Þjóðviljinn - 07.06.1985, Blaðsíða 8
GLÆTAN
„Gl»æææætan“
Nú er fegrunarvikan í al-
gleymingi í Davíðsborg og fara
krakkarnir í unglingavinnunni
ekki varhluta af því.
Við röltum af stað til að hitta
einhvern hressan hóp af
krökkum í unglingavinnunni, og
var veðrið ekki með okkur í því,
en hvað um það, þetta er raunsæ
mynd af reykvísku sumri, af
hverju alltaf að rjúka af stað þeg-
ar sól er og blíða, þannig veður er
bara á vorin.
Krakkar það þýðir ekki annað
en að bíta á jaxlinn, snúa rassin-
um upp í rigninguna, og passa
upp á að gallinn frá 96°norður sé
vel vatnsheidur. Hver kannast
ekki við það þegar maður vaknar
við nið rigningarinnar á gluggann
á morgnana ó hvað það væri gott
að mega sofa aðeins lengur og
gleyma þessari djö... vinnu.
En ekkert vol og vfl, þetta er
ekkert svo voðalegt, því það dug-
ar ekkert þunglyndi þó að allt sé á
floti, og maður þurfi að kafa eftir
drukknuðum arfa, helst með
gúmmíhönskum því hendurnar
soðna fljótt í vatnsaustrinum.
Stöku sinnum brotna kústsköft
vegna álags við að ýta drullunni á
götunni á undan sér, verkstjórinn
kallar þetta að sópa. Einstaka
grassvörður eyðileggst vegna
álags við að reyna að ná vothey-
inu í hús með tannlausum hrífum.
Mikið svakalega verða svörtu
pokarnir þungir, maður er eins
hlekkjaður fangi.
Einstaka sjá ráð við stritinu og
bregða sér í hina ýmsu leiki svo
sem „kústadans", „hjólbörurallí"
eða „skófluhopp“ svo eitthvað sé
nefnt og hefur þetta yfirleitt þær
afleiðingar að þolandinn þ.e. ver-
kfærið siasast og gárungurinn fær
að labba með verkfærið langar
vegalengdir til að sækja nýtt not-
hæft, þetta er ágæt leið til að
drepa tímann, og hefur mikið
verið stunduð. En kannski ofnot-
uð því harðstjórarnir í einu
bæjarfélaginu hér í nágrenninu
fundu leið til að stöðva þennan
ósóma, nefnilega að láta „krypp-
linginn" en svo hétu þeir sem
voru í „kryppunni“ (Unglingana)
borga verkfærið. Það þótti ansi
hart því „krypplingurinn" var •
heilan mánuð að vinna fýrir ein-
um hjólbörum, viku að vinna
fýrir sóp og hálfan mánuð fyrir
skóflunni.
Já, nóg að sinni, reisið upp
makkann og verið hress í rigning-
unni.
Kveðja
Glætan.
Það verður að gera hreint og fínt í Davíðs borg þessa vikuna.
Hæ! Þú þarna komdu og talaðu við okkur!
„Thank god it’s friday!“
„Ferlegt drasl er þetta!“
8 SÍÐA - ÞJÓÐVILJINN Föstudagur 7. júní 1985