Árbók Hins íslenzka fornleifafélags - 01.01.1973, Blaðsíða 162
FRÁ FORNLEIFAFÉLAGINU
AÐALFUNDUR 1972
Aðalfundur Hins íslenzka fornleifafélags 1972 var haldinn í fornaldarsal
Þjóðminjasafnsins hinn 13. desember 1972 og hófst kl. 8,30.
Formaður dr. Jón Steffensen setti fundinn og minntist fyrst þeirra félaga
sem stjórnin hefur spurt að látizt hafi síðan síðasti aðalfundur var haldinn,
þeir eru þessir:
Ásgeir Ásgeirsson, fyrrv. forseti íslands,
Atli S. Þormar, fulltrúi, Seltjarnarnesi,
Finnbogi Pálmason, kennari, Reykjavík,
Guðmundur Kjartansson, jarðfræðingur, Reykjavík,
Helgi Jónasson bóndi og náttúrufræðingur, Gvendarstöðum,
Jónas Rafnar, fyrrv. yfirlæknir, Akureyri,
Kristinn Kristjánsson, feldskeri, Reykjavik,
Kristjana Ólafsson, frú, Reykjavík,
Ólafur Þorvaldsson, fræðimaður, Reykjavík,
Óskar Þorsteinsson, bókari, Reykjavík,
Vilmundur Jónsson, fyrrv. landlæknir, Reykjavík.
Risu fundarmenn úr sætum í virðingarskyni við hina látnu félagsmenn.
Formaður gerði grein fyrir tölu félaga en þeir eru nú 761. Hvatti hann fund-
armenn til að stuðla að því að nýir félagar bættust í hópinn.
Þá gat formaður þess að Árbók félagsins mundi koma út á sama tíma og
áður, eða snemma næsta árs. Kvað hann ekki enn sýnt hver prentkostnaður yrði,
og taldi hann líklegt að nauðsynlegt yrði að hækka árgjald eitthvað, en óséð
væri enn hve mikið það yrði. Benti hann á að verð Árbókarinnar, sem er ár-
gjaldið, væri mjög lágt miðað við almennt bókaverð.
Þessu næst las féhirðir upp reikninga ársins 1971, undirritaða og endur-
skoðaða.
Formaður gaf nú orðið frjálst, ef menn vildu vekja máls á einhverju, en
svo reyndist ekki.
Að þessum fundarstörfum loknum gaf formaður Jóhannesi av Skarði orðið
og flutti hann erindi sem hann nefndi „Um færeysku rekuna og notkun hennar
við jarðvinnslu". Eins og nafnið bendir til var þetta yfirlitserindi um færeysk
vinnubrögð, sem tengd eru rekunni eða hakanum, sem Færeyingar nefna svo.