Bókasafnið - 01.01.1998, Síða 38

SlGRÍÐUR MATTHÍASDÓTTIR
Sumarlestur
Iþessari grein ætla ég að greina frá undirbúningi og fram-
kvæmd lestrarhvetjandi sumarnámskeiðs við Bæjar- og
héraðsbókasafnið á Selfossi.
Forsaga.
íslendingar eru bókaþjóð. Þessi fullyrðing hefur lengstum verið
sett fram án nokkurs rökstuðnings, enda ekki talin þörf á því.
En fyrir nokkrum árum fóru ýmsir að efast um að fullyrðingin
ætti rétt á sér. Starfsfólk bókasafna varð áþreifanlega vart við að
bókaormunum fækkaði. Utlána-
tölur safnanna lækkuðu og æ fleiri
virtust nýta sér aðra miðla en bók-
ina til afþreyingar. Sem starfandi
barnabókavörður og mikil áhuga-
manneskja um bóklestur (sérstak-
lega lestur barna) var mér þetta
áhyggjuefni og ég var nokkuð bú-
in að hugleiða hvort almennings-
bókasöfnin gætu á einhvern hátt
aukið lestraráhugann. Því var það
að þegár ég fór á helgarnámskeið
hjá Sue Sherif gistikennara í bóka-
safnsfræði fékk ég hugljóntun
þegar hún var að segja frá sumar-
námskeiðum sem algengt eru í
Bandaríkjunum og ákvað að ef ég
fengi til þess stuðning myndi ég
prófa mína útgáfu af námskeiðinu
á mínum vinnustað Bæjar- og hér-
aðsbókasafninu á Selfossi. Það
reyndist auðsótt mál og það varð
úr að sumarið 1993 var fyrsta
SUMARLESTRINUM hleypt af
stokkunum.
Sumarlestur
Námskeið þeirra í Bandaríkjunum heitir Summer reading pro-
gram og fljótlega kom upp heitið SUMARLESTUR á nám-
skeiðinu okkar. Við undirbúninginn hafði ég lítið annað í hönd-
unum en fjölritað blað (A-4) með upplýsingunt frá Sue Sherif.
Eitthvað fannst mér það nú loftkennt en komst fljótlega að því
að eitt safn á landinu væri með svona námskeið. Eg hafði þvf
samband við Óskar Guðjónsson yfirbókavörð á almennings-
bókasafninu á Keflavíkurflugvelli. Hann sendi mér upplýsingar
| (eyðublöð og ýmislegt efni frá sínum sumarlestri). Það varð
ómetanlegt þegar ég í alvöru byrjaði að undirbúa sumarlestur-
inn. Að auki fóru allir starfsmenn safnsins í heimsókn til
Óskars.
Undirbúningur
Það sem á eftir fer er samtíningur úr undirbúningi að öllum
þeim fimm sumarlestrum sem haldnir hafa verið hingað til.
Enginn sumarlestur hefur verið eins og undirbúningurinn ekki
alltaf sá sami í smáatriðum. Nauðsynlegt er að byrja undirbún-
ing ekki mikið seinna en í apríl. Það er þó reyndin að miklu fyrr
er farið að huga að sumarlestr-
inum. Nú þegar þetta er skrifað í
febrúar erum við þegar byrjaðar
að huga að þema og ýmsu öðru
vegna komandi sumarlesturs
(þemað fyrir árið 2000 er líka
ákveðið).
Grundvallaratriði er að
ákveða fyrir hvaða aldur sumar-
lesturinn á að vera. I fyrsta skipt-
ið buðum við 9 og 10 ára börnum
þátttöku en eftir það höfum við
boðið 9, 10 og 11 ára börnum sér-
staklega en yngri og eldri börn
eru velkomin. Það sem ég á við
með sérstaklega er að ég hef
fengið að koma inn í bekki þess-
ara nemenda til að kynna þeim
sumarlesturinn og afhenda upp-
lýsingar og umsóknareyðublöð
fyrir þátttöku. Þessi kynning fer
fram seinni partinn í maí. Auk
þess eru sendar fréttatilkynningar
í héraðsblöðin (Dagskrána og
Sunnlenska fréttablaðið). Nám-
skeiðið hefst í byrjun júní og að
fenginni reynslu finnst okkur
hæfileg lengd á námskeiðinu fjórar vikur.
Hugmyndin að því að kynna sumarlesturinn svona rækilega
er komin frá Sue Sherif. Hún lagði áherslu á að kynningin þyrfti
að vera vel undirbúin og framkvæmd. Eitt af því sem ég hef
reynt að leggja áherslu á við börnin er að þau þurfa ekki að vera
neinir lestrarhestar til að vera með og eins að alls staðar er hægt
að lesa (nema í baði). Þau geti því farið í sumarbústað og haft
með sér bók þangað. Skólarnir hafa sýnt mikla velvild í sam-
bandi við þessar kynningar, ekki síst í ljósi þess að oftast er ég á
ferðinni þegar skóla er að Ijúka.
Sumarlestur 1997.
Sumar lásu á safni þráttfyrir gott veður.
38
BÓKASAFNIÐ 22. ÁRG. 1998