Verkamaðurinn - 27.10.1967, Blaðsíða 2

---------
A
sjónskífunni
IDJA sendir mótmæli til Alþingis
Á stjórnar og trúnaðarmannaráðsfundi í Iðju, félagi
verksmiðjufólk á Akureyri, sem haldinn var í fyrri
viku var eftirfarandi samþykkt gerð og samstundis
send alþingi:
„Stjórnar og trúnaðarmannaráðsfundur haldinn í
Iðju, félagi verksmiðjufólks á Akureyri, þann 17. okt.
1967, mótmælir harðlega þeim harkalegu ráðstöfun-
um, sem ríkisstjórnin hefur gert með því að afnema
niðurgreiðslur á lífsnauðsynjar almennings, sem veld-
ur því að þær stórhækka í verði til neitenda, án þess
að launabætur komi í staðinn.
Telur fundurinn að þessi ráðstöfun sé alger röskun
á grundvelli þeim, er launasamningar almennt í land-
inu hafa byggzt á um mörg undanfarin ár. Þessar ó-
svífnu aðgerðir ríkisstjórnarinnar eru í alla staði ó-
verjandi og þeim mup harkalegri, sem þær leggjast
með ofurþunga á lægst launuðu stéttir þjóðfélagsins,
sem sízt geta undir þeim risið, en munar sáralitlu fyrir
þá tekjuháu og efnameiri í landinu.
Hafi ríkisstjómin verið í þörf fyrir auknar tekjur
í ríkiskassann, hefði hún að sjálfsögðu átt að ganga
fast að skattsvikurum og öðrum þeim, er rakað hafa
saman fé á dýrtíðarstefnu ríkisstjórnarinnar. Fundur-
inn vill ennfremur benda á, að ráðstafanir þessar fela
einnig í sér stórhækkuð útgjöld bæjar- og sveitarfélaga,
sem koma fram í hækkuðum útsvarsgreiðslum almenn-
ings þegar á næsta ári.
Þar sem hér er um að ræða mestu og harkalegustu
árás, sem gerð hefur verið á lífskjör almennings fyrr
og síðar, skorar fundurinn á alla þá alþingismenn,
sem nú sitja á löggjafarþingi þjóðarinnar að beita á-
hrifum sínum til þess að sú fyrirætlun ríkisstjórnarinn-
ar um lífskjaraskerðingu nái ekki fram að ganga.“

Barnaverndorfélags Akureyrar
ILLA FÓR með útgerðina hjá
sunnanmönnum, sem tóku vél-
bátinn Ásmund GK 30 á leigu.
Þeir komust að sömu niðurstöðu
og ríkisstjórnin, að ábatasamara
væri að gera út á brennivín en
þorsk.
í fjárlagafrumvarpi fyrir næsta
ár er áætlaður 692.500.000
króna rekstrarhagnaður af á-
fengis- <>g tóbakseinkasölunni, en
í sanfa frumvarpi eru ýmsar
skatttekjur af útgerð landsmanna
áætlaðar samtals kr. 35.460.000.
og í sama frumvarpi er gert ráð
fyrir ýmsum geiðslum vegna
sjávarútvegsins að upphæð alls
492.522.000 krónur.
En þeim reikningsglöggu út-
gerðarmönnum syðra hefur sézt
yfir það, að enda þótt ríkið
græði vel á brennivíni, genever
og öðrum sterkum drykkjum, þá
verða anzi mörg Ijón á veginum,
ef einstáklingar ætla að gera sér
hið sama að gróðavegi. Á Is-
landi eru það aðeins ríkiskassinn
og kassar fáeinna veitingahúsa,
sem græða mega á hinum dýru
veigum, öllum öðrum er ætlað
að tapa á þeim.
Og það er alveg sama, hverjir
setzt hafa í ráðherrastólana,
hvað miklir dýrkendur frjálsrar
verzlunar, sem þangað hafa kom
ið, þá hefur engum þeirra hug-
kvæmzt að gefa verzlun með á-
fengi frjálsa.Kannski heldur ekki
við því að búast, að nokkur sá
komist í ráðherrastól, sem er svo
óábyrgur að hann vilji kippa ör-
uggustu stoðinni undan rekstri
ríkisbúsins.
Ef við svo lítum aðeins alvar-
legum augum á fjármálarekstur
ríkisins, þá sjáum við hversu
mikilvægar ríkinu eru brenni-
vínstekjurnar. Þær nema miklu
hærri upphæð en öll útgjöld rík-
isins vegna aðalatvinnuvegsins.
Og háa skatta tekur margur á
sig að greiða með brennivíns-
kaupum. En skyldi ekki geta far-
ið svo eitthvert árið, þegar ráð-
herrarnir verða í vandræðum
með að finna upp nýjan skdtt,
að þeim hugkvæmist að leggja
nefskatt á þá, sem ekkert styrkja
ríkið með brennivínskaupum.
Það er aldrei að vita upp á
hverju ráðherrar finna.
SMYGL hefur lengi viðgengizt
hér á landi og orðið stöku
manni mikil gróðalind. En bí-
ræfni þessarra Ásmundar-út-
gerðarmanna sýnist hafa gengið
út yfir öll takmörk. Þó að áfeng-
issmygl í smáum stíl gangi fyrir
sig, þá er ekki hægt annað en
telja það fádæma heimskuflan
að hyggjast smygla tugum
tonna. Jafnvel þótt ekki hefði
orðið uppskátt í upphafi, þá gat
varla hjá því farið, að upp kæmu
svik um síðir.
BÆJ ARSTJ ÓRN ARMENIN af
Akureyri voru í heimsókn hjá
hæjarstjórn Reykjavíkur í þess-
arri viku og komu bæjarstjóri og
Reykjalín í útvarpið að segja
fréttir. Þar sagði bæjarstjóri m.
a., að fjárhagur bæjarins væri
góður, þegar litið væri til lengri
tíma. Þetta orðalag hefur ýms-
um gengið illa að skilja. Kannski
hefur maðurinn átt við það, að
hagur bæjarins hafi verið góður
einhverntíma fyrir mörgum ár-
um síðan, og mun rétt vera. En
ekki bendir margt til þess, að
hagurinn sé góður í dag. Til þess
að hægt væri að halda áfram að
Jeggja götur í bænum varð að
ieggja á nýtt gjald, og yfirdrátt-
ur á hlaupareikningi bæjarins
hjá Landsbankanum mun ekki í
annan tíma hafa orðið hærri.
Þá lét bæjarstjóri bara vel af
atvinnuástandi. Kannski er það
mannlegt að bera sig vel og
virðingarvert að vila ekki, en
atvinnuhorfur í Akureyrarbæ
geta ekki talizt glæsilegar á þess-
um haustnóttum. Það er næstum
sama hvert litið er, alls staðar
virðast horfur á samdrætti og
jafnvel ástæða til að óttast að
nokkur fyrirtæki, sem veitt hafa
allmörgum atvinnu, gefist hrein-
lega upp. Þannig hefur hlaðið
t. d. heyrt, að fyrirtækið Möl og
Sandur hafi sagt upp öllum sín-
um starfsmönnum. Er orsök þess
vafalaust að öðrum þræði sú,
hve mjög byggingaframkvæmdir
í bænum hafa minnkað. Þá hef-
ur eftirvinna víðast verið felld
niður og jafnvel þó að því sé ekki
bót mælandi, að menn þurfi að
vinna mikla aukavinnu, þá er
sannleikurinn sá, að flestum hef-
ur verið nauðugur einn kostur
að vinna þá aukavinnu, sem
boðizt hefur, til að geta séð sér
og sínum farborða.
í SÍÐASTA BLAÐI var að því
vikið hér á síðunni, að hlutverki
Sósíalistaflokksins í íslenzkum
stjórnmálum væri lokið og ekki
væri lengur hægt að ræða um
þau samtök sem stjórnmála-
flokk.
I gær var blaðinu skýrt frá
því, að formaður Sósíalista-
flokksins, Einar Olgeirsson, hafi
verið á Akureyri um síðustu
helgi og hefði hann þá sagt, að
hann teldi, að á þingi Sósíalista-
flokksins næsta ár ætti að sam-
þykkja að leggja hann niður.
Verkamaðurinn fagnar þess-
ari frétt. Það er alltof mikið gert
að því í okkar landi að halda
lifandi að nafninu til félögum og
samtökum, sem lokið hafa sínu
hlutverki, en árangur af slíku
verður aðeins sá, að sóa starfs-
kröftum, sem annars staðar gætu
orðið að góðu liði.
I umræddu tilfelli hefur Al-
þýðubandalagið tekið við starfi
Sósíalistaflokksins, og hefði nú
þegar átt að vera búið að ganga
frá þeim formsatriðum að Al-
þýðubandalagið tæki einnig við
málgagni Sósíalistaflokksins og
flokkurinn hætti störfum. Til-
vera hans og starfsemi nú er að-
eins til ruglings og sóun starfs-
krafta.
Minjasafnið er opið ó sunnudögum
kl. 2—4 e. H. Tekið ó móti skóla-
fólki ó öðrum tímum eftir samkomu-
lagi. Sími safnsins 1-11-62, sími
safnvarðar 1-12-72.
Amtsbókasafnið er opið alla virka
daga kl. 2—7 e. h.
GÓÐIR Akureyringar! Næsta
laugardag er fyrsti vetrardagur,
árlegur fjáröflunardagur barna-
verndarfélaga um land allt. Síð-
degis þann dag munu börn knýja
dyra hjá ykkur og bjóða bókina
Sólhvörf og merki dagsins. —
(Bókin mun þó eitthvað seld
dagana á undan). Undanfarin ár
hafa þessir ungu sendiboðar
mætt mikilli velvild, og bæjar-
búar hafa fúslega lagt fram mik-
inn skerf til góðs málefnis. Um
leið og við þökkum þessa lið-
semd ykkar, vonum við að þið
sýnið sömu fórnarluna og höfð-
ingsskap þetta sinnið.
Mörgum hefur fundizt mikill
fengur að barnabókinni Sól-
hvörf og þar var fundið gott
lestrarefni fyrir hina ungu. I ár
hefir Indriði Ulfsson skólastjóri
annast efnissöfnun í bókina, og
er það næg trygging fyrir því,
að vel sé valið. I bókina skrifa
ýmis, sem lagið er að ná eyrum
barnanna og veita þeim hollt
veganesti. Oft hafa færri fengið
hókina en vildu.
Störf Barnaverndarfélags Ak-
ureyrar er óþarft að kynna. Það
hefir um árabil starfrækt leik-
skólann Iðavöll, og margir eru
þeir orðnir, sem af eigin raun
hafa kynnzt því hversu mikil-
vægu hlutverki sú stofnun gegnir
í bæ okkar. Með framlagi ykkar,
lesendur góðir, hjálpið þið til
þess, að svo megi áfram verða.
Guð gefi ykkur góðan vetur.
F. h. Barnaverndarfél. Akureyrar
BIRGIR SNÆBJÖRNSSON.
NÆRFATNADOR!
ULLARNÆRFÖT
ísl. og erlend
SÍÐAR BUXUR
1/2 ERMA SKYRTUR
Settið kr. 100.00
HERRADEILD
2) Verkamaðurinn
Föstudagur 27. október 1967