Dagur - 03.12.1986, Page 12
Akureyri, miðvikudagur 3. desember 1986
RAFGEYMAR VIÐHALDSFRÍIR
f BfUNN, BÁTINN, VINNUVÉUNA
VELJIÐ RETT
MERKI
Bændafundur á Blönduósi:
Svartamarkaðs-
brask með kjöt
„Bæði bændur og sláturleyfis-
hafar hafa selt nautakjöt langt
undir verði. Þetta er algjört
lögbrot og náist ekki tök á
þessu fljótlega þá er salan á
þessu kjöti hrunin,“ sagði Árni
Leiruvegurinn:
Vinna
stöðvaðist
vegna
frosthörku
Vinna við Leiruveginn nýja
stöðvaðist að mestu leyti í gær
vegna mikillar frosthörku.
Frostið í gærmorgun mældist
allt að 21 gráða og varð það
sumum tækjunum um megn.
Olía þykknaði á vökvabúnaði
og vélum og vatn fraus á
bremsum.
Að sögn Franz Árnasonar
framkvæmdastjóra Norðurverks
sem sér um verkið, voru þó ein-
hver tæki í gangi en þau unnu
ekki nema með hálfum afköst-
um. Franz sagði að líklega myndi
vinna stöðvast að mestu í dag
meðan verið væri að koma tækj-
um í gang en síðan yrði tekið til
óspilltra málanna á ný. ET
i'-
CM
CM
CD
o>
tn
S. Jóhannsson kaupfélagsstjóri
Kaupfélags Húnvetninga með-
al annars í framsöguræðu sem
hann flutti á fundi með bænd-
um síðastliðinn laugardag.
Árni gerði stöðu vinnslustöðva
landbúnaðarins að umtalsefni og
taldi hann stöðu þeirra ákaflega
slæma, minntist hann meðal ann-
ars á birgðasöfnun bæði nauta- og
dilkakjöts og taldi að útflutnings-
málin væru í ólestri. Árni taldi þó
að sá markaður sem kominn væri
fyrir kjöt í Japan væri hagstæður
og enda þótt verðið væri full lágt,
þá taldi hann að þarna gæti verið
um framtíðarmarkað að ræða. Þá
kom fram í máli hans að talað
væri um að fækka vinnslustöðv-
um landbúnaðarins og hefði slát-
urhúsið á Blönduósi verið nefnt
sem eitt þeirra sem bæri að loka.
Að lokum sagði Árni að ef bænd-
ur ekki sæktu fram með sín mál
hið fyrsta þá væri óvíst að þeim
tækist að koma fram nokkrum
lagfæringum sinna mála í bráð,
þar sem óvíst væri að næsta ríkis-
stjórn yrði bændum eins velviljuð
og þessi þó væri.
Það var auðvelt að heyra að
mikil óánægja var ríkjandi hjá
bændum varðandi flest þeirra
mál og töldu þeir sig greinilega
eiga ýmislegt vantalað við full-
trúa stéttarsambandsins og land-
búnaðarráðuneytisins. Fram kom
að þrettán jarðir í Vestur-Húna-
vatnssýslu væru horfnar frá hefð-
bundnum búskap og einn fund-
armanna sagði reyndar að þær
væru farnar í eyði og allt útlit
væri fyrir að einar sextán jarðir
bættust við ef ekkert yrði að gert
fljótlega. Páll Pétursson alþingis-
maður og bóndi sagði það sína
skoðun að það bæri að skerða
meira hjá stærri búunum og
skapa eitthvert svigrúm fyrir
frumbýlinga.
„Það eru mörg bú of stór og
það er víða hægt að búa „prakt-
ískara" en gert er,“ sagði Páll.
Páll bað bændur vera bjartsýna
og halda í kjarkinn, „því ef
kjarkurinn er farinn þá fer allt til
andskotans," sagði Páll. G.Kr.
.
Nýr frystitogari bættist í togaraflota Akureyringa í gær þegar Margrét EA 710 kom frá Bcrgen. Skipið er í eigu Sam-
herja hf. á Akureyri.
Ófaglært starfsfólk á Sólborg:
Lokun vegna upp-
sagna 22. desember?
- þolinmæðin á þrotum segir trúnaðarmaður
Mikil óánægja er nú ríkjandi
meðal ófaglærðra starfsmanna
á vistheimilinu Sólborg vegna
lægri launa en annars staðar í
sambærilegum störfum. I
fyrradag hélt starfsfólkið fund
þar sem ákveðið var að allir
ófaglærðir starfsmenn um 60
að tölu segðu upp frá og með
15. desember ef ekkert hefði
þá gerst. Stór hluti þessa hóps
er með aðeins viku uppsagnar-
frest og koma því uppsagnir
þeirra til framkvæmda strax
22. desember. Heildarfjöldi
starfsmanna á Sólborg er um
80.
Ófaglært starfsfólk hjá Akur-
eyrarbæ fékk í haust nokkra
hækkun launa. Viðsemjandi
starfsfólks á Sólborg og einnig
Kristnesspítala er hins vegar
ríkisvaldið og við það er erfiðara
að eiga. Þó hefur starfsfólki í
Kristnesi tekist að fá sitt fram.
Síðan í októberbyrjun hefur
starfsfólkið reynt að knýja fram
viðræður og hefur oftar en einu
sinni verið lofað fundi með full-
trúum ríkisvaldsins en iðulega
verið svikið.
„Við skiljum það ekki að hægt
sé að borga þeim á Kristnesi en
ekki okkur. Við höfum lengi ver-
ið dregin á asnaeyrunum og nú er
þolinmæðin á þrotum," sagði
Hrefna Helgadóttir trúnaðar-
maður starfsfólks. Hrefna sagði
að hækkunin sem farið væri fram
á væri misjöfn en allt að 4000 kr.
á mánuði.
Ljóst er að ef þessar uppsagnir
koma til framkvæmda þá mun
skapast mjög alvarlegt ástand á
Sólborg. Ef heldur fram sem
horfir þá stefnir allt í lokun
nokkurra deilda strax 22. desem-
ber þegar fyrstu uppsagnirnar
koma til framkvæmda. ET
Magnús Gamalíelsson hf. í Ólafsfirði:
Skreiö seld fyrir 3,8 milli.
- enn óseldir 2000 pakkar
Hjá Magnúsi Gamalíelssyni hf.
í Olafsflrði er nú verið að
ganga frá skreið til útflutnings.
Fyrir rúmri viku fóru frá fyrir-
tækinu 250 skreiðarpakkar til
Júgóslavíu og nú á næstunni
fara 300 pakkar til Kamerún.
Þessi skreið er frá árunum
1983 og 1984 en síðan þá hefur
ekki verið verkuð skreið hjá
fyrirtækinu vegna hráefnis-
skorts. Verð fyrir skreiðina til
Júgóslavíu er 190 kr. á kfló en
125 kr. til Kamerún. í hverjum
skreiðarpakka eru 45 kfló
þannig að heildarverðmætið er
um 3,8 milljónir.
„Það er búið að vera hálfgert
bras í þessum skreiðarmálum
núna lengi en það er að lifna yfir
þessu og ég þakka það fyrst og
fremst góðum sölumönnum,“
sagði Sigurgeir Magnússon fram-
kvæmdastjóri fyrirtækisins. Það
er samlag skreiðarframleiðenda
sem sér um sölu á skreiðinni.
Sigurgeir sagði að fyrirtækið
ætti enn um 2000 pakka óselda og
sagði hann að því fylgdi vissulega
mikill vaxtakostnaður að liggja
svona lengi með vöruna. Hann
sagði að greiðslurnar færu beint
til bankanna en það létti vaxta-
byrðina.
Magnús Gamalíelsson hf. hef-
ur á árinu sent frá sér á fjórða
þúsund pakka af hertum hausum
og um 1200 pakka af skreið. Erf-
iðlega hefur gengið að fá greitt
fyrir þessa vöru og að sögn Sig-
urgeirs eiga þeir útistandandi
greiðslur allt frá árinu 1983. Af
framleiðslu þessa árs er búið að
greiða alla skreiðina en hausarnir
eru ógreiddir. Sú skreið sem nú
er send á hins vegar að greiðast
eftir 3 mánuði.
„Vandamálið í þessari skreið-
arsölu er að það eru of margir
aðilar að selja sama fiskinn til
sama kaupanda. Menn hafa verið
að undirbjóða hvern annan en
þeir eru að sjá það núna að þetta
gengur ekki svona áfram,“ sagði
Sigurgeir. ET
Bæjarstjórn Akureyrar:
Mótmælir
skerðingu
Jöfnunarsjóðs
Á fundi bæjarstjórnar Akur-
eyrar í gær var samþykkt
samhljóða að mótmæla harð-
lega þeirri 300-400 milljón
króna skerðingu á lögbundn-
um framlögum ríkisins til
Jöfnunarsjóðs sveitarfélaga
sem gert er ráð fyrir í frum-
varpi til fjárlaga á árinu 1987.
Ekki er fullljóst á þessari
stundu hversu mikil áhrif skerð-
ing Jöfnunarsjóðs mun hafa á
fjárhag bæjarins en talað er um
að tekjumissir bæjarsjóðs verði
8-10 milljónir króna hið
minnsta.
Bæjarstjórn skorar á ríkis-
stjórn og Alþingi að taka fram-
angreind ákvæði frumvarpsins
til endurskoðunar. Sveitarfélög-
in í landinu eiga nú við mikinn
fjárhagsvanda að stríða auk
þess sem skerðing þessi gengur
þvert á margyfirlýsta stefnu
ríkisstjórnar og stjórnmála-
flokka um aukið sjálfsforræði
sveitarfélaga. BB.