Árbók Hins íslenzka fornleifafélags - 01.01.1994, Blaðsíða 208

212
ÁRBÓK FORNLEIFAFÉLAGSINS
Fastir starfsmerin eru þrír, Guðný Gerður Guðmundsdóttir safnstjóri, Hanna Rósa Sveins-
dóttir safnvörður, sem var í ársleyfi frá 1.9.1994, og Hörður Geirsson safnvörður sem er ljós-
myndari safnsins. Haustið 1994 var Katrín Björg Ríkarðsdóttir ráðin sérstakur safnkennari.
Auk þess útvegaði atvinnuátak Akureyrarbæjar safninu starfsfólk til ýmissa verkefna.
Safninu barst margt muna á árinu og má einkum nefna margt gripa og þá einkum veiðar-
færi, sem Eiður Baldvinsson afhenti er hann fluttist úr húsi sínu Aðalstræti 14, „Gamla spít-
alanum", en húsið sjálft keypti Húsafriðunarsjóður Akureyrar. Einnig komu margvíslegir
munir úr búi Kristínar Sigtryggsdóttur og Guðmundar Trjámannssonar Ijósmyndara og úr
búi Herdísar Steingrímsdóttur og Sigurðar Ólafssonar. Þá bættust safninu um 1300 ljósmynd-
ir og filmur.
Haldið var áfram skráningu ljósmynda og voru margar óþekktar myndir sýndar til að
afla upplýsinga um þær. Þá var lokið við gerð myndbands, Landnám Islands. Safnið tók þátt
í eða veitti aðstoð við gerð ýmissa sýninga, lánaði t.d. gripi á landbúðnaðarsýningu á
Hrafnagili í ágúst.
Sýningar í gamla safnhúsinu, Kirkjuhvoli, voru endurnýjaðar og eru þar nú sýndar mynd-
ir ljósmyndara frá Akureyri og liggja frammi möppur með mannamyndum. A neðri hæð er
sýning á landbúnaðargripum, sem notuð er einkum við safnkennslu, og má einkum nefna
sýningu á teikningum Stefáns Jónssonar af gömlum bæjum í Eyjafirði.
Bókasafn safnsins var skráð á árinu og komið á skjalavistunarkerfi. Hafin var skráning
iðnminja á Akureyri og veitti safnið þar ráðgjöf.
Geymsluaðstaðan á Naustum var endurbætt og í lok ársins fékk safnið aflient gamla
íbúðarhúsið þar.
Safnið átti hlut að fornleifaskráningu í Eyjafirði norðan Hrafnagils og Þverár, sem Adolf
Friðriksson og Orri Vésteinsson önnuðust.
Um sumarið var haldinn sérstakur leikjadagur og handverksdagur var haldinn í samráði
við handverksfólk í Eyjafirði. Á þjóðminjadaginn, 10. júlí, átti safnið þátt í heyskap í Laufási.
Um 1100 manns komu í Laufás þennan dag.
Söngdagskrá var flutt í gömlu safnkirkjunni frá Svalbarði tvö kvöld í viku yfir sumarið og
mæltust þær vel fyrir.
Byggðasafn Suður-Þingeyinga. Safnið er tvískipt, hluti þess í gamla bænum á Grenjaðarstað
og eykst hann ekki frekar þar sem bærinn setur safninu ákveðnar skorður. Meginstofn safns-
ins er í Safnahúsinu á Húsavík.
Safnið á Grenjaðarstað var opið 1. júní til 31. ágúst og komu þangað 2866 skráðir gestir,
rúmlega helmingur innlendir. Safnvörður var Dagný Gerður Pálsdóttir en Heiða Sigurðar-
dóttir var í afleysingum.
Forstöðumaður Safnahússins og safnstjóri byggðasafnsins er Guðni Halldórsson. Finnur
Kristjánsson fv. safnstjóri var í hálfu starfi til maíloka en Þóra Hallgrímsdóttir í fullu starfi 1.
júní - 31. ágúst. Finnur, sem hafði verið forstöðumaður Safnahússins frá haustinu 1979 og til
1991, lézt 16. júní 1994.
Daglegur rekstur safnanna í Safnahúsinu er ekki aðskilinn og miðast upplýsingar, t.d. að-
sókn gesta, við öll söfnin þar, en þau eru auk byggðasafnsins Héraðsskjalasafn Suður-
Þingeyinga, Náttúrugripasafn Suður-Þingeyinga, Ljósmynda- og filmusafn Safnahússins og
Myndlistarsafn Safnahússins.
Gestir í Safnahúsinu voru 6834, um 70% inniendir. Nokkuð var um skólaheimsóknir.
Safnahúsið gaf út á árinu bók um örnefni og söguminjar í Húsavíkurlandi.
Stefnt er að því að viðbótarhúsnæði byggðasafnsins fyrir sjóminjadeild verði frágengið að
utan í ársbyrjun 1996. Settar voru upp hillur í geymslur og tengigangur lagfærður svo að
nýta megi hann fyrir byggðasafnið. Einnig var gengið frá lóð hússins og þar var gerð undir-
staða undir gamla gestastofu frá Þverá í Reykjadal, sem endurreist verður sem sérbyggt hús.