Skírnir - 01.01.1908, Side 95

Erlend tíðindi.
95-
konungi, lagði niður fjöldamörg óþörf embætti ug skamtaði laun í
hófi, kom á sparnaði þar sem hægt var, en bakaði sér fyrir það
megnan óþokka þeirra, sem þetta kom niður á, með því líka að
hann lét þær ráðstafanir ekki ná til konungs eða hirðarinnar, held-
ur rífkaði tekjur konutigs, sem voru áður gegndarlausar, en kon-
ungur mesti eyðsluseggur og kominn áður í botnlausar skuldir.
Karl konungur var að öðru leyti allvel látinn af þegnum sínum,
gegn maður og góður, atgervismaður á marga lund og margt vel
um hann.
Líklegast þykir, að það hafi verið þjóðveldisvinir, sem gerðu
menn til höfuðs konungi, og hafi þeir því viljað koma konungs-
fólkinu öllu fyrir ætternisstapa, að þá yrði sjálfgert að koma á
þjóðvaldsstjórn í landinu. En þar fór á aðra léið. Landslýð féll
allur ketill í eld við hið hryllilega illvirki og þýddist hinn unga
konung nær einhuga. En hantt létti óðara af alræðinu, setti saman
ráðuneyti af beztu mönnum úr báðum þingflokkum, stefndi saman
þingi á skömmum fresti að undangengnum nýjum kosningum og
gaf upp sakir öllum stjórnmála-afbrotamöunum. En Franco varð
landflótta og má hvergi um frjálst höfuð strjúka.
Það er í frásögur fært af morðræðinu, að drotning hafi sýnt
af sér frábært hugrekki, enda er viðbrugðið fyrir vaskleik og at-
gervi. Eftir Karli konungi er það svar haft, er upp komst um
samsæri gegn honum í haust einu sinai, að dauðann léti hatm sig
engu skifta af eða á í orðum né gjörðum, enda væri jafn-ókleift að
verjast launvígum og sóttargerlum. Hann kunni ekki að hræðast,
og fór jafnóvarlega þótt orðfleygt væri um banaráð við hann síð-
ustu dægrin, sem hann lifði.
Skipaliðsaukinn mikli eða herflota er höfuðviðburður í stjórn
þ ý z k a keisaradæmisins í vetnr. Tvenn nýmæli söguleg gengu og
fram á þingi Prússa. Annað er um heimild til að taka lögnámí
til handa þýzkum mönnum pólskar fasteignir þar í landi, en hitt
bannar að mæla á aðrar tungur en þýzka á almennum mannfund-
um, nema yfirvaldsleyfi komi til. Það miðar hvorttveggja til að
hnekkja annarlegu þjóðerni í landinu: dönsku, pólsku og frönsku
m. fl. — Þýzkur blaðamaður nafnkendur, Maximilian v. Harden,
var lögsóttur í haust fyrir aðdróttun að nokkrum vildarvinum og leyni-
ráðunautum keisara um ógeðslegan saurlifnað, er keisari hafði þó vik-
ið úr embættum eða bannað hirðvist þegar er hann varð þess kvitts
vísari. Blaðamaðurinn vann það meiðyrðamál. En síðan var höfðað -