Þjóðviljinn - 17.08.1989, Blaðsíða 3

Úrskurður jafnréttisráðs
Undrandi á
niðurstöðunni
Svavar Gestsson menntamálaráðherra: Ekki
tekið tillit til þeirra óvenjulegu og erfiðu aðstœðna
sem uppi voru
— Ég er mjög undrandi á niður- viðurkenna með sjálfum sér,
stöðu jafnréttisráðs. það er ekki
tekið tillit til þeirra óvenjulcgu og
erfiðu aðstæðna sem uppi voru i
þessu máli, sagði Svavar Gestsson
menntamálaráðherra aðspurður
um úrskurð ráðsins vegna skip-
unar skólastjóra við Óldusels-
skóla.
í úrskurði jafnréttisráðs kemur
fram að skipun Reynis Daníels
Gunnarssonar i skólastjórastöðu
þrátt fyrir að meirihluti skóla-
nefndar og fræðsluráðs hafi mælt
með Valgerði Selmu Óskarsdótt-
ur í starfið.
- Ég vil spyrja jafnréttisráð að
því hvort það hefði verið rétt af
mér að hundsa vilja nær allra for-
eldra barna í skólanum og meiri-
hluta starfsmanna hans og hvort
ég hefði líka átt að líta fram hjá
reynslu fyrra árs? Við ákvarðanir
af þessu tagi verður að hafa
heidarsýn og það er ég viss um að
allir meðlimir jafnréttisráðs
sagði Svavar. Hann benti á að frá
áramótum hefði hann sett eða
skipað 27 konur í skólastjóra og
yfirkennarastöður og þannig
hefði stefna ráðuneytisins í
jafnréttismálum birst á skýran
hátt.
í niðurstöðu jafnréttisráðs
kemur fram að ráðið fallist ekki á
þá röksemd menntamálaráðu-
neytisins að aðstæður í Öldusels-
skóla teljist sérstakir hæfileikar
eins umsækjandans, eins og það
er orðað í bréfi ráðsins. Hér er
vísað í bréf frá menntamálaráð-
herra þar sem skýrt er frá ástæð-
um sem lágu að baki skipun
Reynis Daníels. Þar er tekið fram
að þeir sem best þekkja til skóla-
starfs Ölduselsskóla hafi skorað á
menntamálaráðherra að veita
Reyni Daníel starfið þar sem þeir
telja hann líklegastan til að koma
aftur á góðu ástandi í skólanum.
íþ
Breiðdalsvík
Atviimuástand gott
Frystihúsið tekið tilstarfa á ný eftir sumarleyfis-
lokanir. Bætt hafnaraðstaða brýnt verkefni
- Atvinnuástandið er ágætt um
þcssar mundir. I gær hófst vinna
á ný í frystihúsinu eftir tveggja
vikna lokun vegna sumarleyfa.
Það hefur þótt hagkvæmara að
loka alveg í ákveðin tíma á hverju
sumri undanfarin ár í stað þess að
reka húsið með fáum starfsmönn-
um í lengri tíma, sagði Lárus Sig-
urðsson, oddviti Breiðdals-
hrepps.
Tveir togarar eru gerðir út frá
Breiðdalsvík, Hafnarey og
Andey. Andey er nýr frystitogari
sem keyptur var frá Póllandi á
þessum ári. Hann kom til Breið-
dalsvíkur 10. apríl í vor.
- Það er orðið mjög brýnt að
hefja hafnarframkvæmdir á
staðnum, einkum eftir að nýi tog-
arinn kom. Það hefur staðið til í
fjögur ár að dýpka höfnina en
það hefur alltaf strandað á fjár-
veitingu frá ríkinu. Ég á þó von á
því að hægt verði að byrja á dýpk-
uninni á næsta ári og í framhaldi
af því er ætlunin að lengja bryggj-
una um 50 metra, sagði Lárus.
Von er á heimsókn fjárveitinga-
nefndar Alþingis í dag og binda
menn vonir við að sú heimsókn
auki skilning fjárveitingarvalds-
ins á nauðsyn framkvæmdanna.
í vor var steypt flotbryggja
fyrir smábátana í Breiðdalsvík en
trilluútgerð hefur aukist mikið
undanfarin ár og nú eru 11 trillur
gerðar þaðan út.
Framkvæmdir við nýja grunn-
skólabyggingu árið 1978 og er
hún núna rúmlega fokheld. Lárus
sagði að dýrar vatnsveitufram-
kvæmdir hefðu tafið verkið, en
vonir stæðu til að hægt væri að
taka nýja skólann í notkun eftir
rúmt ár. *Þ
Frœðsluráð
lllkvitni eða
klaufaskapur
Þorbjörn Broddason: Gerði réttum aðilumgreinfyrir
fjarveru minni. Vísaþvítilföðurhúsanna að ábyrgðin
sé mín að Valgerði barst ekki fundarboð
- Ég gerði réttum aðilum grein
fyrir því að ég yrði í burtu um
tíma og því tæki varamaður
minn, Valgerður Eiríksdóttir,
sæti í fræðsluráði í minn stað,
sagði Þorbjörn Broddason, full-
trúi Alþýðubandalagsins í
Fræðsluráði Reykjavíkur, en eins
og kunnugt er af fréttum láðist að
boða Valgerði á fund ráðsins á
mánudag, þegar ráðið fjallaði um
umsókn nýs einkaskóla, Mið-
skólans, um starfsleyfi.
Þorbjörn sagði það vera mis-
kilning af hálfu Ragnars Júlíus-
sonar, formanns fræðsluráðs, að
Þorbjörn bæri ábyrgð á því að
Valgerður hefði ekki fengið
fundarboðið.
- Ragnari átti að vera
fullkunnugt um það að ég yrði í
burtu. Áður en ég fór utan gerði
ég fræðslustjóra grein fyrir því að
Valgerður tæki sæti í ráðinu í
minn stað þar til ég kæmi heim.
Það var hinn eðlilegi framgangs-
máti, enda er fræðslustjóri fram-
kvæmdastjóri fræðsluráðs sam-
kvæmt 14. grein fræðslulaga,
sagði Þorbjörn. Þá nefndi Þor-
björn að hefði haft sama hátt á
varðandi félagsmálaráð og til-
kynnt félagsmálastjóra forföll um
tíma, sem hefði ekki komið að
sök.
Aðspurður um ástæður þess að
Valgerður fékk ekki fundarboð-
ið, sagði Þorbjöm þar annað-
hvort vera um að ræða illkvitni
meirihiuta fræðsluráðs eða hel-
beran klaufaskap. - Það hefði
vitanlega ekki breytt á neinn hátt
afgreiðslu ráðsins á umsókn
þessa nýja einkaskóla, sagði Þor-
björn - ekki á annan hátt en þann
að atkvæði hefðu fallið fjögur á
móti einu í stað samhljóða sam-
þykkis* -rk
Tíðindalítill
fundur á ísafirði
að er eiginlega cinhvers konpr
handvömm örlaganna að Is-
afjörður varð ekki höfuðborg
landsins frekar en Reykjavík. ís-
firðingar eru t.a.m. að eðlisfari
meiri heimsborgrar en reykvískir
nesjamenn. Það var því í rauninni
ekkert mál að hafa haustfund
utanríkis- og Jjróunarráðherra
Norðurlanda á Isafirði. ísfirðing-
ar gerðu það með slíkum bravör
og slíkri reisn að það var engu
líkara en alþjóðlegar ráðstefnur
væru daglegt brauð á ísafirði,
rétt eins og í Genf eða Strassborg.
Hinir erlendu gestir voru
trakteraðir með hákarl og brenn-
ivíni og að sjálfsögðu ekta
vestfirskum harðfisk. í kvöld-
verðarboði utanríkisráðherra á
Hótel ísafirði var borinn á borð
svartfugl sem matargestir kunnu
greinilega vel að meta. Á miðvik-
udagsmorgun fóru ráðherrarnir á
skak. Að vísu lét þorskurinn þá
ekki veiða sig, sennilega í mót-
mælaskyni við takmarkaðan
áhuga þeirra Stoltenbergs og
EUemann-Jensens á frumkvæði
Jóns Baldvins í afvopnunarmál-
um hafanna. Síðast en ekki síst
fengu menn konunglegar mót-
tökur í Vigur síðasta daginn.
Góð fundaraðstaða
á ísafirði
Fundaraðstaðan í hinu nýja
glæsilega stjórnsýsluhúsi var eins
og best varð á kosið og þjónustan
hjá Hótel ísafirði til fyrirmyndar.
Hinir erlendu gestir voru enda
mjög ánægðir með aðstöðuna og
það hvernig framkvæmd funda-
haldsins tókst til.
Helgi Ágústsson skrifstofu-
stjóri utanríkisráðuneytisins sem
bar hita og þunga af undirbúningi
fundarins lýsti yfir sérstakri
ánægju sinni með hve vel hefði
verið staðið að þessum fundi af
hálfu heimamanna. Taldi Helgi
að aðstæður á ísafirði hentuðu
sérlega vel fyrir fundarhald af
svipaðri stærð og utanríkisráð-
herrafundurinn var.
Þessi utanríkisráðherrafundur
verður hins vegar tæplega talinn
hafa markað nokkur tímamót,
enda munu fáir hafa búist við því.
Fjölmiðlar sýndu honum ekki
mikinn áhuga. Að loknu fundar-
haldi ráðherranna og embættis-
manna þeirra var gefin út sam-
eiginleg tilkynning upp á einar 10
vélritaðar síður og haldinn blaða-
mannafundur.
í þessari tilkynningu var fjallað
um ástand alþjóðamála, afvopn-
unarmál og umhverfismál. Þessi
tilkynning er svo almennt orðuð
að hún kemur eiginlega á óvart
því að Norðurlönd hafa að und-
anförnu skapað sér virðingu fyrir
ákveðna afstöðu í mörgum mál-
um á alþjóðavettvangi. I tilkynn-
ingunni er hins vegar erfitt að
grípa á nokkurri skýrri stefnu.
Sennilega á hún eftir að koma
betur fram í framkvæmd utan-
ríkisstefnunnar í hverju einstöku
ríki Norðurlandanna og sam-
vinnu þerra á vettvangi Samein-
uðu þjóðanna.
Yfirlýsing ráðherranna um á-
standið í Kína var t.a.m. sérlega
máttlaus og reyndar mjög sniðin
að stefnu Bandaríkjanna
gagnvart Kína. Látnar eru í ljós
áhyggjur yfir kúguninni sem nú á
sér stað og látin í ljós von um að
kínverskir ráðamenn sjái að sér
og aftur verði tekið til við um-
bótastefnu. Ekki orð um hugsan-
legar aðgerðir Norðurlanda
gagnvart Kína.
Ágreiningur um
afvopnun í höfunum
Afvopnunarmál voru þau mál
sem mestur tími fór í að ræða á
ráðherrafundinum. Reyndar
frestaðist blaðamannafundurinn
um 45 mínútur og munu það
einkum hafa verið umræður um
Miðausturlönd og afvopnun í
höfunum sem einhver ágreining-
ur varð um. Svíar munu hafa vilj-
að fara varlega í yfirlýsingar um
Miðausturlönd vegna stöðu
þeirra sem hugsanlegs sáttasemj-
ara í þessum heimshluta. Þá
reyndi Jón Baldvin mjög að kný-
ja á þá kollega sína til að taka
undir hugmyndir hans um af-
vopnun í höfunum, en án mikils
árangurs.
Jón var spurður á blaðamanna-
fundinum hvort hann gerði sig
ánægðan með það sem sagði í
í BRENNIDEPLI
yfirlýsingunni um afvopnunar-
mál hafsvæða. Hann sagðist geta
verið eftir atvikum ánægður.
Þetta væri í fyrsta skipti sem á
þessi mál væri minnst í yfirlýsingu
utanríkisráðherrafundar Norður-
landa og eins væri nokkurs um
vert að lýst væri yfir áhyggjum af
kjarnorkuslysum sem orðið
hefðu á höfunum.
Þeir Stoltenberg og Uffe,
Ellemann-Jensen voru beðnir um
að gera grein fyrir sjónarmiðum
sínum til afvopnunar í höfunum
og voru skoðanir þeirra í aðalat-
riðum samhljóða. Þeir sögðust
vissulega hafa áhuga á afvopnun í
höfunum. Norðurlöndin lægju að
því hafsvæði þar sem vígbúnaðar-
uppbygging hefði orðið mest í
heiminum.
Menn yrðu hins vegar að velja
réttan tíma til að hefja umræður
um þetta mál. Meðan umræður
færu fram um fækkun hefðbund-
inna vopna á meginlandi Evrópu
væri ekki tímabært að leggja fram
tillögur um afvopnun í höfunum.
Menn yrðu líka að hafa í huga að
Nató væri sjóbandalag sem þyrfti
að tryggja flutningsleiðir yfir Atl-
antshafið og hafa sem mest at-
hafnafrelsi á höfunum af þeim
ástæðum.
Tillaga
Jóns Baldvins
Jón Baldvin gerði þá athuga-
semd við tímasetninguna að það
TillagaJóns
Baldvins áfundi
nœrrœnna utan-
ríkisráðherra
um afvopnun í
höfunum er í
rauninni ósk um
athugun
gæti vel verið að hann væri aðeins
á undan tímanum með tillögu
sína um afvopnun í höfunun en
þess væri ekki langt að bíða að
þetta mál kæmist á dagskrá.
í rauninni var ekki annað að
skilja á honum en að hann tæki að
mestu leyti undir þau sjónarmið
að bíða með tillöguna þangað til
samningar hefðu tekist um fækk-
un hefðbundinna vopna. Og það
kom einnig fram að eiginlegar til-
lögur um fækkun vopna í sjó-
hernaði hafa ekki verið mótaðar
af hálfu íslenska utanríkisráðu-
neytisins.
Þegar Jón var spurður um inni-
haldið sagði hann: „Inntakið í því
sem við höfum lagt fram er þetta:
Við deilum ekkert um eðli Nató
sem sjóbandalags. Við segjum
einfaldlega: í þeirri afvopnunar-
þróun sem nú hefur til allrar ham-
ingju verið mjög hraðstíg þá sam-
þykkjum við að fækkun hefð-
bundinna vopna hafi forgang, en
við bendum á að með frumkvæði
Bush Bandaríkjaforseta sé orðið
raunhæft að ætla að árangur náist
í Vínarviðræðunum innan tíðar.
Þegar samkomulagi hefur verið
náð í því máli þá er það alla vega
ljóst að fyrir mér a.m.k. að eftir
það verði gerðar kröfur um að
hefja viðræður um vígbúnað í
höfunum. Þá þýðir ekki að vera
með óljósa stefnu eða segja ein-
falt nei. Við höfum því lagt til að
gerð verði ítarleg athugun á
traustvekjandi aðgerðum, vopn-
aeftirliti, leiðum til fækkunar
vopna. Ég segi ítarlega athugun
sem síðar leiði til skýrt mótaðra
tillagna í framtíðinni."
Styður ekki
frystingu
Það er ljóst að Jón Baldvin
reyndi töluvert til að fá þá Stolt-
enberg og Ellemann-Jensen á sitt
band í þessu máli. Það er hins
vegar jafn ljóst að um eiginlegar
tillögur er ekki að ræða enn sem
komið er. Það er hins vegar já-
kvætt að hann hefur farið fram á
könnun og hann virðist vera að
ýta með þessu á Nató að það
dragi ekki fæturna eins og það
hefur gert að undanförnu í af-
vopnunarmálum og þannig gefið
Gorbatsjov eftir allt frumkvæði.
Það fer aftur á móti ekki hjá því
að spurningar vakna um einlægni
Jóns Baldvins í þessu máli. Það
var t.a.m. ljóst að hann er á allt
annarri skoðun um frystingu
kjarnavopna en hinir norrænu
kollegar hans og það kom skýrt
og ákveðið fram að hann ætlar
ekki að styðja frystingartillögu
Svíþjóðar og Mexíkó á næsta alls-
herjarþingi Sameinuðu þjóðanna
fremur en á síðasta ári. Frysting
væri þó mikilvægt skerf í þá átt að
stöðva þróun sovéskra og banda-
rískra sjóstýriflauga sem nú er
verið að framleiða í þúsundavís.
Einnig er ljós að ekki er mikið
að gerast í umræðum ráðherr-
anna um kjarnorkuvopnalaus
Norðurlönd og Jón Baldvin hefur
tæplega verið talinn mikill áhuga-
maður um það mál. Kjarnorku-
laust svæði Norðurlanda tæki til
landhelgi þessara landa og. væri
að því leyti áfangi í afvopnun haf-
anna.
Það er engu að síður rétt að
bíða og vona að Jón berjist fyrir
afvopnun í höfunum af þeirri
vestfirsku þrjósku sem hann á til í
ríkum mæli. Og ef hann gerir það
þá mega sko kjarnorkuveldin
fara að passa sig!
- VG
Flmmtudagur 17. ágúst 1989 ÞJÓÐVlLJINN - SÍÐA 3*