Þjóðviljinn - 07.05.1988, Blaðsíða 19
ÍÞRQTTIR
Handbolti
Armbeygjur og
öskur ekki
spömð á æfingum
Slavko Bambir hefur breytt miklu í átaki til að lyfta
kvennahandboltanum úr lœgð.
íslenska kvenfólkið og HSÍ
hafa nú tekið sér tak í sambandi
við þjálfun og keppni í handbolt-
anum. Júgóslavinn Dr. Slavko
Bambir hefur verið ráðinn til
þjálfunar á landsliðinu ásamt því
að vera til ráðleggingar hjá liðun-
um. Stefnt er á C-
heimsmeistarkeppnina sem verð-
ur í byrjun nóvember.
Landsliðið æfir nú 6 daga vik-
unnar og eru tvo tíma í senn
ásamt morgunæfingum sem eru
tvisvar í viku. Það er ekki bara
spilaður handbolti því stúlkurnar
eru í þrekæfingum og stunda lyft-
ingar. Þetta er mikil breyting frá
Slavko Bambir hefur heldur betur
landsliðinu.
því sem áður var, enda eru fram-
farirnar greinilegar eins og blaða-
menn sáu þegar litið var inn á
æfingu fyrir skömmu. Þar stjórn-
aði Slavko með harði hendi og
aginn var mikill enda er óhætt að
taka undir með stelpunum að
þetta sé enginn saumaklúbbur.
Mikil samkeppni er í liðinu og
leikmenn verða að leggja mikið á
sig enda hafa stelpurnar aldrei
æft eins mikið og nú. Mikil bar-
átta er um hvert sæti enda 25 sem
æfa á fullu en aðeins 16 sem kom-
ast út með liðinu.
Þær æfa nú af fullum krafti og
næsta verkefni er „turnering“ í
Portúgal dagana 14.-19. júní. Þar
mæta til leiks Portúgal, Spánn,
Frakkland, Ítalía og Sviss auk ís-
lendinga en þessar þjóðir taka
allar þátt í C-keppninni. Að því
Ioknu taka við sumarfrí en leik-
menn verða þó að stunda lyfting-
ar í fríinu. Æfingar hefjast aftur
og 6. september koma Frakkar í
æfingaleiki til fslands og 14. mæta
Spánverjar. Það verður mikil-
vægt fyrir landsliðið að fá þessa
leiki því síðasti æfingarleikur var
gegn Bandaríkjunum 1986.
C-keppnin
26. október hefst síðan C-
keppnin í Frakklandi og stendur
til 1. nóvember. Það verða 10
þjóðir sem mæta til leiks: Frakk-
land og Holland sem verða að
teljast bestu þjóðirnar, Spánn,
Svíþjóð, ísland, ftalía, Sviss og
Portúgal. Bretar, Belgar og
Tyrkir berjast síðan um eitt sæti
og Grikkir og ísrealar um eitt.
íslendingar lentu í 5. sæti í síðustu
keppni en Slavko telur raunhæft
að stefna á 3.-4. sæti nú. Fyrir
tveimur árum léku íslendingar
gegn Spánverjum og unnu einn
leik en töpuðu öðrum og gegn
ítölum og Portúgölum og unnu
báða.
Peningar
Eins og kunnugt er hefur
kvennalandsliðið verið í nokkurs
konar fjármagnssvelti enda mjög
dýrt að reka landslið. Oft hefur
lagt hart að stelpunum í kvenna-
það borið við þegar spara þarf í
HSÍ er fyrst tekið af kvenfólkinu.
Hér er ekki verið að setja út á
fjárausturinn í karlalandsliðið því
árangurinn þar hefur skilað sér
með einsdæmum vel. Landsliðs-
nefnd og leikmenn hafa lagt á sig
mikla vinnu og flestir leikmenn
hafa tekið þessar ferðir í sumar-
fríum. Ekki er borgað vinnutap
hjá kvenfólkinu eins og hjá karl-
alandsliðinu en þó fá leikmenn
dagpeninga erlendis. Nú er stefn-
an að landsliðskonurnar Iosni við
alla vinnu við fjáraflanir enda er
nóg að gera við æfingar og vinnu.
Unglingalandsliðið
Til æfinga með unglingalands-
liðinu hafa verið valdar 45 stúlkur
af Stór-Reykjavíkur svæðinu
ásamt Vestmannaeyjum.
Leitinni að kandídötum hefur
verið þannig hagað að Dr. Slavko
eða aðstoðarmaður hafa farið út
á land, fylgst með æfingum og
keppnum. Enn á eftir að fara á
Akureyri og fleiri staði þar sem
ekki hefur unnist tími til þess.
Hjá unglingalandsliðinu er
heldur enginn saumaklúbbur.
Þær æfa 3-4 sinnum í viku og áætl-
að er að hópurinn fari fjórum
sinnum í æfingabúðir út fyrir
höfuðborgina fram að Norður-
landamóti. Dr. Slavko hefur
einnig séð um þjálfun unglinga-
landsliðsins en aðstoðarþjálfari
er Kristján Halldórsson.
Næstu verkefni eru æfinga- og
keppniferð til Ítalíu á tvö alþjóð-
leg unglingamót 4.-17. júlí og
Norðlandamót 19 ára stúlkna í
Finnlandi 25.-27. nóvember.
16 ára úrval
Líka þarf að hyggja að grunn-
inum og hefur þegar verið vald-
inn hópur til æfinga. Æfingarnar
verða í formi æfingabúða þar sem
farið verður í 5-6 sinnum á tíma-
bilinu og handboltinn kenndur
frá grunni. 16 ára úrvalið hefur
verið mikið afskipt þar sem þær
hafa æft en engin verkefni verið á
dagskrá. Nú er gerð bragarbót á
því og í haust verður keppt í Atl-
antic Cup þar sem taka þátt Bret-
ar, Færeyingar, írar og íslending-
ar. Einnig er fyrirhuguð þátttaka
í Benelux-Is en það verður um
páska á næsta ári.
Dr. Slavko Bambir
Doktorinn kemur frá Júgósla-
víu og vinnur dags daglega á tii-
raunastöðinni á Keldum. Hann
þjálfar öll kvennalandsliðin auk
þess sem íþróttafélögin hafa
fengið hann að láni. Hann var
áður með Zagreb sem er eitt af
toppliðum þar í landi og varð lið-
ið oft meistari undir handleiðslu
hans. Árið 1972 fór hann til
Austurríkis og var þar í 6 ár við
þjálfun. Að því loknu var stefnan
aftur tekin til heimalandsins til
þjálfunar en 1982 tók hann við
unglingalandsliði kvenna sem
hann náði góðum árangri með.
Það var á síðasta ári að hann frétti
af íslandi og áhuganum hér á
landi svo að hann sló til.
„Stelpurnar leggja mikið á sig
og það er góður andi í liðinu. Það
verður reynt að vinna í C-
keppninni og liðið verður tilbúið í
Frakklandi en það gæti þó orðið
erfitt að spá í úrslitin því margt
spilar inní til dæmis heimaleikir
og heppni. Óhætt er að segja að
það séu mikil efni hér á landi en
félögin hafa ekki sinnt þeim sem
skyldi. Sum félög leggja lítið á sig
og margir þjálfarana hafa alltof
lítinn áhuga á starfinu. Það má
benda á að uppistaðan í ungling-
alandsliðinu kemur úr 3 félögum,
Gróttu, Víking og Stjörnunni en
Valur er til dæmis með lítinn
hluta,“ sagði Slavko.
HSÍ virðist ætla að ríða á vaðið
nú og er gott innlegg koma
Slavko til landsins. Hann er harð-
ur á æfingum, armbeygjur eru
notaðar við minnstu mistök og
salurinn glymur oft á tíðum við
öskrinn í honum. Ef einhver
mætir 2 mínútum of seint er alveg
eins gott að vera bara heima.
Þetta virðist skila sér vel því það
er tekið á fullu á æfingunum.
Margar af stúlkunum verið gert
að velja á milli íþrótta. Hafa þær
hætt mikið í fótboltanum og
Kristín Pétursdóttir varð að gefa
eftir landsliðssæti sitt í golfi til að
geta verið í landsliðinu. Utan
æfinga er þó greinilegt að sá góði
andi sem er í liðinu er honum
mikið að þakka. Hann er hinn
hressasti og er mikill vinur
stúlknanna.
-ste
Laugardagur 7. maí 1988 ÞJÓÐVILJINN - SÍÐA 19
Fótbolti
Erkifjendur
í úrslitum
Fram og KR leika í úrslitum
Reykjavíkurmótsins á sunnudag. Valur
og Víkingur í dag
Reykjavíkurmótinu í knatt-
spyrnu lýkur nú um helgina. Til
úrslita leika gömlu erkifjendurnir
Fram og KR, en liðin eru engan
vegin óvön því að vera í úrslitum
mótsins. Félögin hafa oftar en
önnur lið orðið Reykjavíkur-
meistarar og hafa Framarar 20
sinnum orðið mcistarar en KR-
ingar 26 sinnum.
Fram og KR léku í sama riðli í
mótinu og þá vann Fram innbyrð-
is viðureign liðanna með tveimur
mörkum gegn engu. Aðrir leikir
þeirra fóru þannig að Fram vann
Ármann 2-0 og IR 2-1, en KR
sigraði Ármann 2-0 og ÍR 3-0. í
undanúrslitum kepptu liðin við
efstu liðin í hinum riðlinum, sem
voru Valur og Víkingur. Framar-
ar sigruðu Víkinga 5-3 eftir fram-
lengingu og vítaspyrnukeppni, en
KR-ingar unnu Val 1-0.
Bæði liðin eru líkleg til stóraf-
reka í sumar. Framarar hafa ver-
ið í fremstu röö undanfarin ár og
unnið marga frækna titla. Ásgeir
Elíasson þjálfar liðið sem fyrr, en
hann hefur náð mjög góðum ár-
angri með liðið eins og rnenn
muna. KR-ingar hafa verið í
stöðugri uppsveiflu síðustu miss-
eri. Ian Ross, fyrrum þjálfari
Vals, hefur nú tekið við liðinu en
um árangur Valsliðsins undir
hans stjórn þarf ekki að fjölyrða.
Það má því búast við skemmti-
legum leik á Gervigrasvellinum
annað kvöld, en leikurinn hefst
klukkan 20.30.
Leikurinn um þriðja sætið
verður háður í dag kl. 15. og
verða það hin 1. deildarliðin úr
höfuðborginni, Valur og Víking-
ur, sem eigast við. Valsmenn eru
núverandi Reykjavíkurnieistarar
en þurfa að sjá á eftir titlinum í ár.
-þóm
Á næstunni
Frjálsíþróttadeild ÍR gengst
fyrir 6 vikna leikja og kynning-
arnámskeið fyrir börn á aldrinum
7-12 ára 19. maí til 30. júní.
Námskeiðið fer fram í Laugar-
dal á mánudögum, þriðjudögum
og fimmtudögum og er kennt frá
kl. 14.00 til 16.00 alla dagana.
Þátttökugjald er 2500 krónur sem
greiðist við innritun. Leiðbein-
andi er Ingibjörg Sigurþórsdóttir
og gefur hún frekari upplýsingar í
síma 671890 eftir kl.20.00 á
kvöldin.
ALÞÝÐUBANDALAGIÐ
Alþýðubandalagið Hafnarfirði Bæjarmálaráðsfundur Bæjarmálaráð ABH boðar til fundar i Skálanum, Strandgötu 41, laugar- daginn 7. mai kl. 10.00. Dagskrá: 1) Niðurstaða stefnuráðsfundarins: Formaður reifar málin. 2) Skipulag stefnuumræðu og starfið í sumar. Mætum öll i sumarskapi Alþýðubandalagid Kópavogi Morgunkaffi ABK Heimir Pálsson bæjarfulltrúi og Steinþór Jóhannsson fulltrúi í byggingar- nefnd verða með heitt á könnunni í Þinghóli, Hamraborg 11, laugardaginn 7. maí kl. 10-12. Allir velkomnir. - Stjórnln. Sumardvöl á Laugarvatni Hinar sívinsælu sumarbúðir Alþýðubandalagsins á Laugar- vatni verður í sumar vikuna 18. - 24. júlí. Umsjón verða í höndum Margrétar Frímannsdóttur og Sigríðar Karlsdóttur. Allar nánari upplýsingar í síma 17500. Alþýðubandalagið Alþýðubandalagið Reykjavík Aðalfundur 4. deildar Aðalfundur 4. deildar ABR verður haldinn að Hverfisgötu 105, mánudaginn 9. maí kl. 20.00. Venjuleg aðalfundarstörf. Stjórnin
Alþýðubandalagið Akranesi Félagsfundur Fundur mánudaginn 9. maí kl. 20.30 í Rein. Dagskrá: 1) Fyrirhugaður fundur og kvöldskemmtan í Borgarnesi 13. og 14. maí. 2) Bæjarmálin. - Stjórnln.
Vestfirðir ísland á tímamótum Ólafur Ragnar Grímsson formaður Alþýöubandalagsins verður með opna stjórnmálafundi á: Flateyri, þriðjudaginn 10. maí í kaffistofu Hjálms kl. 20.30. Suðureyri, miðvikudaginn 11. maí í Samkomuhúsinu kl. 20.30. Alþýðubandalagið.
Alþýðubandalagið Norðurlandi eystra Fundur kjördæmisráðs Stjórn Kjördæmisráðs Ab. boðar til fundar í Lárusarhúsi sunnudaginn 15. maí kl. 13-18. Á dagskrá fundarins verða m.a.: 1. a) Útgáfumál, b) Starfið framundan, c) Önnur mál. 2. Byggðamál. Allir félagsmenn velkomnir. Formenn og stjórnir Alþýðubandalagsfélag- anna, sveitarstjórnarfulltrúar og annað áhugafólk um byggðamál, er sér- staklega hvatt til að mæta. Stjórn kjördæmisráðs.
i