Eimreiðin - 01.07.1918, Blaðsíða 7
Eimreiðin] TÖFRATRÚ OG GALDRAOFSÓKNIR
135
Trúarbrögðin verða þannig að töfrum hjá villiþjóð-
unum, eins og t. d. þegar óvini eru gerðar bölbænir, og
mynd af honum lögð í hjartastað eða brend, til þess að
guðirnir láti slíkt hið sama koma fram við manninn
sjálfan. En auk þessara „viðurkendu“ töfra eru oft aðrir
töfrar, sem fara fram í leyndum og eru bannaðir. það
eru þeir töfrar sem snúa sér til illra anda. Að vísu munu
þeir að jafnaði vera nauðalikir hinum, en þó er óhætt
að segja, að þar höfum vér rótina að göldrunum. Hjá
villiþjóðunum má því finna fyrstu byrjunina að þeim
tveim flokkum töfra, sem jafnan haldast: svörtu töfr-
arnir annarsvegar og hvítu töfrarnir liinsvegar.*
Fyrstu drógin til töfratrúarinnar i vísindalegu sniði
finnum vér hjá Kaldeum. Visdómur Kaldeanna var lengi
alræmdur, eins og sjá má á því, að t. d. í Daníelsbók o. v.
er nafnið „Kaldear“ beinlínis haft um slíka grúskara i
fornum fræðum, en ekki lengur sem tákn á sérstakri
þjóð. pað vill svo vel til, að vér höfum enn allýtarlegar
frásögur um töfravísindi Kaldeanna. í rústum Niniveh-
borgar, sem grafnar voru upp og rannsakaðar af ýms-
um vísindamönnum á öldinni sem leið, fanst meðal annars
heilt bókasafn. pað eru leirplötur með fleygletri, sem
tekist hefir að þýða. Er þar á meðal afarmikið rit eitt
um töfra, er skýrir nákvæmlega alla þá fræði.
Eftir trú Kaldeanna var heimurinn fullur af öndum,
illum og góðum. Alt sem við bar í lífinu var af þeirra
völdum skeð. Barátta geysihörð var þar si og æ háð, og
* Haldið er að þessi orð hafi upphaflega myndast af vankunn-
áttu manna í grisku. Orðið „nekromanþi", sem þýðir það að leita
frétta af framiiðnum, var sett á latínu og varð þar „nigromanti"
af niger =: svartur. Þetta orð notaði svo miðaldakirkjan um
galdra alment, og þegar kirkjam sjálf þóttist hafa fundið upp
aðra töfra, leyfilega, til þess að eyða verkunum hinna, þá var
það kallað „hvítir töfrar" i mótsetningu við hitt. (Soldan: Ge-
schichte der Hexenprozesse, I. bindi, bls. 198.)