Þjóðviljinn - 07.06.1985, Blaðsíða 3
FRETTIR
Fóstrur
Barátta okkar allra
Arna Jónsdóttir: Engin lausn að byggja ný dagvistarheimili nema
hœgt verði að manna þau semfyrir eru.
* Katrín Didriksen: Trúi ekki öðru en eitthvað verði gert
Eg trúi ekki öðru en að eitthvað
verði gert í málum okkar. Ef
ekkert verður gert þurfum við að
taka afstöðu til þess hvort við
neyðumst til að loka einhverjum
deildum dagvistarheimilanna í
haust, það er engin lausn að
byggja ný dagvistarheimili þegar
ekki er hægt að manna þau sem
fyrir eru, sagði Arna Jónsdóttir
fóstra eftir að hún hafði afhent
Davíð Oddssyni undirskriftalist-
ann.
„Við höfum fengið mikinn
stuðning frá foreldrum í okkar
Davíð Oddsson borgarstjóri tekur við undirskriftum á 3ja þúsund foreldra og starfsmanna dagvistarheimila þar sem
ástandinu í launamálum er mótmælt og úrbóta krafist strax. Ljósm. E.ÓI.
baráttu enda er þetta baráttumál
okkar allra í landinu, þegar ekki
er hægt að búa mannsæmandi að
börnum okkar vegna manneklu.
Við fóstrur getum ekki lengur
borið ábyrgð á þessu ástandi og
vörpum boltanum til borgar-
stjórnar".
„Ég kvíði fyrir haustinu, ef
ekkert verður gert í kjaramálum
fóstra“, sagði Katrín Didriksen
einn af forsvarsmönnum Sam-
taka foreldra barna á dagvistar-
heimilum.
„Ég trúi ekki öðru en að
eitthvað verði gert, einhvers
staðar verða börnin að vera. Það
gengur ekki lengur, þetta ástand
því börnin eru þolandinn. Það
eru takmörk fyrir hvað hægt er að
bjóða aðlögunarhæfni barna
enda er það viðurkennt að þau
verði rótlaus, þegar þau missa
sinn fasta punkt í tilverunni og
hætta að mynda vinatengsl, sem
er kannski ekki nema eðlilegt við
þær aðstæður sem þeim er boðið
uppá. Barnið er varla búið að
kynnast einni fóstru þegar önnur
byrjar.
Við foreldrar styðjum aðgerðir
fóstra, okkar finnst ástandið ekki
geta og ekki mega vera verra, við
viljum geta treyst því að börnum
okkar líði vel“.
HSp
Fóstrumálin
Ráðheira ekki til viðtals
Ragnhildur Helgadóttir neitaði að taka þátt í umrœðum á alþingi um
þann vanda sem ríkir á dagvistarstofnunum. Bar við að ekki mœtti
eyða tímaþingsins í umrœður um þessi mál og aukþess hefði hún ekki kynnt sérþau!
Raghildur Helgadóttir mennta-
málaráðherra reyndi í gær að
koma í veg fyrir að alþingismenn
gætu rætt þann vanda sem ríkir á
dagvistarheimiium vegna flótta
fóstra úr starfi. Neitaði ráðherr-
ann tilmælum um umræður utan
dagskrár á þeim forsendum m.a.
að ekki mætti taka af knöppum
tíma þingsins í þessi mál auk þess
sem hún hefði ekki kynnt sér þau.
Þá væru fóstrur starfsmenn
sveitarfélaganna en ekki ríkisins.
Vegna neitunar ráðherra hafnaði
forseti beiðni Kristínar Kvaran
um utandagskrárumræður og
vísaði til gamallar hefðar um að
ráðherra yrði að samþykkja
slíkt.
Ráðagerð Ragnhildar um að
láta þingmenn þegja, fór þó að
miklu leyti út um þúfur, enda
spunnust af þessu tilefni langar
umræður um þingsköp og snerust
þær að miklu leyti um dagvist-
armál. Þingmennimir Kristín
Kvaran, Guðrún Helgadóttir, Jó-
hanna Sigurðardóttir, Kristín
Halldórsdóttir og Svavar Gests-
son gagnrýndu viðbrögð ráð-
herra harðlega og sögðu neitun
hennar ámælisverða. Kröfðust
þau þess að ráðherra samþykkti
og byggi sig undir utandagskrár-
umræðu síðar um daginn og í síð-
asta lagi í dag, föstudag. Ráð-
herra þagði sem fastast undir
þeirri áskomn.
Mjög sjaldgæft er, ef ekki eins-
dæmi að ráðherra neiti þing-
mönnum um að ræða mál á verk-
sviði sínu og töldu þingmennirnir
þetta alvarlegt fordæmi. Lýstu
þeir furðu sinni á því að ráðherra
teldi það einskis virði að ræða á
alþingi þá stöðu sem upp er kom-
in þegar við blasir að loka þurfi
dagheimilum og ekki verði hægt
að manna ný vegna lélegra
launakjara fóstra.
-ÁI
Hvalur
13 reyðar
veiöst
Síðasta hvalvertíðin hefst
vel
Síðasta hvalvertíðin er hafln,
og hafa þrettán langreyðar veiðst
hjá Hval hf. í Hvalfirði. Fyrsti
veiðitúrinn hófst 2. júní.
í ár er hvalkvótinn 161 lan-
greyður og 38 sandreyðar. Rafn
Magnússon hjá Hval hf. sagði
þetta vertíðarupphaf mjög vænt.
Skip Hvals eru þrjú einsog í fyrra,
Hvalur 6, 8 og 9, og má hvert
þeirra veiða tvær reyðar í einu.
Veiðibann gengur í gildi að
þessari vertíð lokinni, en næsta
sumar verður þó veiddur um
helmingur hvalkvótans í ár vegna
rannsókna. -m
Líftryggingar
Nýjung hjá Dagsbmn
Tímamótasamningur við Brunabótafélag íslands. Dánarbœtur
fimmfaldast. Slysatryggingar á börnum yngri enló ára.
Veruleg umskipti eru nú fyrir-
sjáanleg í líftryggingarmálum
Dagsbrúnarmanna. Á stjórnar-
fundi Dagsbrúnar í dag verður
væntanlega gengið frá nýjum
samningi um þessi mál sem felur í
sér stórlega auknar bætur til
fullgildra félagsmanna í Dags-
brún, að sögn Þrastar Ólafssonar
framkvæmdastjóra féiagsins í
gær.
Hingað til hafa þær slysatrygg-
ingar og bætur sem bundnar hafa
verið við kjarasamninga ekki náð
mjög langt. Dagsbrúnarmenn
sem slasast eða veikjast hafa
fengið greiðslur úr svokölluðum
Styrktarsjóði, sem atvinnurek-
endur greiða í 1% af útborguðum
launum. Nú hefur hins vegar ver-
ið samið við Brunabótafélag ís-
lands um hóptryggingu sem
greidd verður af iðgjaldatekjum
sjóðsins, en ekki af einstakling-
unum. Fullgildir Dagsbrúnarfé-
lagar þurfa sem sagt ekkert að
greiða fyrir þessar auknu bætur,
sem eru aðallega fólgnar í
þrennu. í fyrsta Iagi munu dánar-
bætur fimmfaldast. Þær eru nú
kr. 25.300 en munu með hóp-
tryggingunni fara upp í kr.
125.000 + 21.250 kr. með hverju
barni undir 21. árs aldri. Þessar
upphæðir eru verðtryggðar og
hækka samkvæmt lánskjaravísi-
tölu. f öðru lagi verður sú viðbót
við slysatryggingar að slys félags-
manna í frítímum verða að fullu
bætt. I þriðja lagi er um að ræða
slysatryggingar barna Dagsbrún-
arfélaga sem eru yngri en 16 ára,
sem nú er engin. Nú mun verða
greiddar við örorku barns
500.000 krónur, en við dauða kr.
50.000. Að auki getur útlagður
kostnaður vegna slysa barna farið
í 25.000 krónur. -pv
Föstudagur 7. júní 1985 ÞJÓÐVILJINN - SIÐA 3
HVERNIG
ENDAST
LAUNIN?
Guðrún Antonsdóttir
fóstra
Hef „góða“
fyrirvinnu
„Mín laun segja ekkert við
framfærslu heimilisins, en ég hef
„góða“ fyrirvinnu svo ég get ekki
kvartað. Það er mótsagnarkennt
á tuttugustu öldinni að maður
þurfi, ja við getum orðað það
þannig, að „tryggja“ sig ef maður
hefur áhuga á að starfa við
kvennastörf.
Það hefur allt hækkað og þá
sérstaklega maturinn, og satt best
að segja þá veit ég ekki hvernig
margur fer að“. -sp
Sigríður Aadnegaard
fóstra
Betra á
námslánum
„Launin endast ekki í það
nauðsynlegasta, og er maður far-
inn að höggva á spariféð, sem átti
að fara til annars en framfærslu.
Ég tel að það þurfi að koma á
kauptryggingu, það er algjört
skilyrði, því eins og allir vita þá
fara beinar kauphækkanir strax
út í verðlagið.
Þetta er allt saman svo ó-
raunhæft, því að ef ég færi í nám
og tæki námslán þá myndi ég hafa
það betra en á fullum launum
sem fóstra“. ~sp
Sonjal. Einarsdóttir
fóstra
Við rétt
skrimtum
„Launin endast fyrstu 5 daga
mánaðarins og þykir það gott,
maðurinn minn er í námi og sé ég
um framfærslu heimilisins með
rétt rúmlega 20.000 kr. á mánuði.
Við reynum að rétta okkur af á
sumrin, en þá vinnur maðurinn
minn myrkranna á milli. Við rétt
skrimtum, það er rétta orðið, og
er engu eytt í óþarfa á mínu heim-
ili.
Það verður að hækka launin
þetta gengur ekki lengur“. -sp