Dagblaðið Vísir - DV - 02.12.1981, Blaðsíða 7

DAGBLAÐIÐ & VÍSIR. MIÐVIKUDAGUR 2. DESEMBER 1981.
7
Af húsgagnasýningu á Rauða torginu
í Moskvn.
Vamarmálin:
„Gleði-
fréttir
fyrir
friðar-
sinna”
G.R.A. skrifar:
Eins og kunnugt er hefur Ronald
Reagan Bandaríkjaforseti lýst þvi
yfir í ræðu að hann hyggist leggja til
að hætt verði við að koma fyrir þeim
kjarnorkuvopnum, sem áður hafði
verið ætlaður staður í Vestur-
f Evrópu.
Segir hann að skilyrði sé þó það
að Rússar fjarlægi eldflaugar sínar
búnar kjarnaoddum og sem nú eru
staðsettar víðs vegar í Austur-Evrópu
og er beint að löndum í Vestur-
Evrópu.
Rússar hafa þegar svarað og sagt
að ræða Regans sé áróðursbragð.
Engu að síður hlýtur ræða Banda-
ríkjaforseta að marka nokkur tíma-
mót í því kalda stríði sem staðið
hefur milli stórveldanna um þessi
mál.
Friðargöngur svokallaðar hafa
verið gengnar í mörgum borgum
Evrópu að undanförnu og hafa þær
einmitt beinzt að vopnabúnaði stór-
veldanna í álfunni.
Það ætti því að vera fagnaðarefni
fyrir friðarsinna, svo og alla sem láta
sig þessi mál einhverju skipta, að for-
seti Bandaríkjanna hefur átt frum-
kvæði að því að koma hreyfingu á
málin þótt hann hafi um leið varpað
„boltanum” yfir til þeirra í Kreml.
Og nú hafa Rússar gripið
„boltann” á lofti og vilja skoða hann
nánar! Hafi friðarsinnar í Evrópu og
áhangendur þeirra hér á Islandi
kallað ræðu Reagans áróðursbragð
hafa nokkrir áhrifamenn í Kreml
ekki sömu skoðun. — Þeir vilja sem
sé athuga gaumgæfilega þessa tillögu
Bandaríkjaforseta áður en henni
verður hafnað.
Það verður því sennilega einhver
bið á nýrri stefnumörkun friðarsinna
meðan þeir Kremiverjar setja fram
sína úrslitakosti í takmörkun kjarn-
orkuvopna. Kannski verður beðið á-
tekta þar til Ólafur Ragnar kemur
með „stefnuna” út úr sendiráði
Sovétríkjanna hér í Reykjavík. —
Við sjáum hvaðsetur.
„Til hamingju með hið
nýja og sameinaða blað”
—segir í bréfi f rá Flugleiðum
Erling Aspelund, framkvæmdastjóri
stjórnunarsviðs Flugleiða, skrifar:
Kæru ritstjórar.
Ég óska ykkur til hamingju með
hið nýja og sameinaða blað.
Með tilvísun til fyrri leiðara og
greina í Dagblaðinueránægjulegt að
sjá að menn hafa lært af reynslunni
og eru nú sammála um að þar sem
markaðurinn er lítill er betra að hafa
eitt sterkt fyrirtæki en tvö eða fleiri
veikburða.
Tilefni þessara skrifa er leiðari í
fyrsta eintaki eftir sameininguna.
Þegar ég las hann kom mér í hug
fréttatilkynning, sem hefði mátt
senda út í ágúst 1973; þegar flugfé-
lögin sameinuðust.
Þar sem þið óskið eftir því að sem
flestir sendi linu bið ég ykkur að stilla
sama leiðaranum og „fréttatilkynn-
ingunni” lesendum til skemmtunar
og fróðleiks. Þar kemur glöggt fram
að þið ritstjórar eruð okkur Flug-
leiðafólki sammála. Við fögnum
þessufn stuðningi ykkar.
„Óháö þjóðarsamgöngu-
fyrirtæki
„Eðlilegt er að menn verði
hvumsa, þegar flugfélögin sameinast
í eitt flugfélag, eftir að hafa eldað
grátt silfur í fjölda ára. Hvernig má
vera unnt að strika svo gersanjlega
yfir gamlar væringar, sem nú hefur
verið gert?
Mikið vatn hefur runnið til sjávar á
þessum árum. Þróun flugsins hefur
gert fyrri ágreiningsefni fyrst lítilfjör-
leg og síðan úrelt. Jafnframt hefur
hún hlaðið upp nýjum verkefnum,
sem sameinaða krafta þarf til að
leysa.
Verkföllin voru kornin, sem fylltu
mælinn. Það gaf mönnum tíma og
tækifæri til að hugleiða, hvort félög-
in væru í stakk búin til að bera her-
kostnað árlegra vinnudeilna og veita
viðskiptavinum þar á ofan nauðsyn-
lega þjónustu.
Flugmarkaðurinn er enn opinn,
þótt flugfélögunum hafi fækkað úr
tveim í eitt. En hið nýja flugfélag ætl-
ar sér sterkari samkeppnisaðstöðu á
þeim markaði en félögin tvö höfðu
áður, hvort í sínu lagi. Við viljum nú
sækja fram að nýju.
Bæði félögin hafa af of veikum
fjárhag reynt að halda uppi merki
frjálsra og óháðra flugfélaga. Með
sameiningu kraftanna á enn frekar en
áður að vera unnt að veita viðskipta-
vinum öruggari og fullkomnari þjón-
ustu.
Hið sameinaða flugfélag hefur að
meginmarkmiði að starfa óháð
flokkum og flokksbrotum, aðilum
vinnumarkaðarins, öðrum öflugum
valdamiðstöðvum þjóðfélagsins og
öllum stórum og smáum þrýstihóp-
um, sem láta að sér kveða.
Viðskiptavinir fá nú mun stærra
flugfélag en þeir fengu áður, án þess
að verðið hækki þess vegna. Þeir sem
áður verzluðu við bæði félögin verzla
nú við eitt félag.
Sameinaða flugfélagið er svo stórt,
að það rúmar alla þjónustu, sem ein-
kenndi hvort félagið fyrir sig. Hið
eina sem fellur niður er tvíverknaður-
inn. Viðskiptavinir hvors félags fá
þvi sitt félag áfram og svo úrval úr
hinu til viðbótar.
Við höfum svo ástæðu til að ætla
að sameiningin veiti okkur einnig
mátt til að leggja út á nýjar brautir,
svo að farþegar fái nýja þjónustu,
sem þeir fengu ekki í félögunum
tveimur. Þannig viljum við stækka
farþegahópinn.
Þetta ber að svo skjótlega, að enn
hefur ekki tekizt að móta hið samein-
aða félag að fullu. Það er sérkennileg
og skemmtileg blanda úr foreldrum
sínum. Smám saman mun það fá sitt
eigið svipmót, þegar það vex úr grasi.
Tæknibreytingar flugsins og ann-
arra samgöngutækja hafa verið örar
á undanförnum árum og verða enn í
náinni framtíð. Fjárhagur félaganna
tveggja, sem hér hafa sameinazt,
leyfði þeim ekki að fylgjast með sem
skyldi á þessu sviði.
Með sameiningunni á að vera kleift
að afla þeirrar tækni, sem nú og
framvegis verður talin nauðsynleg til
að hagkvæmni sé í hámarki, tafir sem
minnstar, þjónustugæði sem bezt og
upplýsingar til viðskiptavina sem
ferskastar.
Verulegur hlutur þjóðarinnar
skiptir við þetta flugfélag. Við viljum
halda góðu sambandi við ykkur öll
og fá fleiri í hópinn. Við viljum, að
sem flestir sendi línu og hjálpi okkur
við að móta óháð og frjálst þjóðar-
samgöngufyrirtæki.
Við höfum lært af reynslunni og
teljum okkur hafa gott veganesti til
að leggja með viðskiptavinum okkar i
nýjan áfanga þróunarbrautarinnar.
Við vonum, að sú flugferð verði okk-
ur öllum sem gagnlegu^t og ánægju-
legust.
Flugfélag íslands — Loftleiðir”
Oháður þjóðarfjölmiðill
Eðlilcgt er, að mcnn verði hvumsa, þegar síðdegis-1
blöðin sameinast í eitt dagblað eftir að hafa eldað'
saman grátt silfur í rúmlega sex ár. Hvernig má vera
unnt að strika svo gcrsamlega yfir gamlar væringar,
sem núhefur verið gert?
Mikið vatn hcfur runnið til sjávar á sex árum. Þróun
fjölmiðlunar hcfur gert fyrri ágreiningsefni fyrst lítil-
fjörleg og siðan úrelt. Jafnframt hefur hún hlaðið upp
nýjum vcrkefnum, sem sameinaða krafta þarf til að
leysa.
Verkfallið var kornið, sem fyllti mælinn. Það gaf
mönnum tíma og tækifæri til að hugleiða, hvort blöðin
væru i stakk búin til að ber;. herkostnað árlegra vinnu-
deiina og vcita lesendum þar í ofan nauðsyniega þjón-
ustu.
Dagblaðamarkaðurinn er enn opinn, þótt biöðum
hafi fækkað úr scx i fimm. En hið nýja blað ætlar sér [
stcrkari samkeppnisaðstöðu á þeim markaði en blöðin
tvö höföu áður, hvort í sinu lagi. Við viljum nú sækjaj
laðnýju.
Sýnishorn af leiðara Dagblaðsins & Vísis fimmtudaginn 26. nóvember sl„ er
undirritaður var af ritstjórunum báðum, Jónasi Kristjánssvni og Ellert B.
Schram.

Ingvar Helgason
Vonarlandi <Sogamýri 6 simi 33560
Varahlutaverslun Rauðagerði Símar: 84510 & 84511