Dagblaðið Vísir - DV - 14.07.1986, Blaðsíða 16

16
MÁNUDAGUR 14. JÚLÍ 1986.
Spurningin
Hvernig líst þér á að fá
nýja sjónvarpsrás í
haust?
Guðríður Þórhallsdóttir prófarkales-
ari: Mér finnst engin þörf á því.
Stella Magnúsdóttir, vinnur á video-
leigu: Mér líst mjög vel á það, það
er ágætt að hafa smásamkeppni.
Aðalsteinn Vigmundsson bílstjóri:
Mér líst vel á það og það er tvímæla-
laust gott að hafa samkeppni.
Hörður Markan pipulagningamaður:
Mér líst ágætlega á það, fjölbreytnin
er alltaf góð.
Sveinn Grétar Jónsson fram-
kvæmdastjóri: Mér líst bara vel á að
fá eitthvað nýtt, ef þetta verður þá
að veruleika.
Sölvi Harðarson nemi: Bara vel, það j
verður gott að geta valið úr efni.
Lesendur
Rætt var um aðbúnað gamla fólksins.
Einsog
talað
frá
mínu
hjarta
Gömul kona hringdi.
Ég hlustaði á erindi Þorsteins Matt-
híassonar, Um daginn og veginn,
mánudaginn 7. júlí. Ég vil skila sér-
stöku þakklæti fyrir þetta erindi.
‘Þorsteinn talaði um aðbúnað gamla
fólksins á vitsamlegan hátt og með
öðru móti en gert hefur verið yfirleitt
í fjölmiðlum. Þetta var eins og talað
frá mínu hjarta. Lausnin er ekki að
koma öllu gömlu fólki fyrir á elliheim-
ilum. Þó að við eldumst verðum við
ekki endilega ósjálfetæð. Að hafa lifað
í eigin húsnæði alla sína ævi og þurfa
svo að fara á elliheimili, þar sem hugs-
að er algjörlega um fólk, er einungis
til að gera það ósjálfbjarga.
Að lokum langar mig til þess að
benda sjónvarpinu á að það má alveg
fara að hætta að sýna þessa Hótel-
þætti.
Bæklingur um hættur óbyggða
Kona utan af landi hringdi.
Út af bréfi, sem birtist á lesenda-
síðu DV þann 9. júlí sl., Útlending-
ar í óbyggðum, vil ég benda á að
bæklingur til þess að vara útlend-
inga við hættum óbyggðanna er
til. Þessi bæklingur var gefinn út
í fyrra af Ferðamálaráði íslands.
Er hann á fjórum tungumálum og
gengur undir nalhinu How to tra-
vel in the interior of Iceland.
Annars vil ég benda á að mér
finnst vera nokkuð vel litið eftir
útlendingum sem ferðast um
óbyggðir íslands. Lögreglunni er
heimilt að fylgjast með ferðamönn-
um úr lofti og útlendingaeftirlitið
afhendir útlendingum nýja bækl-
inginn við vegabréfaskoðun. Það
eru auðvitað alltaf einhveijir sem
sleppa í gegnum netið og hlusta
ekkert á þótt þeir séu varaðir við
en við því er ekkert hægt að gera.
"Útlendingar vita um hættuna."
Vegalömb
en ekki
villilömb
Utanbæjarmaður hringdi.
I sjónvarpinu er verið að sýna aug-
lýsingu frá bændasamtökunum um
neyslu á villibráð.
Fyrir okkur utanbæjarmenn skýtur
þetta skökku við því af okkar reynslu
eru þetta skítugar og ljótar rollur sem
halda sig mikið við vegina og eru stór-
hættulegar umferð. Mér finnst nær
sanni að kalla þetta vegalömb en ekki
villilömb. í auglýsingunni er þeim
auðvitað lýst á mjög jákvæðan hátt
en sannleikurinn er sá að þessar rollur
eru búnar að valda tjóni og get ég
ekki séð að það sé neinn sjarmi yfir
þeim.
Fréttir í sjón-
varpinu til
fyrirmyndar
S.G. skrifar.
Mér finnst ég verða að koma því
á framfæri hvað fréttir sjónvarps-
ins eru orðnar góðar. Áður en
útlitsbreytingin varð hafði ég lítið
gaman af fréttunum, það var
hreinlega ekkert líf í ]>eim. Nú er
þessu öðruvísi farið, allt er miklu
nýtískulegra og fféttamennimir
eru líflegir og virðast hafa áhuga
á sínu starfi. Sérstaklega kann ég
vel við hana Eddu Andrésdóttur,
hún er svo skýrmælt að maður
festir hugann við það sem hún seg-
ir. Svo má nú ekki gleyma honum
Ömari Ragnarssyni sem alltaf er
með athyglisverða fféttapisla.
Það helsta sem á vantar hjá
fréttum sjónvarps er nákvæmari
tæknivinna, en það er nú bara
svona aukaatriði hjá mér. Þetta á
sjálfeagt eftir að lagast þegar fram
í sækir.