Morgunblaðið - 23.11.1996, Blaðsíða 37
MORGUNBLAÐIÐ
LAUGARDAGUR 23. NÓVEMBER 1996 37
AÐSENDAR GREINAR
Tónlistarskóli
Njarðvíkur 20 ára
BÖRN í forskóladeild Tónlistarskóla Njarðvíkur flylja eigin tónlist á sögustund á Bókasafni
Reykjanesbæjar.
NÚ Á þessu hausti og í vetur
fagnar Tónlistarskóli Njarðvíkur 20
ára afmæli sínu. Skólinn var stofn-
aður árið 1976 og tók formlega til
starfa í september það ár. Þetta var
í kjölfar nýrrar lagasetningar, nr.
22/1975 um stuðning ríkisins við
tónlistarskóla þar sem ríkissjóður
skyldi gi’eiða 50% launakostnaðar
skólastjóra og kennara við þá tónlist-
arskóla sem uppfylltu viss lágmarks-
skilyrði um nemendafjölda og starfs-
tíma. Það sama ár, 1976, fékk Njarð-
vík kaupstaðarréttindi og má því
segja að Tónlistarskólinn hafí verið
nokkurs konar gjöf bæjarbúa til
sjálfra sín vegna þeirra tímamóta.
Í kjölfar nýju laganna spruttu upp
tónlistarskólar víðsvegar um landið
og í dag nýtur þjóðin afraksturs
þeirra í ríkum mæli.
Með stofnun Tónlistarskóla
Njarðvíkur tóku Njarðvíkingar
mikilvægt skref fram á við í skóla-
máium bæjarins og þeir hugsuðu
stórt. Fram að því höfðu Njarðvík-
ingar þurft að sækja tónlistarnám
til Keflavíkur og voru ekki nema
Mikilvægt er, segir
Haraldur Árni Har-
aldsson, að standa vörð
um tónlistarskólana
í landinu.
15 til 20 bæjarbúar að meðaltali sem
það gerðu. En strax á fyrsta starfs-
ári skólans urðu nemendur um 70
talsins og þessar frábæru undirtekt-
ir bæjarbúa breyttu miklu varðandi
tónlistaruppeldi í bænum enda fjölg-
aði nemendum í um 120 árið eftir.
Þáverandi skólanefnd tónlistar-
skólans, bæjaryfívöld og bæjarbúar
skynjuðu mjög fljótt þau áhrif og
það mikilvægi sem góður tónlistar-
skóli er hveiju byggðarlagi og að
sú stofnun yrði að búa við viðun-
andi aðstæður og starfsskilyrði. Það
varð því að veruleika, aðeins tveim-
ur árum eftir stofnun skólans að
hann komst í varanlegt húsnæði,
en fram að því hafði skólinn haft
til afnota 2-3 kennslustofur í
Barnaskólanum. Að komast í nýja
húsnæðið, sem var fyrrverandi
skólastjórabústaður, var mikil bylt-
ing fyrir starfsemi Tónlistarskólans
eins og gefur að skilja og er hann
þar enn til húsa.
Síðan þá hafa verið gerðar tölu-
verðar breytingar á húsnæðinu, það
m.a. stækkað árið 1987, en með til-
komu viðbyggingarinnar varð mögu-
legt að færa alla starfsemina undir
eitt þak. Þá hafði lúðrasveit skólans
haft æfingaaðstöðu um nokkurra ára
skeið í Fjörheimum sem er félags-
miðstöð fyrir börn og unglinga.
Skólastjórar hafa verið tveir, Örn
Oskarsson frá stofnun skólans til
1984 er undirritaður tók við. Skólinn
hefur alla tíð haft á að skipa vel
menntuðum og góðum kennurum
og haldist vel á þeim. Sá kennari
sem á að baki lengstan starfsferil
við skólann eða frá 1978 til 1995,
er Ragnheiður Guðmundsdóttir
söngkona, sem byggði upp ein-
söngsdeild skólans af miklum áhuga
og skilaði starfi sem vakti athygli.
í Tónlistarskóla Njarðvíkur fer
undirbúningsnám fyrir yngri nem-
endur fram í forskóladeild sem er
eins til tveggja ára nám allt eftir
aldri nemenda. Eftir það tekur hefð-
bundið hljóðfæranám vjð og er
kennt á öll helstu hljóðfæri.
Starfsemi skólans hefur tekið
miklum stakkaskiptum á þessum
20 árum og áhersla verið lögð á að
skipuleggja skólann sem best. Jafn-
framt hefur verið reynt að vera í
takt við tíðarandann hveiju sinni.
Árið 1992 voru stofnaðar tvær nýj-
ar deildir við skólann, Suzuki-deild
þar sem boðið er upp á hljóðfæra-
kennslu fyrir börn allt frá tveggja
ára aldri samkvæmt aðferð S.Suzuki
og lítil djass-deild sett á laggirnar
sem valgrein með almennu hljófæra-
námi ásamt djass-hljómsveit í
tengslum við hana. Haustið 1995
var enn stofnuð ný deild, tölvutón-
listardeild, einnig sem valgrein með
almennu hljóðfæranámi, en þar er
nemendum kennt að vinna tónlist á
tölvu. Sama haust var í fyrsta sinn
boðið upp á fullt nám á rafmagnsgít-
ar og rafmgansbassa en þær grein-
ar höfðu fram að því aðeins verið í
boði í formi stuttra námskeiða.
Starfandi eru tvær lúðrasveitir í
skólanum sem hafa í gegnum árin
komið fram við hin ýmsu tækifæri
í bænum og auðgað bæjarlífið á
hátíðastundum. Auk tónleikahalds
og ferðalaga hér innan lands, hefur
eldri deild lúðrasveitarinnar komið
fram í útvarpi og sjónvarpi, farið
fjórum sinnum I tónleikaferðir til
útlanda og er sú fímmta fyrirhuguð
næsta sumar.
Árið 1995 var Tónlistarskóli
Njarðvíkur endurskipulagður og
hann gerður að aldursskiptum skóla,
eingöngu fyrir nemendur á grunn-
skólaaldri í hefðbundið tónlist-
arnám, en yngri börn allt niður í 2
ára, í Suzuki-nám.
Það ber að þakka þeim sem á
sínum tíma stuðluðu að vexti og
viðgangi tónlistarskólanna með
lagasetningum á Alþingi og góðum
viðbrögðum yfirvalda heima í hér-
uðum við þeim. Þær breytingar hafa
verið gerðar að árið 1990 tóku sveit-
arfélögin alfarið yfir rekstur tónlist-
arskólanna. En það sem aftur á
móti blasir við í dag í kjölfar auk-
inna verkefna hjá sveitarfélögunum,
er sú nauðsyn að almenningur í
landinu standi vörð um tónlist-
arskólana sína, því það er hveiju
mannsbarni hollt og gott veganesti
út í lífið að hafa kynnst tónlist af
eigin raun. Megi tónlistarskólar
þessa lands halda áfram að vaxa
og dafna og skila auðugri einstakl-
ingum til samfélagsins.
Höfundur er skólastjórí
Tónlisturskóla Njarðvlkur.
, Mazda
heíur vinninginn!
Berum saman nokkrar gerðir 4ra dyra fólksbíla af millistærð:
TEGUND MAZDA323 Toyota Corolla Nissan Almera MMC Lancer Suzuki Baleno OpelAstra
I.ENGD 434,5 427.0 432.0 429.5 419.5 424.0
BREIDD 169.5 168.5 169.0 169.0 169.0 169.6
HJÓLHAF 260.5 246.5 253.5 250.0 248.0 251.7
(ÖIl mál eru í cm. og fengin úr bæklingum bifreiðaumboðanna).
Hjólhaf segir mikið um lengd farþegarýmis og fótarými.
Eins og sést er MAZDA 323 stærstur þessara bíla.
Um gæðin þarf ekki að íjölyrða, en komdu, mátaöu og taktu í MAZDA 323,
því stuttur reynsluakstur segir meira en mörg orð!
MAZDA 323 sedan LXi kostar nú aðeins kr. 1.330.000.
OPIÐ FRÁ KL. 9-18, LAUGARDAGA 12-16
- óbilandi traust!
SKUIAGÖTU 59 - SÍMI 561 9550 Netfang: www.hugmot.is/mazda