Dagur - 29.03.1989, Blaðsíða 7
WliévikúMgÚV ^ð? fe:iYé89 - ÖÁ'fíÖff - f
Skíðalandsmótið á Siglufirði:
Siglfírðingar sigursælir
- veðrið setti svip sinn á mótið
Anna María Malniquist frá Akureyri sigraði í stórsvigi á skíðalandsmótinu á Siglufirði. Mynd: TLV
„Bjóst varla við sigri“
- segir Anna María Malmquist sem sigraði í stórsvigi
Skíðalandsmótið var haldið á
Siglufirði um Páskahelgina.
Að vanda börðust skíðabæirn-
ir Siglufjörður, Akureyri og
Isafjörður um flest sigurlaunin
en Ólafsfirðingar og Reykvík-
ingar fylgdu í humátt á eftir.
En það var einkum veðrið sem
setti strik í reikninginn á þessu
móti og komust ekki allir
keppendur til leiks á réttum
tíma. Þrátt fyrir lætin í veður-
guðunum stóð mótsstjórnin sig
með sóma og reyndar allir
keppendur og tókst því að
Ijúká keppni á réttum tíma.
Heimamenn hlutu sex gull-
verðlaun en ísfirðingar og
Akureyringar unnu fimm gull-
verðlaun. Þegar upp var staðið
höfðu hins vegar Akureyringar
unnið til flestra verðlauna á mót-
inu eða sautján talsins. Siglfirð-
ingar unnu til fimmtán verð-
launa, ísfirðingar hlutu þrettán
verðlaun, Ólafsfirðingar og
Reykvíkingar fengu sex peninga
og Fljótamenn tvo.
Flestir keppendur áttu í mestu
erfiðleikum að komast til Siglu-
fjarðar og komust t.d. keppendur
frá Ólafsfirði ekki fyrr en á þriðja
degi til nágrannabæjar síns. Aðr-
ir lögðu það á -sig að fara með
Stálvíkinni sem send var frá
Siglufirði til Sauðárkróks til að
sækja keppendur og áhorfendur
sem höfðu orðið að snúa við í
Fljótunum.
Dagskráin raskaðist töluvert
fyrsta daginn því keppendurnir
frá Dalvík, Akureyri og Ólafs-
firði voru ekki komnir og var því
einungis keppt í svigi á skírdag.
Á föstudaginn langa var keppt
í lengri göngunum og stökki. Á
laugardag var síðan keppt í sam-
hliðasvigi og styttri göngunum. Á
sunnudag lauk síðan Skíðalands-
mótinu með keppni í stórsvigi og
norrænni tvíkeppni.
Um kvöldið var verðlauna-
afhending á Hótel Höfn en það
var Sparisjóður Siglufjarðar sem
gaf öll verðlaun til mótsins og
studdi vel við bakið á mótshöld-
urunum. Eftir að verðlaunaaf-
hendingu lauk var stiginn dans
fram eftir nóttu við undirleik
elstu starfandi dansleikjahljóm-
sveitar landsins, Gauta frá Siglu-
firði.
Gera má ráð fyrir því að rúm-
lega 100 manns hafi lagt hönd á
plóginn sem starfsmenn á þessu
Skíðalandsmóti og verður að
þakka þeim öllum fyrir frábært
starf að ljúka mótinu á réttum
tíma. Það má t.d. geta þess að
þrír menn unnu á vöktum stans-
laust í 36 tíma á snjótroðaranum
síðari hluta keppnisdaganna til
þess að hægt væri að keppa á
mótssvæðinu.
Anna María Malmquist kom á
óvart á Skíðalandsmótinu og
sigraði í stórsviginu. Hún varð
síðan í öðru sæti í samhliða-
sviginu eftir hörkukeppni við
Ástu Halldórsdóttur frá ísa-
firði.
„Auðvitað stefndi maður að
því að vinna, en ég bjóst varla við
sigri því ég hef lítið getað æft í
vetur. Ástæðan er sú að ég
stunda nám við íþróttakennara-
skólann á Laugarvatni og það er
langt og erfitt að komast þaðan
til æfinga,“ sagði Anna María í
samtali við Dag eftir mótið.
Anna fór með landsliðinu út til
æfinga í nóvember en hefur síðan
þá lítið komist á skíði. „Ég hef að
vísu haldið mér í góðu líkamlegu
formi en skíðaformið er ekki upp
á það besta og því kom þessi sig-
ur mér frekar á óvart.“
Eftir þennan sigur ætlar Anna
María að æfa í nokkra daga á
Akureyri til þess að undirbúa sig
undir bikarmót á ísafirði um aðra
helgi og segist hún ætla að gera
sitt besta á því móti.
Alpagreinar:
Ásta og
Ömólfur
sigmðu
- í alpatvíkeppni
Þaö voru þau Ásta Halldórs-
dóttir ísafiröi og Örnólfur
Valdimarsson IR sem voru
Idutskörpust í alpagreinum á
Skíðalandsmótinu á Siglufiröi.
Ásta sigraði í svigi, samhliða-
svigi og alpatvíkeppninni.
Örnólfur sigraði í svigi og sam-
hliðasvigi en varð að lúta í
lægra haldið fyrir Guðmundi
Sigurjónssyni frá Akureyri í
stórsviginu. En það nægði
Örnólfi samt til þess að sigra í
alpatvíkeppninni. Anna María
Malmquist frá Akureyri kom
nokkuð á óvart og sigraðí í
stórsvigi og lenti í öðru sæti í
samhliðasvigi.
En lítum þá á úrslitin í alapa-
greinum á landsmótinu:
Slórsvig kvenna:
1. Anna María Malmquist A. 92.45
2. Ásta Halldórsdóttir í. 93.20
3. Guðrún H. Kristjánsd. A. 93.63
Stórsvig karia:
1. Guðmundur Sigurjónsson A. 1:16.32
2. Örnólfur Valdimarsson ÍR. 1:18.03
3. Vilhelm Þorsteinsson A. 1:18.20
Svig kvenna:
1. Ásta Halldórsdóttir í. 1:05.64
2. Guðrún H. Kristjánsdóttir A. 1:06.82
3. Margrét Rúnarsdóttir I. 1:07.79
Svig karla:
1. Örnólfur Valdimarsson ÍR 1:03.98
2. Arnór Gunnarsson I. 1:06.56
3. Kristinn Svanbergsson A. Samhliðasvig kvenna: 1. Ásta Halldórsdóttir í. 2. Anna María Malquist A. 3. Guðrún H. Kristjánsdóttir A. Samhliðasvig karla: 1. Örnólfur Valdimarsson ÍR. 2. Haukur Arnórsson Ármanni 3. Helgi Geirharðsson Ármanni 1:06.62
Alpatvíkeppni kvenna: Stig
1. Ásta Halldórsdóttir í. 12.94
2. Guðrún H. Kristjándóttir A. 32.49
3. María Magnúsdóttir A. 36.54
Alpatvíkeppni karla: Stig
1. Örnólfur Valdimarsson ÍR 7.14
2. Vilhelm Þorsteinsson A. 17.82
3. Kristinn Svanbergsson A. 37.27