Morgunblaðið - 28.05.1999, Blaðsíða 55
MORGUNBLAÐIÐ
FÖSTUDAGUR 28. MAÍ 1999 55
MINNINGAR
Þegar mamma hringdi til Ar-
gentínu og sagði mér frá þessu
hörmulega slysi ætlaði ég ekki að
trúa því sem ég heyrði. Kiddi
æskuvinur dáinn. Hvernig gat
þetta gerst? Það er á svona stundu
sem margar spurningar koma upp í
huga manns en fátt er um svör.
Eg man eftir öllum útileikjunum
í Jörundarholtinu heima hjá
Stebba J., skólaferðalögunum og
partíunum sem við fórum í og við
krakkarnir sem héldum alltaf hóp-
inn í Grundaskóla. Þú varst alltaf
svo hress og gott að vera nálægt
þér.
Eg gleymi aldrei lokaferðalaginu
í Þórsmörk. Allir skemmtu sér svo
vel. Sá hópur verður aldrei samur
án þín, en við vitum að andi þinn
veður ávallt á meðal okkar. I huga
mínum mun ég geyma minningu
um góðan og traustan vin að eilífu.
Ég veit að þú ert á góðum stað og
líður vel. Blessuð sé minning þín,
elsku vinur.
Elsku Siggi, Gígja, Garðar, Inga
Dís og Guðjón Ingi, megi Guð
styrkja ykkur í sorginni.
Þín vinkona
Berta Ellertsdóttir.
Kæri vinur. Hér er örstutt kveðja
til þín.
Svo leggur þú á höfin blá og breið
á burt frá mér og óskalöndum þínum.
Eitt orð, eitt ljóð, eitt kvein fiá kvaldri sál
er kveðja mín. Ég veit þú fyrirgefur.
En seinna gef ég minningunum mál,
á meðan allt á himni og jörðu sefúr.
Þá flýg ég yfir ^júpin draumablá,
í dimmum skógum sál mín spor þín rekur.
Þú gafst mér alla gleði, sem ég á.
Þú gafst mér sorg, sem enginn frá mér tek-
ur.
Svo kveð ég þig og þakka liðna daga.
(D.Stef.)
Hvíl í friði, kæri vinur.
Þínir vinir
Leó, Hafsteinn (Haddi), Davíð
og Vilhjálmur (Villi).
Elsku Kiddi minn, ég átti alls
ekki von á því að þurfa að kveðja
þig svona fljótt. Ég bjóst við því að
þú myndir hjálpa mér að skipu-
leggja árgangspartýið okkar eftir
þrjú ár eins og við töluðum um í
frönskutímanum.
í síðasta skiptið sem ég sá þig,
þá varst þú uppi í íþróttahúsi að
lyfta. Þú beygðir þig yfir handriðið
til þess að spjalla við mig og við
ræddum um einkunnirnar okkar
sem við sóttum deginum áður.
Þegar við vorum í Grundaskóla
varst þú alltaf íþróttakappinn,
bestur í fótbolta og ábyggilega sá
eini sem flaug aldrei á hausinn
þegar við fórum á skíði með ár-
gangnum. Ég man eftir því í einu
af skólaferðalögunum okkar að þið
vinirnir fóruð út í skóg í göngutúr
og þegar þið komuð til baka var
einn ykkar með gat á hausnum. Þið
sögðuð að hann hefði hoppað upp í
trén en í raun þá lamdir þú hann
óvart með spýtu í hausinn og varst
svo hræddur um að verða
skammaður að þið komuð með
þessa fáránlegu sögu.
Þú varst alltaf í góðu skapi og
kunnir að skemmta þér og okkur
hinum, eins og á skólaballinu þegar
þú stökkst upp á svið og tókst lagið
með hljómsveitinni.
Ég á eftir að sakna þess að sjá
þig ekki í hvítu fötunum, afa-inni-
skónum, brúnan í framan með
hvítu Nike-derhúfuna og stríðnis-
svipinn.
Ég þakka fyrir frábær kynni og
votta aðstandendum þínum samúð
mína.
Vertu sæll.
Þín vinkona,
Hrönn.
„Þegar þú ert sorgmæddur skoð-
aðu þá aftur hug þinn og þú munt
sjá að þú grætur vegna þess sem var
gleði þín.“
Elsku Kiddi.
Þegar við fengum þær fréttir að
þú værir dáinn fannst okkur eins og
fótunum hefði verið kippt undan
okkur.
Það fyrsta sem kom upp í hug-
ann var að við myndum aldrei sjá
þig aftur, né njóta gleðinnar sem
ávallt ríkti í kringum þig. Við get-
um þó huggað okkur við það að nú
ert þú á betri stað og tekur á móti
okkur þegar okkar tími kemur. Það
var alltaf líf og fjör í kringum þig
og ef einhver gat verið hann sjálfur
þá varst það þú. Við minnumst
allra góðu stundanna sem við átt-
um með þér og þá sérstaklega
skólaferðalaganna. Við munum
aldrei gleyma því hvað þér þótti
gaman að syngja í rútunni með
okkur stelpunum þegar við vorum
yngri. Svo þegar við urðum eldri og
gelgjan var komin upp í okkur
stelpurnar stóðst þú alltaf upp og
söngst: „Ég vil líkjast Daníel," og
alltaf hlógum við jafn mikið að þér.
En á endanum tókum við undir:
„Ég vil líkjast Rut.“ Einnig mun
Þórsmerkurferðin í 10. bekk seint
gleymast. Við munum líka þegar
þú varst kominn með hár niður á
axlir og við vorum að reyna að fá
þig til að klippa þig. En nei, þú
varst ekki á því að fara strax, þú
ætlaðir sko að fá sem mest fyrir
peninginn. Ailtaf gastu forðast öll
rifrildi og leiðindi og gert gott úr
öllu með einu léttu „five“.
Elsku Kiddi, við viljum þakka þér
fyrir allar þær stundir sem við höf-
um fengið að eiga með þér og fyrir
allar góðu minningarnar sem eiga
sér stað í hjörtum okkar alla ævi.
Nú er okkur ljóst að þeir deyja ung-
ir sem guðimir elska og þér hefur
verið ætlað stærra hlutverk annars
staðar.
Elsku Siggi, Gígja, Garðar, Inga
Dís, Gaui, Amór og Hilmar. Við
vottum ykkur okkar dýpstu samúð
og biðjum góðan guð að styrkja ykk-
ur í þessari miklu sorg.
Við elskum þig allar, elsku Kiddi
okkar, sjáumst.
_ Una, Heiðrún, Eyrún, Elisabet
Ösp, Jófríður, Katrín og Hrefna.
Okkur er þungt fyrir hjarta.
Hann Kiddi er dáinn. Énn eitt um-
ferðarslysið sem tekur svo stóran
toll. Af hverju? En þegar stórt er
spurt verður oft lítið um svör.
Minningarnar hrannast upp í koll-
inn á okkur og við brosum gegnum
tárin. Þær minningar munum við
varðveita. Það var oft glatt á hjalla
bæði í skólanum og þá ekki síst í
boltanum. Þegar við krúnurökuð-
um á okkur hausinn átta ára gamlir
foreldrum okkur flestum til mikill-
ar skelfingar. Ekki var það nú
slakt þegar við fórum til Manchest-
er í fótboltaskóla fjórtán ára, ný-
fermdir og flottir. Allir ætluðu að
verða miklar fótboltahetjur. Einnig
er ofarlega í hugum okkar „mynd-
bandaævintýrið" mikla í 10. bekk,
en þá tókum við okkur til og gerð-
um kvikmynd sem varð aldrei til.
Við fengum lánaða flotbúninga og
stukkum í sjóinn niðri á bryggju.
Fyrst var stokkið af flotbryggj-
unni, síðan af bryggjunni og að lok-
um stukkum við af bátunum í höfn-
ina. En við hetjurnar vorum svo
hugrakkar að við fengum Kidda
alltaf til að byrja. Einhverjir bæj-
arbúar fóru að velta þessum köpp-
um á bryggjunni fyrir sér og einn
kom og tætti síðan í burt af bryggj-
unni. Kidda varð svo mikið um að
hann spólaði yfir einn á leiðinni
upp úr sjónum. Allt var nú fest á
fiimu en ákveðið að fresta sýningu.
Oft var svo glatt á hjalla á Greni-
grundinni heima hjá Kidda. Setið
og horft á myndbönd fram á rauð-
an morgun og alltaf var það jafn
sjálfsagt af hálfu Sigga og Gígju.
En of langt mál væri að setja allar
minningar á blað. Við eigum eftir
að sakna hans mjög mikið. En
sárastur er þó söknuður og sorg
foreldra, systkina, lítilla systur-
sona og annarra aðstandenda.
Elsku Siggi, Gígja, Garðar, Inga,
Guðjón, Hilmar og Arnór, hugur
okkar er hjá ykkur og við biðjum
algóðan Guð að blessa ykkur og
styrkja. En minningin um ljúfan
dreng og góðan vin mun lifa.
Þínir vinir
Bjarni, Maron og Stefán Orri.
Sarajevo 1999
16.-28. maí
Nr. Nafn Stiq 1 2 3 4 5 6 7 8 9 10 Vinn. Röð
1 Peter Leko 2694Í 1/2 1/2 1/2 1/2 1/2 1 1/2 1/2 0 4,5 6.
2 Alexander Morozevic 2723 1/2 1/2 1/2 0 0 1 1 1 1 5,5 4.
3 Jan H. Timmán 2670 1/2 1/2 0 0 0 1/2 0 0 0 1,5 10.
4 Michael Adams 2716 1/2 1/2 1 1/2 0 1 0 1 1/2 5 5.
5 Evgeny Bareev 2679 1/2 1 1 1/2 1/2 1/2 1 1/2 1/2 6 2.-3.
6 Gary Kasparov 2812 1/2 1 1 1 1/2 1 1/2 1 1/2 7 1.
7 Nigel D. Short 2697 0 0 1/2 0 1/2 0 1/2 1 1/2 3 8.
8 Veselin Topalov 2700 1/2 0 1 1 0 1/2 1/2 1/2 0 4 7.
9 Ivan Sokolov 2624 1/2 0 1 0 1/2 0 0 1/2 0 2,5 9.
10 Alexei Shirov 2726 1 0 1 1/2 1/2 1/2 1/2 1 1 6 2.-3.
Kasparov sigrar á
enn einu skákmótinu
SKAK
Saraj evo
BOSNÍA 99
16.-26. maí 1999
STÓRMEISTARAMÓTINU í
Sarajevo er nú lokið. Kasparov
tryggði sér sigurinn með því að
leggja enska stórmeistarann
Michael Adams í aðeins 31 leik í
lokaumferðinni. Hann fór ósigrað-
ur í gegnum mótið og náði sjö
vinningum af níu mögulegum. Var
hann því heilum vinningi á undan
þeim Evgeny Bareev og Alexei
Shirov sem deildu 2.-3. sæti með
sex vinninga hvor. Þetta er mjög
glæsilegur árangur hjá Kasparov,
sérstaklega þegar haft er í huga
að hann byrjaði rólega á mótinu
og gerði jafntefli í tveimur íyrstu
umferðunum. Eftir þennan sigur
velkist varla nokkur maður í vafa
um að Kasparov er sterkasti
skákmaður heims um þessar
mundir. Hann hefur nú tekið þátt
í þrem gríðarlega sterkum skák-
mótum á þessu ári og sigrað á
þeim öllum. Fyrst sigraði hann í
Wijk aan Zee í janúar og síðan
vann hann stórsigur í Linares í
febrúar.
Urslit í lokaumferðinni í Sara-
jevo urðu þessi:
Gary Kasparov - Michael Adams
1-0
Evgeny Bareev - Alexei Shirov Vz-
Vz
Veselin Topalov - Alexander
Morozevich 0-1
Nigel D. Short - Jan H. Timman
V2-V2
Ivan Sokolov - Peter Leko V2-V2
Mótið einkenndist af miklum
baráttuvilja keppenda. Fáum
skákum lauk með jafntefli og
margar skemmtilegar skákir litu
dagsins ljós. Greinilegt var að
margir skákmenn fylgdust
spenntir með árangri Morozevich,
enda skaust hann upp á stjörnu-
himininn með ógnarhraða og hafði
ekki áður tekið þátt í svo sterku
móti. Arangur hans í Sarajevo
staðfestir að hann á vel heima í
hópi sterkustu skákmanna heims,
en hann hlaut 5'Æ vinning og lenti
í 4. sæti. Gaman verður að fylgjast
með þessum skemmtilega skák-
manni í framtíðinni.
Alexei Shirov er ekki síður
skemmtilegur skákmaður en
Morozevich og það var afar mikil-
vægt fyrir hann að ná einu af
efstu sætunum á mótinu. Shirov
hefur frá því á síðasta ári barist
fyrir því að fá að tefla um heims-
meistaratitilinn við Kasparov.
Samtök Kasparovs (WCC) höfðu
ákveðið að sigurvegarinn í Lin-
ares 1998 ætti að keppa við
Kramnik um réttinn til að skora á
Kasparov. Þar sem Anand, sem
sigraði í Linares, vildi ekki taka
þátt í keppni WCC kom það í hlut
Shirovs, sem lenti í öðru sæti, að
keppa við Kramnik. Öllum að
óvörum sigraði Shirov í einvíginu
og átti samkvæmt því að fá að
skora á Kasparov. Af því einvígi
heíúr þó ekki enn orð-
ið. Þykir Shirov það
heldur súrt í brotið,
ekki síst þar sem
hann fékk engin verð-
laun fyrir að sigra
Kramnik, en til stóð
að bæta honum það
upp í einvíginu við
Kasparov. Með
frammistöðunni í
Sarajevo getur Shirov
fært ákveðin rök fyrir
því að hann sé ekki
síður verðugur keppi-
nautur Kasparovs en
aðrir skákmenn.
Fyrir utan árangur
Morozevich vekur góð
staða Evgeny Bareev
Hann hefur ekki tekið þátt í stór-
mótunum að undanfórnu. Þetta er
þó ekki í fyrsta skipti sem hann
teflir í Sarajevo og í fyrra náði
hann þriðja sæti á mótinu.
Jan Timman missti greinilega
móðinn eftir slakt gengi í byrjun
mótsins og endaði í neðsta sæti.
Ivan Sokolov getur heldur ekki
verið ánægður með árangur sinn
á mótinu. I fyrra lenti hann í öðru
sæti á þessu sterka móti. I ár var
hann hins vegar langt frá sínu
besta og hafnaði í næstneðsta sæti
með 2Vá vinning af níu.
I skák Kasparovs og Adams í
lokaumferðinni kom upp skoski
leikurinn og eftir nýjung heims-
meistarans var ljóst að Englend-
ingurinn var í miklum vandræð-
um. Fóru svo leikar þannig að
hann varð að leggja niður vopnin
eftir aðeins 31 leik.
Hvítt: Gary Kasparov (2.812)
Svart: Michael Adams (2.716)
Skoski leikurinn [C45]
I. e4 e5 2. Rf3 Rc6 3. d4 exd4 4.
Rxd4 Rf6 5. Rxc6 bxc6 6. e5 De7
7. De2 Rd5 8. c4 Rb6 9. Rc3 í
skák Timmans og Adams í 6. um-
ferð varð framhaldið 9. Rd2 De6
10. De4 Bb4 11. Be2? (betra var
II. a3 ) 11. ... Ba6 og eftir 12. b3
Bc3 vann Adams peð, sem hann
nýtti sér til sigurs í 41. leik. 9. ...
De6 10. De4 Bb4 11. Bd2 Ba6 12.
b3 Bxc3 13. Bxc3 d5 14. Dh4! Nýr
leikur í stöðunni. Aður hefur verið
leikið 14. Df3. 14. ... dxc4 15. Be2
Rd5 16. Bd4 c5 Það er mjög skilj-
anlegt að Adams vilji losa sig við
þrípeðið. 17. Bxc5 Rc3 18. Bxc4
Dxe5+ 19. Be3 Re4 20. 0-0 Bxc4
21. bxc4 0-0 22. Hfel
Gary Kasparov
frammi-
athygli.
Taflið hefur einfaldast og við
fyrstu sýn áleit ég að svartur
ætti góða möguleika
á jafntefli. Við nán-
ari athugun hef ég
þó sannfærst um að
svo sé ekki. Reyndar
kæmi mér ekkert á
óvart þótt Gary hafi
einhvern tíma haft
þessa stöðu á eld-
húsborðinu! 22. ...
Hfe8 23. f3 Rd6?!
Eftir 23.... Rc3 kem-
ur 24. Df2 og ef nú
24. ... a6 þá kæmi 25.
Dc2! og á riddarinn
þá enga undankomu-
leið. Best virðist 23.
... Rc5 24. Bd4 þó
hvítur standi eitthvað betur eftir
24. ... Dd6 25. Dg4. 24. Bf2 Df5?
Eftir þennan leik verður taflinu
ekki bjargað. Ef 24. ... Dc3 er 25.
c5 mjög óþægilegt fyrir svartan.
Betra er 24.... Df6 þó hvítur hafi
góða vinningsmöguleika eftir 25.
Dxf6 gxf6 26. Hxe8+. 25. c5 Rb5
26. Db4 Dd3 Eftir 26.... c6 27. a4
Rc7 28. Db7 vinnur hvítur peð.
27. Hedl a5 28. Da4 De2 29. Hel
Dd3 Tapar strax, en eftir 29. ...
Rc3 30. Dc6 Db5 31. Dxc7
Hxel+ 32. Hxel Rxa2 33. Bd4
ætti hvítur að vinna. 30. Hxe8+
Hxe8 31. Hdl 1-0
Kvennaskákmót á sunnudag
Nú á vormisseri hefur Taflfé-
lagið Hellir gengist fyrir
nokkrum skákmótum sem ein-
göngu eru fyrir konur. Félagið
hefur þegar haldið fjögur
kvennaskákmót frá áramótum og
hefur þessu framtaki verið vel
tekið af skákkonum, bæði þeim
sem eru virkastar svo og þeim
sem ekki höfðu tekið þátt í skák-
mótum í nokkurn tíma.
Næsta kvennaskákmót verður
haldið á sunnudaginn, 30. mai, og
hefst klukkan 13. Tefldar verða 7
umferðir eftir Monrad kerfi með
10 mínútna umhugsunartíma.
Ekkert aldurstakmark er á þess-
um skákmótum.
Þátttaka er ókeypis. Verðlaun
verða veitt fyrir þrjú efstu sætin
á mótinu. Mótið er haldið í fé-
lagsheimili Taflfélagsins Hellis,
Þönglabakka 1 í Mjódd.
A síðasta kvennaskákmóti
Hellis, sem haldið var í apríl,
sigruðu þær Aldís Rún Lárus-
dóttir og Þorbjörg Lilja Þórs-
dóttir.
Skákmót á næstunni
Tilkynningar um skákmót og
aðra viðburði sendist til umsjón-
armanna skákþáttar Morgun-
blaðsins. Tölvupóstfangið er
dadi@vks.is. Einnig má senda
annað efni og athugasemdir við
skákþættina á sama póstfang.
29.5. SÍ. Aðalfundur
30.5. Hellir. Kvennamót
4.6. Skákþing Hafnarfjarðar
7.6. Hellir. Atkvöld
9.6. Boðsmót TR.
Daði Örn Jónsson
Hannes Hlífar Stefánsson