Þjóðviljinn - 23.02.1988, Blaðsíða 10

Vörubílstjórafélagið
Þróttur
Ákveöið er að viðhafa allsherjaratkvæðagreiðslu
við kjör stjórnar og trúnaðarmannaráðs. Tillögum
um skipan stjórnar og trúnaðarmannaráðs skal
skila til kjörstjórnar félagsins á skrifstofu þess að
Borgartúni 33. Framboðsfrestur rennur út kl.
12.00 miðvikudaginn 2. mars.
Kjörstjórn.
Söluskattur
Viðurlög falla á söluskatt fyrir janúar-mánuð
1988, hafi hann ekki verið greiddur í síðasta lagi
25. þ.m.
Viðurlög eru 4% af vangreiddum söluskatti fyrir
hvern byrjaðan virkan dag eftir eindaga uns þau
eru orðin 20%, en síðan reiknast dráttarvextir til
viðbótar fyrir hvern byrjaðan mánuð, talið frá og
með 16. mars.
Fjármálaráðuneytið, 22. febrúar 1988.
ALÞÝÐUBANDALAGIÐ
Alþýðubandalagið Hafnarfirði
30 ára afmæíishátíð
30 ára afmælishátíð Alþýðubandalagsins í Hafnarfirði verður haldin í Fé-
lagsheimilinu Garðaholti, laugardaginn 5. mars nk. (á afmælisdaginn að
sjálfsögðu) og hefst með borðhaldi kl. 20.00.
Dagskráin auglýst síðar, svo og miðasala en félagar eru beðnir að taka frá
tíma fyrir hátíðina. - Stjórnin.
Spilakvöld ABR
Fyrsta þriggjaspilakvöldið hefst þriðjudagskvöldið
23. febrúar að Hverfisgötu 105 kl. 20:30 stundvís-
lega.
Gestur kvöldsins verður Helgi Seljan félagsmálafull-
trúi og fyrrverandi þingmaður AB.
Verðlaun fyrir hvert kvöld.
Allir velkomnir
ABR
---------------"i-----------------------------
Alþýðubandalagið Hafnarfirði
Stjórnmálaviðhorfin
Steingrímur J. Sigfússon, formaður þingflokks Al-
þýðuPandalagsins, ræðir um stjórnmálaviðhorfin á
félagsfundi hjá Alþýðubandalaginu í Hafnarfirði
þriðjudaginn 23. fePrúar.
Fundurinn verður í Skálanum, Strandgötu 41 og
hefst kl. 20.30.
Stjórnln
Steingrímur
Ólafur Ragnar
Alþýðubandalagið
Stelngrímur
Selfossi og nágrenni
Margrét
Almennur stjórnmálafundur
Almennur stjórnmálafundur verður haldinn að Hótel Selfossi,
fimmtudaginn 25. febrúar kl. 20.30.
Frummælendur: Ólafur Ragnar Grímsson formaður Alþýðubandalagsins,
Steingrímur J. Sigfússon alþm. og Margrét Frímannsdóttir alþm. Fyrir-
spurnir og frjálsar umræður. Allir velkomnir. - Stjórnin.
Alþýðubandalagið Akureyri
Bæjarmálaráðsfundur
Fundur í bæjarmálaráði mánudaginn 29. febrúar kl. 20.30. Dagskrá:
Fundargerðir bæjarstjórnar fyrir bæjarstjórnarfund 1. mars. Ónnur mál.
Stjórnin.
Borgarmálaráð ABR
Málefni aldraðra
Fundur í borgarmálaráði ABR miðvikudaginn 24. febrúar kl. 17.00 verður
um málefni aldraðra í Reykjavik.
Fundurinn verður haldinn að Hverfisgötu 105. Borgarfulltrúarnir Guðrún og
Kristín reifa málin. Fulltrúar og áhugafólk er hvatt til að mæta á fundinn.
Stjórnin.
ERLENDAR FRÉTTIR
Pímen patríarki (til vinstri) Rússnesku rétttrúnaðarkirkjunnar, sem er langöflugasta trúarsamfélag í Sovétríkjunum. En
nýir fylgismenn safnast nú einkum til minni evangelískra safnaða.
Einn angi af glasnost:
Bætt staða tnífélaga
í Sovétríkjunum
Nú eru fleiri nýir söfnuðir stofnaðir í Sovétríkjunum en
leggjcist niður
Einn fylgifiskur glasnost í So-
vétríkjunum er bætt staða
trúfélaga. Guðshúsum hefur
fjölgað um 138 á sl. tveim árum,
fjölmiðlar hafa sagt „kost og löst“
á rússnesku kirkjunni og hennar
sögu og tekið upp hanskann fyrir
presta og trúaða sem orðið hafa
fyrir atvinnuofsóknum og öðrum
kárínum.
Glasnost fylgja og meiri og ít-
arlegri heimildir um trúfélög en
áður voru fáanleg af sovéskri
hálfu. Petta kemur m.a. fram í
grein eftir Konstantín Kartsjev,
formann stjórnarnefndar um trú-
armálefni, sem fréttastofan APN
hefur dreift, og verður stuðst við
hér.
Fimmtán þúsund
söfnuðir
Trúaðir eru nú um 10-20 % af
sovéskum þjóðum. Petta er lægri
tala en einatt er rætt um á Vestur-
löndum, en þá skiptir máli hvort
miðað er við fjölda þeirra sem
skírðir eru til trúar eða fjölda
þeirra sem sækja kirkjur og guðs-
hús reglulega. Ef Kartsjev hefur
hið síðarnefda í huga þá er trú-
rækni almennings í Sovétrfkjun-
um síst miunni en á mörgum
Vesturlöndum.
Alls eru skráðir söfnuðir
(trúfélög verða að skrá sig hjá
yfirvöldum) um 15 þúsund. Þeim
hefur fækkað um 30 prósent á
undanförnum 25 árum og þá mest
á tímabilinu 1961 til 1966. Kart-
sjev telur þetta um margt eðlilega
þróun, en lætur þess þó getið, að
á árum áður ( þeas fyrir glasnost)
hafi það oft komið fyrir að yfir-
völd á hverjum stað legðu stein í
götu trúféiaga, neituðu að skrá
þau eða leyfa þeim að kaupa
húsnæði og þar fram eftir götum.
Hann getur þess að á undanförn-
um tveim árum hafi guðshúsum
(yfirleitt minni bænahúsum) fjöl-
gað um 138. 173 nýjir söfnuðir
hafa verið skráðir ( en á sama
tíma hafa 107 söfnuðir leyst upp).
Það er athyglisvert, að mestur
vöxtur er hjá baptistum, aðvent-
istum og hvítasunnumönnum.
Meðan hin stóra Rússneska rétt-
rúnaðarkirkja, sem á þúsund ára
afmæli í sumar, bætti við sig eða
endurnýjaði 35 guðshús, fengu
baptistar 49, aðventistar 12 og
hvítasunnumenn 9.
Er þrounin
að snúast við?
Sem fyrr segir fækkaði söfnu-
ðum verulega á árunum 1961-66.
En ef tekin eru árin 1966 og 1986
þá hafa ekki orðið mjög stórfelld-
ar breytingar á þessu tímabili,
nema helst hjá Gyðingum.
Skýrslan segir:
Rússneska réttrúnaðarkirkjan
- 7523 söfnuðir árið 1966, 6794
söfnuðir nú.
Kaþólska kirkjan - áður 1116
nú 1099.
íslam - áður 1820,nú 751.
Gyðingdómur - áður 259 nú
109.
Baptistar - áður 3054 nú 2976.
Aðventistar - áður 372 nú 445 .
Hvítasunnumenn - áður 904
nú 843. Vottar Jehóva - áður
468 nú 378.
Kartsjef getur þess sérstaklega
að trúrækni fari í vöxt í Eistlandi.
Moldavíu og Tdsjikstan (sem er
íslamskt land) og sumum hé-
ruðum Rússlands.
Skírnir og greftranir
Á þessum tíma hefur skírnum
heldur fækkað. Þær voru rösk-
lega miljón 1966 en um 775 þús-
und í fyrra (athyglisvert er að í
fyrra voru meira en fimmtíu þús-
undir fullorðinna skírðir í Sovétr-
íkjunum og er það helmingi
meira en áður gerðist). Þeim
fjölgar hinsvegar sem gifta sig í
guðshúsi - eða úr 60 þúsund gift-
ingum í um 80 þúsund í fyrra. Þá
fjölgar þeim einnig sem eru
grafnir að trúarsiðum - eða úr ca
850 þúsundum 1966 í 1,180 milj-
ón í fyrra.
Slökunarstefna gagnvart trúfé-
lögum hefur og leitt það af sér, að
klerkastéttin (um 25 þúsund
manns) hefur yngst. Á sjöunda
áratugunum voru flestir klerkar
sextugir eða eldri, nú er meðal-
aldur þeirra nálægt fimmtugu.
Nemendum við prestaskóla hefur
fjölgað um helming á sl. 15 árum
- þar stunda nú nám um 2500
manns. Tekjur safnaða af frjáls-
um framlögum trúaðra hafa tvö-
faldast .
Kirkjan í
sögu landsins
Að því er varðar það hvernig
nú er að því farið að „segja kost
og löst“ á langstærsta trúfélagi
landsins, Rússnesku réttrúnað-
arkirkjunni, skal hér tilfærður
kafli úr grein ofangreinds emb-
ættismanns:
„Það væri rangt að neita því að
réttrúnaðurinn hafði jákvæðu
hlutverki að gegna í því að efla
menningartengsl Rússlands við
umheiminn, í þróun rússnesks
ritmáls, húsagerðarlistar og
myndlistar. Kirkjan hafði einnig
hlutverki að gegna við myndun
miðstýrðs ríkis og enginn efast
um að fulltrúar hennar hafi lagt
sig fram fyrir föðurland sitt..
Minnum a.m.k. á þá staðreynd
að í stríðinu gegn nasistum rak
kirkjan fyrir eigið fé orrustuflu-
gvélasveit sem kennd var við Al-
exandr Nevskí, og skriðdreka-
sveit sem kennd var við Dmítrí
Donskoj.
Samt ber því ekki að gleyma að
Rétttrúnaðarkirkjan barðist á
sínum tíma gegn hugsanafrelsi á
Rússlandi og tók þátt í að kúga
miljónir þegna Rússneska keis-
aradæmisins sem fylgdu öðrum
kirkjudeildum eða voru ekki
rússar. Kirkjan var ekki aðeins
trúr þjónn ríkjandi stétta og keis-
arans. heldur varð hún og meiri-
háttar landeigandi og tók þátt í að
arðræna alþýðu manna. Þetta
segir sagan okkur, og það á ekki
að laga hana að þörfum hvorki
guðleysis né trúar.“
ÁB tók saman.
14 SÍÐA - ÞJÓÐVILJINN' Þriöjudagur 23. lebrúar 1988