Morgunblaðið - 03.11.1995, Síða 23

MORGUNBLAÐIÐ
ERLENT
FÖSTUDAGUR 3. NÓVEMBER 1995 23
Hörð átök í höfuð-
borg Búrúndí
Bujumbura. Reuter.
HÖRÐ átök brutust út í Bujumb-
ura, höfuðborg Búrúndí, milli
stjórnarhersins og skæruliða Hútúa
aðfaranótt gærdagsins. Sagt var
að minnst fjórir hefðu látið lífið og
23 særst í átökunum, sem í ríkisút-
varpi Búrúndí var líkt við martröð.
Atökin blossuðu upp í Buyenzi,
úthverfi Bujumbura, þegar þjóð-
varðliðar úr röðum Tútsa réðust á
heimili Hútúa með handsprengjum,
grjóti og skammbyssum. Tvö börn
létu lífið í árásinni. Þá létu tveir
lífið þegar sprengju var varpað í
búðir flóttamanna úr röðum Hútúa
í Buyenzi. í gærmorgun var mikill
viðbúnaður herlögreglu í hverfinu.
Versnandi ástand
Fréttaskýrendur segja að ástand-
ið í Búrúndí versni jafnt og þétt og
óttast að landið geti farið sömu leið
og Rúanda, þar sem sömu ættbálk-
ar takast á og hátt í ein milljón
manna týndi lífi á síðasta ári.
Átökin í Bujumbura blossuðu
upp eftir að forsetaskrifstofa Búr-
úndí sakaði herinn, sem er á valdi
Tútsa, um að hafa myrt 253
þorpsbúa úr röðum Hútúa á átaka-
svæði í norðurhluta landsins.
V arnarmálaráðuneyti
mótmælir
Varnarmálaráðuneytið neitaði
því hins vegar í gær að þessi morð
hefðu átt sér stað og sagði rann-
sókn hafa tekið af allan grun um
það.
„Ef fólk hefði verið myrt mynd-
um við vita af því, sagði Longin
Minani, talsmaður hersins. „En við
höfum ekkert heyrt. Það eru stöðug
átök í Búrúndí, en það er ekki fót-
ur fyrir þessari frétt um fjölda-
morð.“
í yfirlýsingu frá forsetaembætt-
inu sagði að hermenn hefði framið
morðin án vitundar yfirmanna
hersins. Að sögn forsetaskrifstof-
unnar er kominn upp klofningur
innan hersins.
Vestrænir hjálparstarfsmenn í
norðurhluta Búrúndí sögðu í síma-
viðtölum að 50 særðir þorpsbúar
hefðu verið fluttir á sjúkrahús.
„Fjöldi manns flýr nú til fjalla,“
sagði einn hjálparstarfsmannanna.
„Herinn eltir uppreisnarmennina.
Allt i kringum okkur eru væring-
ar.“
Starfsmenn hjálparstofnana
veigra sér margir við að starfa á
svæðum í norðurhluta Búrúndí
vegna ástandsins. Skæruliðar
Hútúa ráðast á Tútsa og hermenn
Tútsa svara með því að ráðast á
Hútúa.
Valdalaus forseti
Sylvestre Ntibantunganya, for-
seti Búrúndí, sem er Hútúi, veigrar
sér við að ganga milli stríðandi
fylkinga Hútúa og Tútsa á þessum
slóðum. Ntibantunganya hefur
ekkert vald yfir hernum og getur
ekki rekið herforingja. Forsetinn
er nánast valdalaus áhorfandi að
stjórnleysinu, sem hefur gripið um
sig í landinu og kostað 100 þúsund
mannslíf á undanförnum tveimur
árum. Blóðsúthellingarnar, sem nú
standa yfir í Búrúndí, hófust þegar
liðhlaupar Tútsa úr hernum myrtu
fyrsta lýðræðislega kjörna forseta
landsins, Hútúann Melchior Ndada-
ye, í október árið 1993.
Ringulreið fyrir væntanlegar þingkosningar i Rússlandi
Vísvitandi reynt að
trufla framkvæmdina?
Reuter
GRÍGORÍ Javlínskí, leiðtogi Jabloko, svarar
spurningum á blaðamannafundi í Moskvu í
gær. Yfirkjörnefnd Rússlands bannaði
flokki hans að bjóða fram í deseinber og
bar því við að hann hefði brotið eina grein
framboðslaganna.
Moskvu. Reuter.
VEIKINDI Borís Jeltsíns
forseta og deilur um meint
bellibrögð einkenna barátt-
una fyrir þingkosningarnar
í Rússlandi sem fram eiga
að fara 17. desember. Ýms-
ir velta því nú fyrir sér
hvort í gangi sé samsæri
um að trufla framkvæmd-
ina með öllum ráðum.
Áhrifamikil öfl sjái sér hag
í því að kosningarnar fari
út um þúfur og takist það
ekki verði a.m.k. hægt að
fullyrða að þingið sé ólög-
lega kjörið og því ástæðu-
laust að taka mark á sam-
þykktum þess.
Framboðsfrestur rann út
á miðvikudag. Tveir flokk-
ar voru útilokaðir vegna
lagalegra galla á framboð-
unum, smáatriða sem al-
mennir kjósendur botna
ekkert í. Flokkarnir hafa
báðir mótmælt harkalega
og annar þeirra, umbóta-
flokkurinn Jabloko, skaut
málinu til hæstaréttar.
Leiðtogi Jabloko er Grígorí
Javlínskí sem margir telja
líklegan til að sigra í for-
setakosningum en þær eiga
að verða í júní næsta ári.
Hinn er Derzhava, þjóðern-
issinnaflokkur Alexanders
Rútskojs, fyrrverandi vara-
forseta.
Núverandi stjórnarliðar
sjá sæng sína uppreidda,
Jeltsín er heilsulaus og
virðist heillum horfinn,
tveir væntanlegir forseta-
frambjóðendur hafa mun meira
fylgi en hann í könnunum. Því bein-
ast grunsemdir manna um vísvit-
andi truflanir og hrein skemmdar-
verk mjög að mönnum í Kreml.
Gölluð Iöggjöf
„Kosningalöggjöfin eins og hún
er núna gefur allt of mörg færi til
að hagræða hlutunum,“ sagði dag-
blaðið Kommersant nýlega og benti
á mörg dæmi um brot á reglunum.
Fjölmiðlar hafa margsinnis
ljóstrað upp um stuðningsmanna-
lista með nöfnum þekktra einstakl-
inga er ekki höfðu hugmynd um
að þeir væru á listum umrædds
flokks. Flokkur þurfti að fá minnst
200.000 meðmælendur til að mega
bjóða fram. Ef svik af þessu tagi
er minna á hið fræga skáldverk
Gogols, „Dauðar sálir“ dugðu ekki
gátu flokkarnir keypt undir-
ritanir á svarta markaðnum.
Sérstök yfirkjörnefnd á að
sjá um framkvæmd kosning-
anna og framboðsmál, for-
maður hennar er Níkolaj
Ríabov, er eitt sinn var vara-
þingforseti. Hefur nefndin
sætt harðri gagnrýni en sum-
ir þykjast sjá að á bak við
gerðir hennar séu öflugri ein-
staklingar er vilji koma af
stað upplausn. Skipta þá yfir-
lýsingar manna í innsta hring
á borð við Jeltsín og Viktor
Tsjernomýrdín forsætisráð-
herra, sem báðir hafa gagn-
rýnt bannið við framboði Jab-
loko, litlu. Annaðhvort er
verið að blekkja þá eða þeir
eru sjálfir að reyna að blekkja
almenning.
„Hver hagnast á þessu?“
er spurningin sem brennur á
vörum þeirra tortryggnu,
einkum eftir bannið við fram-
boði flokkanna tveggja. Einn
þeirra er stjórnmálaskýrand-
inn Dmítrí Olsanskí er telur
að helsta markmið huldu-
mannanna sé að sverta fram-
kvæmd kosninganna. Hann
telur þó að þær muni fara
fram þótt einn aðstoðar-
manna Jeltsíns, Georgí Sar-
atov, hafi sagt í sjónvarpsvið-
tali í vikunni að ekki væri
hægt að útiloka að kosn-
ingunum yrði frestað. Fari
svo er líklegt að forsetakosn-
ingum verði einnig frestað.
Stjórnmálaskýrendur eru
flestir á því að kommúnista-
flokkurinn, sem endurreistur var á
rústum hins gamla stjórnarflokks
Sovéttímans, og einn helsti flokkur
hægfara þjóðernisssinna, Ráð rúss-
neskra samfélaga, muni sigra í
kosningunum. Skoðanakannanir
benda eindregið til þess og Olsanskí
er sammála. „Kosningarnar koma
sér afar illa fyrir forsetann og emb-
ættismenn hans,“ segir hann.
Aðeins þessa einu helgi
3.-5. nóvember.
Villfferct&ar-
hlabborb
6 abeins
3.900 kr.
Forcfrykkur
héims-
meístarans
a ftlb.verbí
550 kr.
ínbökuð önd með
skógarsveppum_____
Villibráð Bourguignonne
Heitreykt fjallableikja
Reyktur villilax *
_____Hreindýraorður
Svartfuglspate
Grafinn villilax
Hreindýrabuff
_____Reyktur lundi_____
Soðinn villilax
______Gæsabringur______
________Rjúpusúpa______
Svartfugl
•____Gæsapate________
Villiönd
Súla
atnsdeigsbollur
Skógarberj abaka
Trönuberj abaka
Rifsberjabaka
Bláberjabaka
Avaxtasalat
Picantbaka
Perubaka
Eplabaka
Sj^astahlaðborð í hádeginu
alla virka daga á 690 kr.
—Qj&—--------------------
* /'imm rétta kvöldverður
á aðeins 3.200 kr.
BORÐAPANTANIR
í SÍMA 562 0200