Morgunblaðið - 26.08.1995, Blaðsíða 22

22 LAUGARDAGUR 26. ÁGÚST 1995
MORGUNBLAÐIÐ
ERLENT
Sprengingin í miðborg Helsinki
Virðist hafa beinst
g-egn lögreglu
Helsinki. Reuter.
LÖGREGLA í Helsinki hefur engar
vísbendingar um hver stóð að bíl-
sprengju sem særði lögregluþjón
og olli skemmdum á lögreglustöð
í miðborginni í fyrrinótt. Rannsókn-
arlögreglan segir að sprengingunni
virðist hafa verið beint gegn bygg-
ingu sem hýsir ýmsar deildir borg-
arlögreglunnar.
Talsmaður lögreglu, Antti Turk-
ama, sagði að um eitt hundrað
lögreglumenn sinntu rannsókn
málsins, en hefðu engar vísbend-
ingar.
Maður, sem ekki lét nafns síns
getið, hringdi í finnska fjölmiðla
og sagðist vera fulltrúi finnskrar
þjóðernishreyfingar, sem bæri
ábyrgð á sprengingunni. Lögregl-
an kvaðst ekki hafa heyrt um
hreyfinguna, sem virðist krefjast
þess að Karelíuhérað, sem varð
hluti af Rússlandi eftir heimsstyij-
öldina síðari, verði aftur hluti af
Finnlandi.
Mótorhj ólagengi?
Stjórnarerindrekar í Helsinki
telja að sprengingin tengist illvíg-
um deilum milli tveggja hópa
mótorhjólafólks, Grafaranna og
Bandíttanna. Hóparnir hafa staðið
að árásum hvor á annan, meðal
annars var gerð eldflaugarárás á
skemmtistað í Helsinki, frá því nýr
leiðtogi Bandíttanna var skotinn til
bana í júlí þegar hann var á ferð
um Svíþjóð eftir að hafa verið í
heimsókn hjá Finnlandsdeildinni.
Finnska lögreglan réðst nýlega
til inngöngu í höfuðstöðvar annars
hópsins og lagði hald á vopn og
sprengiefni. Tveir meðlimir hópsins
munu hafa verið í haldi í bygging-
unni, sem sprengingin virðist hafa
beinst að i gær.
Turkama útilokaði ekki að mót-
orhjólagengi hefði staðið fyrir
sprengingunni, en vildi ekki stað-
festa að meðlimir gengisins væru
í haldi í byggingunni.
Reuter
LEIFAR af bíl sem talið er að sprengjan, sem sprakk í miðborg
Helsinki, hafi verið falin í.
Barschel-málið
Morð en
ekki sjálfs-
morð
Bonn. Reuter.
SAKSÓKNARAR í Þýzkalandi
standa nú í þeirri trú að Uwe
Barschel, fyrrverandi forsætis-
ráðherra Slésvík-Holstein, hafi
verið myrtur en ekki framið
sjálfsmorð, eftir því sem þýzka
sjónvarpsstöðin ZDF segir.
Barschel fannst látinn í bað-
kari á hóteli í Genf, einum mán-
uði eftir að hann tapaði kosning-
um í sambandsríkinu árið 1987
í kjölfar þess að upp komst að
hann hefði beitt vafasömum að-
ferðum gegn keppinaut sínum í
kosningabaráttunni.
ZDF sagði frá því, að í nýrri
skýrslu réttarrannsóknarstofn-
unar Munchenarháskóla kæmi
fram, að í líkama Barschels hefðu
fundizt eiturefnaleifar, sem fram
að þessu hefðu ekki verið uppgöt-
vaðar. Þessar niðurstöður hefðu
sannfært saksóknara um að
Barschel hefði verið myrtur.
Dómstólar í Liibeck hafa
ákveðið að taka málið upp að
nýju.
ísraelar og PLO ná „um-
talsverðum árangri“
Jerúsalem. Reuter.
SAMNINGAMENN ísraela og Frels-
issamtaka Palestínu (PLO) sögðust
í gær hafa náð „umtalsverðum ár-
angri" í samningum um stækkun
sjálfstjórnarsvæðum Palestínu-
manna á Vesturbakkanum. Þó ber
enn nokkuð í milli.
I sameiginlegri yfirlýsingu sem
samningamenn sendu frá sér í lok
viðræðnanna í gær segjast þeir hafa
komið sér saman um uppkast að
bráðabirgðasamkomulagi. Haldið
verði áfram viðræðum um ýmsar
viðbætur varðandi brottflutning her-
manna, öryggismál, kosningar og
þegnrétt.
Samningmennimir sögðu að í
uppkastinu, sem væri 260 blaðsíður,
gerðu ísraelar og Palestínumenn
grein fyrir viðhorfum sínum til nokk-
urra atriða sem væri deilt um, en
yrðu tekin upp í viðræðum í næstu
viku.
Meðal þess sem enn er ósamið
um er brottflutningur ísraelskra her-
manna frá bænum Hebron, lausn
þúsunda Palestínumanna sem eru í
ísraelskum fangelsum, og tilfærslu
valds til Palestínumanna.
Aðstoðarmaður Yassers Arafats,
leiðtoga PLO, sagði að Arafat og
Yitzhak Rabin, forsætisráðherra
ísraels, myndu ræða brottflutning
herliðsins frá Hebron og Iausn fang-
anna á fundi sem þeir myndu að lík-
indum eiga í byijun næsta mánuðar.
Báðir aðilar eru áfram um að skrifa
undir friðarsamning fyrir miðjan
september.
Samkvæmt áætlun sem Arafat og
Rabin gerðu í mars átti að undirrita
samkomulag um sjálfstjórnarsvæði á
Vesturbakkanum 1. júlí. Af því varð
ekki og var þá ákveðið að undirritun-
in yrði 25. júlí, sem einnig brást.
Tveir Hamas-menn skotnir
Israelskir hermenn skutu tii bana
tvo meðlimi skæruliðasamtakanna
Hamas, sem eru andvíg friðarvið-
ræðum ísraela og PLÖ, í Hebron í
gær. Hermennirnir náðu að króa
Hamas-mennina af inni í húsi og
skutu þá þar. Að sögn vitna gripu
hermennirnir til jarðýtu og jöfnuðu
húsið við jörðu þegar þeir höfðu fjar-
lægt lík mannanna.
Fyrir tveim dögum sögðust ísra-
elar hafa handtekið flesta meðlimi
Hamas-hópsins sem stóð að
sprengjutilræði sem varð fimm að
bana í Jerúsalem og svipuðu tilræði
í Tel Aviv í júli. Talsmaður ísraels-
hers sagði í gær að mennirnir tveir
sem skotnir voru í Hebron tilheyrðu
ekki þeim hópi, heldur hefðu verið
félagar í annarri deild innan samtak-
anna.
Reuter
Æft fyrir kvennaráðstefnu
KÍNVERSKIR hermenn sjást hér á æfingu í
bænum Huairou, þar sem óopinber ráðstefna um
málefni kvenna mun fara fram samhliða ráð-
stefnu Sameinuðu þjóðanna, sem verður í Pek-
ing. Búizt er við um 40.000 gestum á ráðstefn-
una. Þessar sólhlífar eru í skemmtigarði í bænum.
Kona í for-
sæti sendi-
nefndar
Vatikansins
Páfagaröi. Reuter.
JÓHANNES Páll páfí hefur tilnefnt
konu, Hary Ann Glendon, lögfræði-
prófessor við Harvard-háskóla, til for-
sætis í sendinefnd Páfagarðs á ráð-
stefnu Sameinuðu
þjóðanna um mál-
efni kvenna sem
hefst í Peking í
næsta mánuði.
Talsmaður Páfa-
garðs, Joaquin
Navarro-Vallis,
tilkynnti þetta í
gær.
Nefndin verður Glendon
skipuð 22 fulltrúum og verða þar af
fjórtán konur. Þær eru frá Noregi,
Bandaríkjunum, Pólandi, Chile, Mal-
asíu, Nígeríu, Víetnam, Frakklandi
og Hong Kong.
Þetta verður í fyrsta sinn sem kona
verður fulltrúi Rómversk-kaþólsku
kirkjunnar og Jóhannesar Páls á al-
þjóðlegri samkomu. Corriere della
Sera segir að viðhorf Glendon, sem
er andvíg fóstureyðingum, séu um
margt svipuð viðhorfum páfa.
Navarro-Vallis sagði að Páfagarður
vildi að ráðstefnan yrði í alla staði
„konum í hag.“ Páfi myndi áfram
staðhæfa að „fóstureyðingar geti ekki
talist til mannréttinda vegna þess að
þær eru í mótsögn við rétt manna til
lífs.“