Árbók Hins íslenzka fornleifafélags - 01.01.1991, Síða 94

98
ÁRBÓK FORNLEIFAFÉLAGSINS
Mynd 9. Suðvesturhorn túngarðs. Fjöllin austan Flateyjardals íbaksýn. Ljósm.: G.Ó.
Yfir hleðsluleifunum er brúnt jarðvegslag, um 40-50 cm á þykkt. Ekki
varð með vissu greint hvort um hleðslu væri að ræða og ekki varð vart
sérstakrar lagskiptingar undir grasrótinni. Ef til vill er þetta náttúruleg
jarðvegsmyndun, eða að hlaðið hefur verið ofan á garðinn og hann verið
endurbættur með mold eða torfi úr einlitum jarðvegi. Stór steinn kom í ljós
í sniðinu ofan við veggjahleðslurnar. Lega hans bendir til þess að honurn
hafi verið komið fyrir í garðinum eftir að gjóskulagið frá 1477 féll.
Til samanburðar var snið 2 tekið utan við rústasvæðið, suður af túngarð-
inum. Snið 3 var síðan tekið uppi á bæjarhólnum skammt sunnan við
rústasvæðið. Bæði þessi snið voru um 1 m að lengd, sjá mynd 10. Ekki
varð vart við neinar mannvistarleifar í sniði 2. Aðeins voru um 15-30 cm
frá yfirborði niður að ljósa gjóskulaginu H3. í sniði 3 var heldur ekki hægt
að greina mannvirkjaleifar. Um 25 cm voru niður að H3-laginu. Slitrur af
dökku gjóskulagi sáust í sniðinu og þar undir má greina nokkra litarbreyt-
ingu í jarðveginum, sem gæti verið óljós merki um mannavist.
Bæjarhóll
A hólnurn innan túngarðsins er allstórt rústasvæði sem er um 35 m x 30
m eða rétt um 1000 m2 að flatarmáli, sbr. myndir 12 og 13. Þar eru alls um
15-20 misgreinilegar tóftaleifar. Hér á eftir fer stutt lýsing á hverri einstakri
rúst sem mæld var upp.