Þjóðviljinn - 23.02.1988, Blaðsíða 2
— SPURNINGIN-
Á að lögbinda lágmarks-
laun og hver ættu þau að
vera?
Hlynur Árnason
vinnur við húsasmíði:
Ég er samþykkur því. Þau ættu
ekki að vera undir 50-60 þús-
undum. Ég kæmist ekki af með
minna.
Ragnhildur Richter
textahöfundur:
Já, tvímælalaust. Það veitti ekki
af því að hafa þau 60.000,- kr.
Þórir Jón Guðlaugsson
nemi:
Já, og þau ættu að vera á milli 50
og 60 þúsund.
Þórunn Selma Benedikts-
dóttir
afgreiðslumaður:
Já, ég held það. Þau ættu ekki að
vera lægri en 35.000 kr.
Gunnlaugur Jónsson
vinnur við bílabónun:
Ég held aö það gerði ekki mikið
gagn. Þau yrðu strax lág aftur, því
allt annað hækkar. Lágmarks-
laun þyrftu að vera um 60.000 kr.
á mánuði.
FPÉTTIR
Helgidagar
Ekki kjarasamningamál
Séra Bernharður Guðmundsson: Helgidagalöggjöfin segir
ótvírœtt til um að uppstigningardagur erfrídagur. Ekki í
verkahring aðila vinnumarkaðarins að breyta helgidagalöggjöfinni
Helgidagalöggjöfin kveður
skýrt á um að uppstigningar-
dagurinn teljist með frídögum.
Ég get ekki séð að aðilar vinnum-
arkaðarins geti ráðskast með
helgidaga eftir eigin höfði, sagði
séra Bernharður Guðmundsson,
fréttafulltrúi Þjóðkirkjunnar, er
hann var inntur eftir afstöðu
lærðra, vegna hugmynda sem
ræddar eru í samningaviðræðum
leikmanna í Garðastræti um að
vcrkafólk vinni á uppstigningar-
dag og á móti komi að föstudagur-
inn næsti á eftir verði fridagur.
- Finnar gerðu þessa tilfærslu
fyrir nokkru, en þar hefur verið
mikil umræða um að breyta aftur
í fyrra horf, sagði Bernharður.
Atvinnurekendur sjá nokkra
kosti við slíka tilfærslu, en með
því yrði vinnuvikan samfelldari
og í sárabætur fengju launþegar
lengra helgarfrí. Atvinnurekend-
um leikur einnig hugur á að sami
háttur verði hafður á með sumar-
daginn fyrsta.
Bernharður sagði að það væri
sín skoðun að sjónarsviptir væri
að sumardeginum fyrsta, þar sem
við værum eina þjóðin sem héldi
þau árvissu tímamót hátíðleg.
Nefnd á vegum kirkjunnar
vinnur nú að endurskoðun helgi-
dagalöggjafarinnar. Að sögn
Bernharðs er í þeirri endur-
skoðun gert ráð fyrir að létt verði
á sumu sem þar er að finna og
hert á öðru.
- rk
VISA/Eurocard
Samið
við férða-
Jónas Jónsson flytur skýrslu búnaðarmálastjóra við upphaf Búnaðarþings í gær. Mynd: Sig.
Búnaðarþing
Þörfin aldrei brýnni
Hjörtur E. Þórarinsson, formaður segir skerðingu áfjárveitingum til
rannsókna og leiðbeininga ílandbúnaði mjög bagalega
Níutíu og sjö prósent af þeim
matvælum, sem mannkynið
neytir, er komið frá landbúnaðin-
um. Mannfjölgunin í heiminum
er gífurleg cn samt er offram-
leiðsla á landbúnaðarvörum í
Evrópu og Ameríku, vegna þess
hve tækniframfarirnar hafa verið
stórstígar. Svo er einnig hér hjá
okkur. Talað er um að bændur
hafl of seint áttað sig á því hvert
stefndi. Það er auðvelt að vera
vitur eftir á. En hver sá það fyrir
að fjölgun þjóðarinnar skyldi allt
í einu hægja svo á sér sem raun
ber vitni?
Þannig mælti Hjörtur E. Þór-
arinsson, formaður Búnaðarfé-
lags íslands, við setningu Búnað-
arþings, sem fram fór í gær, að
viðstöddum forseta íslands, frú
Vigdísi Finnbogadóttur og fjölda
gesta.
Hjörtur E. Þórarinsson sagði
það mjög bagalegt hve nú væru
stórlega skertar fjárveitingar til
rannsókna og leiðbeininga í þágu
landbúnaðarins því aldrei væri
þeirra ríkari þörf en nú þegar
unnið væri að búháttabreyting-
um.
Að lokinni setningarræðu for-
manns ávarpaði Jón Helgason
landbúnaðarráðherra þingið.
-mhg.
skrifstofur
Greiðslukortafyrirtækin VISA
og Eurocard og ferðaskrifstof-
urnar Polaris, Samvinnuferð-
ir/Landsýn, Úrval og Félag ís-
lenskra ferðaskrifstofa hafa jafn-
að ágreininginn um mismunandi
túlkun samkomulags aðila frá 12.
febrúar 1988 varðandi greiðslu-
máta í leiguflugi og skipulögðum
hópferðum. í framhaldi af því
hcfur riftun samstarfssamninga
verið afturkölluð.
Ferðaskrifstofurnar munu hér
eftir tilgreina verð í leiguflugi og
skipulögðum hópferðum með
tvennum hætti: annarsvegar al-
mennt verð og hins vegar verð
með staðgreiðsluafslætti eða
staðgreiðsluverð.
Með staðgreiðsluverði er átt
við þegar verð ferðar er greitt
með reiðufé; peningum eða ávís-
unum. Ef fullnaðargreiðsla er
innt af hendi með greiðslukorti
þannig að andvirði hennar berst
ferðaskrifstofu sannanlega innan
þess frests, sem almennir ferða-
skilmálar Félags ísl. ferðaskrif-
stofa áskilja, þ.e. fjórum vikum
fyrir brottför, skulu korthafar
njóta þess afsláttar sem felst í
staðgreiðsluverði. Ferðaskrif-
stofurnar áskilja sér rétt til að
innheimta hækkanir, sem kunna
að hafa orðið á verðskrám frá því
að greiðsla var innt af hendi með
greiðslukorti og þar til andvirði
hennar berst frá greiðslukorta-
fyrirtæki.
Ferðalög
Luxferðimar seldar í mars
Reynsla undanfarinna ára hef-
ur sýnt að það er alveg óþarfi
að standa í biðröðum eftir þess-
um ódýru flugmiðum sem við
bjóðum félögum okkar. Við höf-
um hugsað okkur að setja miðana
í sölu í lok mars, sagði Sigrún
Espelund, formaður ferðanefnd-
ar BSRB, þegar hún var spurð
hvenær stéttarfélögin hygðust
hefja sölu á þeim tvö þúsund far-
miðum sem þau sömdu um nýlega
við Lion Air.
Sigrún sagði að stéttarfélögin
sem að þessu stæðu hefðu komið
sér saman um að hefja sölu á
sama degi.
- Við munum taka við síma-
pöntunum frá þeim félögum okk-
ar sem búa úti á landi, sá háttur
hefur reynst vel. Þeir forsjálu
panta forgangssímtal hjá Lands-
ímanum þannig að þeir sem
panta fyrst verða afgreiddir fyrst.
Sigrún sagði að mikill áhugi
væri á þessum ferðum þannig að
hún ætti ekki von á öðru en að
ferðirnar seldust upp.
-sg-
2 SÍÐA — ÞJÓÐVILJINN Þriðjudagur 23. febrúar 1988