Þjóðviljinn - 07.05.1988, Qupperneq 8
Örn Þorsteinsson: Þetta er alveg óþrjótandi leit að einhverju sem maður veit ekki hvað er.
Myndlist
Að fást við formin
Örn Þorsteinsson: írauninni tek ég að mér að dragafram í dagsljósið myndir faldar í ákveðnu efni
í gær opnaði Örn Þorsteinsson
myndlistarmaður skúlptúrsýn-
ingu í Gallerí Grjót, Skólavörðu-
stíg 4a. Örn er einn af stofnendum
gallerísins, fæddur í Reykjavík
1948. Hann stundaði nám við
Myndlista- og handíðaskólann á
árunum 1966-71, og við Listahá-
skólann í Stokkhólmi 1971-72.
Verk eftir hann eru í eigu helstu
listasafna landsins, og eins hefur
hann myndskreytt nokkrar opin-
berar byggingar, nú síðast stóran
vegg í Grensáslaug Borgarspítal-
ans. 1982 hófst samstarf Arnar og
Thors Vilhjálmssonar, og hafa
þeir unnið saman að nokkrum
verkum, til dæmis bókinni Ljóð
Mynd, og verkinu Spor í Spori,
sem er 18 síður Ijóða og 18
mynda, (sýnt í Norræna húsinu
1986).
Heima hjá Erni nokkrum
dögum fyrir sýningu er alit undir-
lagt af skúlptúrum. Ekki bara í
vinnustofunni, heldur hafa þeir
ruðst fram á ganginn, sumir til-
búnir fyrir flutninginn í galleríið,
aðrir svona þar um bil. Það eru
skúlptúrar í öllum stærðum og
gerðum, úr áli og járni, grágrýti
og einhverju dularfullu efni sem
lítur út einsog sjaldgæf steinteg-
und en reynist vera hulið frauð-
plast. - Þau verk sem ég hef
mótað í plast og ætia að sýna í
Gallerí Grjót, lít ég á sem frum-
myndir sem eru tilbúnar í málms-
teypu, - segir Örn.
- Ég hef fengist við ýmis form,
og unnið í mörg mismunandi
efni. Til dæmis grágrýti, með því
er hægt að fá fram ýmsa tóna og
blæbrigði, það er mjög misjafnt
þó það heiti allt saman grágrýti.
En þetta á reyndar við um flest
efni, til að mynda álið, sem ég hef
mikið dálæti á.
Er það eitthvað sérstakt sem þú
leitar eftir í þessum mismunandi
efnum?
- Ég finn hjá mér sterka þörf
og löngun að kynnast og ná sam-
bandi við hin ýmsu efni. í raun-
inni tek ég að mér að draga fram í
dagsljósið myndir sem eru faldar
í ákveðnu efni. Ég er alltaf að fást
við formin. Leika mér að þeim,
reyna eitthvað nýtt, leita að nýj-
um leiðum. Það hafa verið ýmis
tímabil, í kringum 1980 hófst til
dæmis ákveðið skeið, þá teiknaði
ég óskaplegan fjölda af mjög litl-
um myndum, sem ég kalla þús-
und mynda safn, þó þær séu
orðnar miklu fleiri en þúsund. Þá
afmarkaði ég stærðina fyrirfram
og teiknaði svo myndina innan
þess ramma. Þetta er eins konar
myndietur og hugmyndabanki.
Eins hef ég líka eytt löngum tíma
í að móta í vax, sat í eldhúsinu dag
eftir dag og mótaði pínulitla hluti
í kertavax. Svo komst ég í sam-
band við gullsmiði hér í bænum
og steypti þessa hiuti í silfur, og
kynntist þá þessum sérkennilega
heimi sem er guli og silfurheimur
í borginni.
- Eftir þessa þröngu skilmála
sem ég setti mér með litlu hlut-
ina, að þeir mættu ekki vera
stærri en var fyrirfram ákveðið,
fékk ég svo sterka löngun til að
vinna með stóra hluti. Ekki þann-
ig að ég vilji stækka þessa litlu
hluti sem ég hef verið að gera, en
ég er með mýgrút af hugmyndum
sem ég vildi geta framkvæmt. Ég
vildi reyna eitthvað annað. Fást
við stærri form. Og stærri en það
sem ég hef verið að gera undan-
farið, þó það geti orðið erfitt að
koma því við, því stærðinni fylgir
aukinn kostnaður.
Mér var sagt að þú œttir fertugs-
afmœli einmitt um þetta leyti. Er
þetta afmœlissýning á einhvern
hátt? Ertu ekki búinn að ná
ákveðnum þroska sem fertugur
listamaður og kannski kominn að
einhverjum tímamótum?
8 SÍÐA - ÞJÓÐVILJINN Laugardagur 7. maí 1988
- Ég er að vísu nýbúinn að eiga
afmæli, en það er eiginlega tilvilj-
un að sýningin er á þessum tíma.
Þetta er engin afmælissýning. En
fertugt er góður aldur, og mér
finnst ég auðvitað vera á besta
aldri núna. Aldurinn skiptir máli
fyrir þroska manns, og fyrir þessa
leit sem listsköpun er, en það
hlýtur þá fyrst og fremst að vera
sá tími sem maður hefur haft til
að sinna henni. Því þetta er alveg
óþrjótandi ieit að einhverju sem
maður veit ekki hvað er, og ég
hef aldrei verið spenntari í þeirri
leit en einmitt núna.
Er eitthvað sérstakt þema ráð-
andi í því sem þú œtlar að sýna
núna?
- Nei. Þessi sýning á að gefa
einhverja mynd af þvi sem ég hef
verið að vinna að undanfarin 3 ár.
Ég hef fundið þessar myndir með
því að vinna mig inn í ákveðinn
massa eða efni, og veit ekki enn-
þá hvernig ég kem til með að raða
hlutunum niður. Ég er búinn að
taka til þau verk sem koma til
greina á sýninguna, en ég geri
mér grein fyrir því að það verður
erfitt að koma henni saman í
þessu þrönga en fallega húsnæði.
Ég verð að sjá hvað passar og
hvað ekki, og það verður bara að
ráðast hvernig það fer þegar ég er
kominn með verkin á staðinn.
Það er í rauninni verk út af fyrir
sig að koma þessum ólfku hlutum
saman í sýningu.
Eitthvað sem þérfinnst við hafa
gleymt að minnast á?
- Það væri þá ekki nema
ábyrgðarleysi, sinnuleysi og
heimsku opinberra aðila. Það er
eins og stjórnvöld geri sér ekki
grein fyrir því hvar á að ná fram
styrk og þrótti fyrir þessa þjóð.
Það ríkir hér stríðsástand þar sem
íslensk menning á í vök að verjast
gegn erlendum áhrifum, það er í
rauninni verið að grafa undan
allri þjóðinni. Má líkja þessu við
að það standi stríðsmenn með al-
væpni inni í stofu hjá allri þjóð-
inni. Það er eins og stjórnvöld
hafi ekki skilning á því að einmitt
með því að styðja við íslenska
tungu og listir væri hægt að snúa
vörn í sókn.
- En það er ekki nema á hátíð-
is og tyllidögum að það þykir
sjálfsagt að leita til Iistamanna.
Óg þá eiga þeir að standa eins og
hverjar aðrar strengbrúður, til
taks fyrir embættismenn, annað
hvort hér heima eða erlendis. -
Það væri ekki til betri fjárfesting
fyrir þjóðina en að tífalda fram-
lög til lista. Slík fjárveiting væri
fljót að skila sér og yrði ein alls-
herjar vítamínsprauta fyrir allt
þjóðfélagið. Við erum þannig
staðsett, svona útá miðjum sjó,
að mér finnst vera augljóst að það
væru sérstaklega góðar aðstæður
hér til að stunda listir ef aðbúnað-
ur til þess væri ekki alveg afleitur.
Ég held að hann hafi aldrei verið
verri í sögu landsins.
- Það virðist vera stefnt að því
leynt og ljóst að listsköpun verði
tómstundagaman og fari fram í
frístundum. Og það þó allir viti
að til að ná árangri verður fólk að
hafa allan sinn tíma til að sinna
sinni listsköpun. - En svo má líka
minnast á það sem vel er gert. Ég
fagna þessu nýja fallega safni sem
er búið að opna þarna við Tjörn-
ina. Listasafni íslands.
Sýning Arnar í Gallerí Grjót
stendur til 19. maí. Galleríið er
opið alla virka daga kl. 12:00-
18:00, og kl. 14:00-18:00 um
helgar. LG
Móðir okkar
Sigríður Gísladóttir
Esjubergi
Kjalarnesi
verður jarðsungin frá Dómkirkjunni þriðjudaginn 10. maí kl.
15. Jarðsett verður í Mosfellskirkjugarði.
Árni Snorrason
Oddný Snorradóttir
Gísli Snorrason
Eiginmaður minn, faðir okkar, tengdafaðir og afi
Karl Gunnarsson
fyrrv. bóndi, Hofteigi, Jökuldal
Eyjabakka 30, Reykjavík
verður jarðsunginn frá Fossvogskirkju þriðjudaginn 10. maí
kl. 10.30.
Guðrún Stefánsdóttir Gunnar Karlsson
Björg Karlsdóttir Guðlaug Bergþóra Karlsdóttir
Ragnheiður Karlsdóttir tengdabörn og barnabörn
Stefán Karlsson