Þjóðviljinn - 13.04.1989, Blaðsíða 2

FRÉTTIR
Alþingi
„Þingmenn engar tuskubmðui"
68 mál á elleftu stundu. Pingforsetar, formenn þingflokka ogforsœtis-
ráðherra stungu saman nefjum um forgangsmál og afgangs í gœr
Þingmenn búa sig undir ys og
þys þar eð mikííl fjöldi mála
bíður afgreiðsiu alþingis en að-
eins þrjár vikur eru til þingslita
samkvæmt starfsáætlun. I gær
þinguðu oddvitar þings, þing-
flokka og framkvæmdavalds um
áhersluröð afgreiðslu mála,
hverjum þyrfti nauðsynlega að
ljúka á lokasprettinum og hver
mættu að ósekju mæta afgangi.
Sem kunnugt er voru síðustu
forvöð að leggja fram þingmál á
mánudag og var sem þingmenn
vöknuðu allir sem einn af værum
blundi, lögðu fram 68 mál, þar af
25 lagafrumvörp, eða rúmlega
eitt á mann. Nokkrar „þing-
skapaumræður“ urðu um málatil-
búnað þennan utan dagskrár í
Tóbaksvamir
Reyklaus
dagur
Kveikt var í2000 sígarett-
um á Lœkjartorgi
Það hefur vart farið framhjá
neinum að í gær var „reyklaus
dagur“ á vegum Tóbaksvarnar-
vefndar. Heilbrigðisráðuneytið
helgaði daginn einnig öllu al-
mennu heilbrigði og var ma. frítt í
sund ária morguns.
Langtímamarkmið Tóbaks-
varnanefndar er reyklaust ísland
árið 2000 og voru af þvf tilefni
brenndir 2000 vindlingar á Lækj-
artorgi við mikinn mannfjölda.
Ásgeir Helgason á vegum nefnd-
arinnar kveikti í vindlingunum en
til að koma í veg fyrir óbeinar
reykingar áhorfenda voru
reykkafarar Slökkvuliðsins til
taks og slökktu bálið.
Margt var til skemmtunnar á
dagskránni á Lækjartorgi. Eftir
ávarp Guðmundar Bjarnasonar,
heilbrigðisráðherra, söng Valgeir
Guðjónsson nokkur vel valin lög.
Söngflokkurinn Skíðabrot, sem
samanstendur af skíðakennurum
í Kerlingarfjöllum, tróð upp með
fjöldasöng og að því loknu
glímdu þrjú ungmenni við þjóð-
aríþrótt landans, íslenska glímu.
Erna Héðinsdóttir, sem meinuð
var þátttaka vegna kynferðis í
keppni fyrir skömmu, glímdi við
Torfa Pálsson og Lárus Kjartans-
son í sama aldursflokki. Kynnir á
dagskránni var Ómar Ragnars-
son.
-þóm
efri deild alþingis í gær. Þar höfðu
sig helst í frammi Halldór Blöndal
og Karvel Pálmason. Báða virtist
óa við þeirri hörkuvinnu sem
framundan er og gagnrýndu
seinagang ráðherra við að leggja
fram stjórnarfrumvörp. „Þing-
menn eru ekki neinar tuskub-
rúður,“ mælti sá síðarnefndi.
Guðrún Helgadóttir, forseti
sameinaðs þings, tók annan pól í
hæðina í samtali við Þjóðviljann í
gær. Vissulega virtist þessi mála-
fjöldi harla óvenjulegur við
fyrstu sýn en hafa yrði hugfast að
nú væri alþingismönnum í fyrsta
skipti settur frestur til að skila
málum.
„Hér á árum áður fengum við
kannski 10-20 mál tveim, þrem
dögum fyrir þinglok. Að þessu
leyti stöndum við betur nú, höf-
um 2-3 vikur til þess að afgreiða
málin.“
Guðrún kvað starfsáætlun
þingsins hafa staðist í megin-
atriðum, vissulega hefðu ýmsar
uppákomur sett strik í reikning-
inn, en ekki svo að sköpum
skipti. Enn væri stefnt að þingslit-
um 6. maí þótt verið gæti að lög-
gjafinn sæti viku lengur við iðju
sína. ks
Slippstöðin hf
Næg verkefni til skamms tíma
Sigurður Ringsted: Aðalvandi skipasmíðaiðnaðarins er að hann hefur engaframtíðarsýn.
Útistandandi skuldirfyrirtækisins hafa tvöfaldast á milli ára
Við höfum næg verkefni til
skamms tíma en vitum ekki
hvað þá tekur við. Aðalvandi
skipasmíðaiðnaðarins er að hann
hefur enga framtíðarsýn vegna
stefnuleysis stjórnvalda í þessum
málum. Þá er því heldur ekki að
leyna að mun þyngra er undir
fæti í rekstrinum í dag og úti-
standandi skuldir okkar hafa tvö-
faldast á milli ára, sagði Sigurður
Ringsted forstjóri Slippstöðvar-
innar hf. á Akureyri.
í vetur hefði trúlega orðið að
segja upp starfsfólki vegna verk-
efnaskorts en sem betur fer kom
ekki til þess þar sem fyrirtækið
hefur haft í smíðum uppá á eigin
reikning 36 metra togskip sem
jafnframt er hannað hjá stöðinni.
Smíði þess er nú langt komin og
ef kaupandi fæst er hægt að ljúka
smíðinni á 3 mánuðum. Skipið er
um 250 rúmlestir og svipar til
hinna landsfrægu raðsmíðaskipa
og að sögn Sigurðar er kaupverð-
ið sambærilegt við það sem út-
gerðarmenn hafa verið að greiða
fýrir nýsmíðar á Norðurlöndun-
um.
Meðal þeirra verkefna sem
Slippstöðin vinnur að í dag má
nefna smíði á fiskvinrislubúnaði,
fyrir nýsmíði Norðurtangans á
ísafirði sem er í smíðum í Sví-
þjóð. Einnig er unnið að hönnun
á fiskvinnslubúnaði fyrir Aðalvík
KE 95 auk þess sem fyrirliggjandi
eru ýmis verkefni í breytingum
skipa ss. endurnýjun yfirbygg-
inga, lengingu, viðhaldi ásamt
öðrum minni viðgerðarverkum.
Halldór í Bonn
Sjávarútvegsráðherra, Halldór
Ásgrímsson hélt í gærmorgun til
V-Þýskalands í opinbera heim-
sókn. Hann mun eiga viðræður
við starfsbróður sinn, dr. Wolf-
ang von Geldern. Víst er að fjall-
að verður um hvalveiðar og að-
gerðir Greenpeace gegn þeim
veiðum, en Halldór hefúr í
hyggju að hitta forsvarsmenn
Greenpeace að máli. í för með
ráðherra eru þeir Hermann
Sveinbjörnsson aðstoðarmaður
hans, Guðmundur Eiríksson,
þjóðréttarfræðingur, Jón Sæ-
mundur Sigurjónsson, alþm. og
Guðni Bragason, sendiráðsritari.
Ljóðasamkeppni
Akureyrar
Menningarmálanefnd Akur-
eyrarbæjar hefur ákveðið að
gangast fyrir ljóðasamkeppni nú
á vordögum. Þátttaka er öllum
heimil, hvar sem þeir búa á
landinu. Yrkisefnið er einnig
frjálst en þó æskilegt að það teng-
ist Akureyri eða nærsveitum á
einhvern hátt. Ljóðið má ekki
hafa birst áður opinberlega.
Verðlaunafé verður 150 þús.
krónur og skal skila ljóðum til
trúnaðarmanns keppninnar, Ing-
ólfs Ármannssonar, menningar-
fulltrúa Akureyrarbæjar, Strand-
götu 19 B, Akureyri. Skilafrestur
er til 30. júní n.k.
Jón Asgeirsson
á Bylgju/Stjörnu
Jón Ásgeirsson fyrrum íþrótta-
fréttamaður útvarpsins og fram-
kvæmdastjóri Rauða krossins til
margra ára, hefur verið ráðinn
fréttastjóri sameinaðra útvarps-
stöðva Bylgjunnar og Stjörnunn-
ar. Jón hefur þegar tekið til
starfa.
Birgir
varaforseti CENYC
Birgir Árnason aðstoðarmað-
ur viðskiptaráðherra og formað-
ur FUJ, var kjörinn einn af fjór-
um varaforsetum CENYC, sam-
taka evrópskra æskulýðssam-
taka, á sautjánda þingi samtak-
anna í Barcelona á Spáni, sem
haldið var um síðustu helgi. Þetta
er í fyrsta sinn sem íslendingur er
kjörinn í stjórn CENYC.
Sjálfboðaliðar
í náttúruvernd
Sjálfboðaliðasamtök um nátt-
úruvernd hafa skipulagt sex vinn-
uferðir í sumar. Fyrsta ferðin
verður farin í Kerið í Grímsnesi
3.-4. júní. Þá verður farið í Þórs-
mörk, þjóðgarðinn í Jökulsár-
gljúfrum, Landmannalaugar,
Hrafntinnusker og í Alviðru.
Nánari upplýsingar er hægt að fá
hjá samtökunum í pósthófi 8468
128 í Reykjavík.
Skógrækt
á eyðijörðum
Þingmenn úr öllum flokknum
nema Kvennalista hafa lagt til að
landbúnaðarráðherra verið falið
að kanna hvaða ríkisjarðir, sem
eru í eyði, sé hægt að afhenda
Skógrækt ríkisins til að efla og
styrkja skógrækt í landinu. Skal
Alþingi tilkynnt um niðurstöðu
könnunarinnar fyrir 1. nóvember
n.k. Ríkissjóður á nú fleiri
hundruð eyðijarðir um land allt.
Forkönnun
á varavelli
Nokkrir þingmenn Sjálfstæðis-
flokks og Borgaraflokks hafa lagt
fram tillögu á Alþingi um að rík-
isstjórnin heimili Mannvirkja-
sjóði NATO að gera forkönnun á
mögulegri staðsetningu og gerð
alþjóðlegs varaflugvallar hér-
lendis. Tillögumenn vilja að
vegna andstöðu við slíka könnun
innan ríkisstjórnar fái vilji Al-
þingis að koma fram og utanríkis-
ráðherra fái umboð til að heimila
forkönnunina.
Þungur bíll veldur
þunglyncli ökumanns.
Vejlum og höfnum hvað
^ nauðqmlega þarf að vera með
í ferðalaginu!
Að sögn Sigurðar unnu liðlega
200 mans hjá fyrirtækinu í vetur
og í sunlar er búist við að starfs-
mannafjöldinn verði um 230 -
240. Þegar er farið að ráða skóla-
fólk í sumarvinnu og verður sá
fjöldi svipaður og verið hefur
undanfarin sumur. _grh
Sjávarútvegsráðuneytið
Óbreytt
aflahámöik
Aflahámörk og veiðiheimildir
einstakra skipa standa
óbreytt frá því sem áður var
ákveðið þrátt fyrir að sjómenn
hafi gert sér vonir um hið gagn-
stæða í ljósi þeirra góðu afla-
bragða sem verið hafa í ár í svo til
öll veiðarfæri.
Af hálfu Hafrannsóknastofn-
unar er ekki talin ástæða til
breytinga á fyrri ráðgjöf um
aflahámörk einstakra
botnfisktegunda á yfirstandandi
ári. Af þeim sökum telur sjávar-
útvegsráðuneytið ekki vera for-
sendur til að breyta fyrri ákvörð-
unum um hámarksafla. Sam-
kvæmt lögum um stjórn fiskveiða
er sjávarútvegsráðherra heimilt
að hækka eða lækka það afla-
magn sem ákveðið hefur verið
innan ársins sé sú ákvörðun tekin
fyrir 15. aprfl.
í ritstjórnargrein síðasta tölu-
blaðs sjómannablaðsins Víkings
telur Guðjón A. Kristjánsson
forseti Farmanna- og fiskimann-
asambands íslands að fiskigengd
sé nú meiri og jafnframt sé mun
meira af stórum þorski á miðun-
um en menn höfðu búist við. Því
ætti að vera hægt að auka við
þorskkvótann um 10% „útfrá
raunverulegum upplýsingum um
hvað sé að gerast á miðunum við
landið“.
-grh
2 SÍÐA - ÞJÓÐVILJINN