milli aðila.
Ætlunin var að Yitzhak Rabin,
forsætisráðherra ísraels, og Arafat
freistuðu þess einnig í gærkvöldi
að leysa ágreining um mörk sjálf-
stjórnarsvæðis Jeríkóborgar og
hvort palestínskir varðliðar taki
stöðu á brúnni milli Vesturbakkans
og Jórdan.
Arafat kom í gær til Kaíró frá
Túnis og sagðist hafa gert það
eftir mikinn þrýsting af hálfu Go-
dals. Sagði hann ísraela hafa viljað
breyta ýmsu sem áður hefði verið
um samið.
Mikil spenna ríkti um það hvort
samkomulag tækist. Gert hafði
verið ráð fyrir að Arafat og Rabin
undirrituðu endanlegt friðarsam-
komulag í Kaíró í dag. í því felst
stofnun palestínsks lands með
sjálfstæða tilveru. Að undirritun
lokinni munu hundruð sérþjálfaðra
palestínskra lögreglusveita
streyma inn á Gaza-svæðið og í
Jeríkó og taka við löggæslu af ísra-
elskum hersveitum sem munu yfir-
gefa svæðin. Fjöldi fulltrúa er-
lendra ríkja verður viðstaddur at-
höfnina í Kaíró. Verður Sighvatur
Björgvinsson fulltrúi ríkisstjórnar
íslands og sem staðgengill utanrík-
isráðherra, Jóns Baldvins Hannib-
alssonar.
Reuter
Smíðað fyrir
Mandela
Smiðir unnu að því hörðum
höndum í gær að ganga frá
palli, sem notaður verður við
embættisvígslu Nelsons
Mandela sem fyrsta svarta
forseta Suður-Afríku. Við at-
höfnina verður fluttur kon-
sert, sem hlotið hefur nafnið
„Margvísleg menning — ein
þjóð“.
■ Stór sigur hættulegur/löt
-----» ♦ ♦----
Síðasta
orrustan?
Belgrad. Reuter.
YFIRVOFANDI orrusta um bosn-
íska bæinn Brcko, sem er á valdi
Serba, gæti orðið sú síðasta og ráð-
ið úrslitum í stríðinu í Bosníu, að
sögn fréttaskýrenda í gær.
Bærinn var aðallega byggður
múslimum fyrir stríðið og er við fljót-
ið Sava, sem skilur að Bosníu og
Króatíu. Brcko er á mjórri landræmu
sem tengir svæði Serba í Bosníu og
Króatíu við Serbíu.
Bosníu-Serbar hafa um 70%
Bosníu á sínu valdi eftir meira en
tveggja ára stríð og yfirráðasvæði
þeirra er eins og skeifa í laginu.
*
Israelsher á förum
Reuter
ÍSRAELSKIR hermenn voru í óðaönn að taka saman föggur
sínar á Gaza-svæðinu í gær, en samkvæmt friðarsamningum
ísraela og Palestínumanna eiga þeir að vera farnir innan 21
dags frá því að samningarnir hafa verið undirritaðir.
Skrekkur
í breska
A
Ihalds-
flokknum
Lundúnum. Reuter.
MIKILL kosningaskrekkur
virtist kominn í breska íhalds-
menn í gær, aðeins tveimur
dögum fyrir sveitarstjórna-
kosningar. Búist er við að
Ihaldsflokkurinn tapi tals-
verðu fylgi í kosningunum.
Verkamannaflokknum er
spáð 41% atkvæða og hann
hefur hamrað á því að kosn-
ingarnar jafngildi þjóðarat-
kvæði um frammistöðu Johns
Majors forsætisráðherra.
íhaldsmenn gætu einnig gold-
ið afhroð í kosningum til Evr-
ópuþingsins í næsta mánuði
og tvöfaldur ósigur yrði að
öllum líkindum til þess að
Major hrökklaðist frá völdum.
Hvatt til einingar
Malcolm Rifkind varnar-
málaráðherra hvatti í gær
íhaldsmenn til að láta af inn-
byrðis deilum og lúta flokks-
aga. „Það er mikilvægt fyrir
okkur að muna að íhaldsflokk-
urinn snýst um völd. Hann er
ekki rökræðufélag,“ sagði Rif-
kind í útvarpsviðtali.
15 ár eru nú liðin frá því
flokkurinn komst til valda í
Bretlandi og undanfarin miss-
eri hefur hann einkennst af
mikilli óeiningu, einkum í
málum sem varða aukið sam-
starf ríkja Evrópusambands-
ins.
íhaldsmenn binda helst von-
ir sínar við, að vaxandi hag-
vöxtur í Bretlandi, sem hefur
verið meiri en annars staðar
í Evrópu, muni loksins skila
sér i stuðningi við flokkinn.
Verulegt fylgistap hjá báðum stjórnarflokkunum í Hollandi
Mestar líktu’ á sam-
stjóm þriggia flokka
Haag. Reuter.
SAMSTJÓRN Kristilega demókrataflokksins og Verkamannaflokksins
missti þingmeirihluta sinn í kosningunum, sem fram fóru í Hollandi
í gær. Þau umskipti urðu einnig, að Verkamannaflokkurinn er nú
stærstur hollensku stjórnmálaflokkanna þótt hann hafi tapað verulegu
fylgi. Var útlit fyrir að hann fengi 37 þingsæti en hafði 49 en kristi-
legir demókratar virtust ekki ætla að fá nema 34 menn kjörna en
hafa haft 54. Hugsanlegt ér, að í fyrsta sinn í hálfa öld verði kristileg-
ir demókratar utan stjórnar á næsta kjörtímabili.
Þessar tölur voru byggðar á taln-
ingu 51% atkvæða og líkur voru
á, að hinir tveir stóru flokkarnir,
Fijálslyndi flokkurinn, sem er
hægrisinnaður, og vinstriflokkurinn
D66 bættu við sig miklu fylgi. Var
þeim fyrmefnda spáð allt að 30
þingmönnum og þeim síðarnefnda
24. Auk þess fengu tveir nýir flokk-
ar eftirlaunaþega mikinn stuðning
og allt að sjö þingsæti. 76 þing-
menn þarf til að mynda starfhæfan
meirihluta á þingi.
Ljóst þótti í gær, að næsta stjórn
í Hollandi yrði þriggja flokka stjórn
og spáðu því sumir, að Verka-
mannaflokkurinn, frjálslyndir og
D66 myndu standa að henni. Það
yrði þá í fyrsta sinn í 50 ár að
kristilegir demókratar yrðu utan
stjórnar. Stjórnarmyndun í Hollandi
tekur hins vegar oft mjög langan
tíma og sem dæmi má nefna, að
1977 tók hún rúma 200 daga.
Ruud Lubbers, sem gegnt hefur
forsætisráðherraembætti í Hollandi
í 12 ár, lengur en nokkur annar,
staðfesti í gær, að hann hygðist
sækjast eftir því að verða eftirmað-
ur Jacques Delors sem forseti fram-
kvæmdastjórnar Evrópusambands-
ins en Delors segir því starfi af sér
í janúar á næsta ári.
Reuter
Ruud Lubbers, fráfarandi for-
sætisráðherra, á kjörstað.