Bókasafnið - 01.01.1998, Qupperneq 57

trúa þessu, en þó er til fólk sem hefur gaman af að lesa þess
háttar, svo ég tali nú ekki um vísindaskáldsögur sem eru afar
vinsælar og mikið lesnar af fólki.
Internetið hefur verið mál málanna á síðustu árum. Bókaverðir
kepptust um að segja hver öðrum og sannfæra yfirvöld um
hversu merkilegt og bráðnauðsynlegt tæki þetta er. Hvar sem
maður kom var talað um Internetið. Á Netinu er hægt að afla
sér upplýsinga um allt milli himins og jarðar. Reyndar verður að
fara að öllu með gát, og ekki taka allt sem heilagan sannleik
sem þar kemur fram. Vefsíðurnar eru misvandaðar, og hver sem
er getur sagt hvað sem er á Netinu. En þar eiga einnig virtar
stofnanir vefsíður, stofnanir og fyrirtæki sem við treystum til að
segja satt og rétt frá.
En Internetið er ekki bara háalvarlegur upplýsingamiðlill.
Meginþorri notenda netsins nýtir
sér það til að sinna áhugamálum
sínum, afla sér upplýsinga um
ákveðið áhugamál og rabba við
fólk úr öllum heimshornum um
allt milli himins og jarðar. Vilji
maður fylgjast með í „ástarsögu-
bransanum“, er netið tilvalinn
vettvangur. Til eru nokkrar heima-
síður sem tjalla um nýjustu ástar-
sögurnar, þar má lesa gagnrýni
um nýjustu bækurnar á markaðn-
um, lesa stuttar greinar sem fjalla
um málefni tengdum ástarsögum,
t.d. sögulegt yfirlit um ástarlff fyrr
á öldum og þess háttar. Einnig eru
margir höfundar með eigin heima-
síður.
Svo eru það póstlistarnir. Þar stendur einn upp úr: RRA-L
sem stendur fyrir ROMANCE READER ANONYMUS-LIST.
Nafnið er tilkomið vegna þess hve margir lesa ástarsögur í
laumi. Þarna getur þú skipst á skoðunum um þessa ágætu teg-
und bóka, og raunar allt sem viðkemur ástarsögum. Reyndar er
þessi póstlisti svo vinsæll að eigendur hans neyddust til að
breyta honum í „digest“, sem þýðir að lesendur fá send öll bréf
sem listinn hefur fengið send yfir daginn í einu bréfi. Það gekk
ekki lengur að fólk fengi send eitt og eitt bréf eins og gert er á
t.d Skruddu því sendingar á dag voru yfir 100. Bréfum fækkaði
töluvert við þetta og nú eru þau aðeins í kringum 30 á dag. Á
listanum eru nokkrir af vinsælustu höfundunum í dag og þú
getur átt von á persónulegu bréfi frá uppáhalds höfundinum
þínum ef þú skrifar inn á listann. Einnig er hægt að fylgjast með
listanum í svokölluðum fréttahóp (newsgroup).
Það getur líka verið gaman að skoða vefsíður um ástarsögur.
Upp úr stendur The Romance Reader. Þar er að finna gagnrýni á
nýjustu ástarsögurnar og einnig hægt að fletta aftur í tímann.
Gefin eru hjörtu (í stað stjarnal), og fimm hjörtu er toppurinn. Á
sumum þessarra vefsíðna, eins og til dæmis hjá Autopen má
finna greinar um skylt efni, þar er t.d. að finna greinar um
Regency tímann á Englandi o.fl.
Þá eru ótaldar allar heimasíður höfunda og útgáfufyrirtækja,
sem margir eru með vefi sem eingöngu fjalla um ástarsögur.
Um leið og maður byrjar að flakka á þessunt slóðum koma upp
fleiri vefsíður en hér eru nefndar og ekki síðri.
Hér að neðan er listi yfir nokkrar vefsíður sem gaman er að
skoða, en þess ber að geta að til eru miklu fleiri. Ef maður slær
inn Romance Reader í AltaVista koma upp u.þ.b. 200.000 vef-
síður! Þær eru að sjálfsögðu ekki allar um þetta efni og senni-
lega ætti bókavörður að geta
þrengt leitina töluvert...
http:// www. angelfire. com/ca/
RomanceReview/ index.html
(Autopen) http:// www.
theromancereader. com/ (The
Romance Reader)
http:// www. silcom. com/~
manatee/ utc. html
http:// www. si.umich. edu/~
sooty/ romance/ (heimasíða
Georgette Heyer)
Þessi samantekt tjallar eingöngu
um ástarsögur. Á vefnum má
finna svo miklu meira. Nú eru
áreiðanlega miklu fleiri sem hafa
áhuga á spennu- og glæpasögum
(sbr. Krimmaklúbburinn), og fyrir þá skal bent á póstlistann
dorothyl sem virkar svipað og RRA-1 og er rekinn af sömu
aðilurn. Og hvernig gerist maður svo áskrifandi?
Sendið póst til LISTSERV@ LISTSERV. KENT.EDU og sláið
inn:
SUBscribe rra-1 <fullt nafn>
Ekkert annað.
Summary
On „Romances” and Other Stories
This article discusses romances on the Internet. The author lists different kinds of
romances, both historical and contemporary. Their subject matter is described and
compared with other genres, such as horror stories and whodunits. Relevant
websites are listed and the author encourages readers to use the Internet for
recreational as well as informational purposes.
Á.A.
Kvennagullið og kvikmyndaleikarinn Clark Gable les söguna Gone
with the Wind sem samnefnd kvikmynd var gerð eftir
BÓKASAFNIÐ 22. ÁRG. 199«
57