Árbók Hins íslenzka fornleifafélags - 01.01.1996, Blaðsíða 11

NOKKRAR KYNSLOÐIR KIRKNA
15
tjaldi. Kórinn er aðskilinn frá framkirkju og farið á milli um kórdyr sem
ekki er nánar greint frá að öðru leyti en því að yfir þeim hangir gamalt
refilsaumstjald.Yfir altari er vængjabrík úr alabastri, að öllum líkindum sú
sem enn er til og nú er í þjóðminjasafninu í Kaupmannahöfn (6. mynd).
Þar yfir er trékross en á altarinu sjálfu klæði og stjakar.
Athyglisvert er að útsaumað tjald skuli sagt vera á múkasætum 1695.
Bendir það eindregið til þess að sæti reglubræðra, sbr. fornradúkana í Sig-
urðarregistri, séu enn til á þessum tíma en enga vísbendingu er að fá um
útlit sæta þessara eða legu. Einungis er getið um gamlan kirkjustól í
skrúðalýsingunni frá 1700 án þess að honum sé lýst frekar né látið í stað-
setningu hans skína.32
Predikunarstóll kirkjunnar er árið 1695 sagður gamall og lasinn en því
miður fæst ekki meira um hann vitað. Ef miðað er við staðsetningu
predikunarstóla í gömlum torfkirkjum á Islandi benda líkur til þess að
predikunarstóll Munkaþverárkirkju hafi staðið felldur inn í kórþil, fram-
kirkjumegin í sunnanverðu miðskipi kirkjunnar.33
Tæpast getur öll þessi kirkja verið sú sem sést í Sigurðarregistri, þótt
sitthvað af innanbúnaði hinnar gömlu klausturkirkju geti verið að finna í
henni. Einna helst væri að
ætla að hið gamla sanctu-
arium sé mögulega leifar
gömlu klausturkirkjunnar.
Það virðist nefnilega vera
töluvert eldra en uppi-
standandi kirkja og spón-
þak þess væntanlega verið
samskonar og varðveist
hefur á norskum
stafkirkjum til dagsins í
dag (7. mynd).
7. iitynd. Spónþak Búrgúndar-
kirkju í Norcgi. Þak af þessu tagi
var á gömlu sanctuarium í
Munkaþverárkirkju í lok 17. ald-
ar. (Ur Hauglid: Norske stav-
kirker. Birt með góðfúslegu leyfi
hófundar.)