Dagblaðið Vísir - DV - 17.09.1996, Blaðsíða 10
10
ÞRIÐJUDAGUR 17. SEPTEMBER 1996
Spurningin
Lesendur
Hvaö finnst þér um lausn
læknadeilunnar?
Erla Skarphéðinsdóttir skrif-
stofukona: Ég er mjög sátt við að
hún hafi verið leyst.
Jónína Geirlaug Ólafsdóttir: Ég
er fegin að þeir hafa snúið til starfa.
Ellý Þórðardóttir matráðskona:
Auðvitað er gott að deilunni er lok-
ið. En allir vilja hærra kaup.
Árni Hafsteinsson fiskvinnslu-
maður: Ég hef ekki fylgst nóg með
henni.
Vigfús Orrason nemi: Ég hef ekki
fylgst með henni.
Eldar Ástþórsson nemi: Öreigar
allra landa sameinist.
Styrktarfélög for-
setaframbjóöenda
Kostnaður og skuldir
forsetaframbjóðenda
■ Kostn.
Skuldir
Guörún Ástþór
Agnarsdóttlr Magnússon
DV
Eiga forsetaframbjóöendurnir ekki eignir sem þeir geta tekiö lán út á? spyr
bréfritari m.a.
Halldór Ólafsson skrifar:
Já, það er á döfinni sem mann
hefði aldrei grunað að kæmi einu
sinni til tals; eins konar tilmæli
(undir rós að vísu) um að hið opin-
bera styrki framboð framboðssinn-
aðra frambjóðenda. Að þessu láta
liggja allir forsvarsmenn framboð-
anna í síðustu forsetakosningum -
Að undanskildum Ástþóri Magnús-
syni. En mest þó sá forsvarsmaður
sem stóð í stafni framboðs núver-
andi forseta Islands. Mátti heyra í
fréttaviðtali við þessa forsvars-
menn að forsetaframbjóðendur
ættu í raun að falla undir sömu
reglur og þær er gilda við kosning-
ar til alþingis - hvílíkur hroki og
heimtufrekja!
Út yfir allan þjófabálk tekur þó sú
hugmynd að í forsetaframboði nú-
verandi forseta hafi myndast
„ákveðnar eignir“ eins og það er
orðað (hví þá ekki að stofna hlutafé-
lagið Forsetaframboðið hf.?) sem nú
eigi að fara að selja. Auk bókar um
framboðið allt, mynd af forseta eða
forsetahjónunum og barmmerkja.
Er hér ekki verið að búa til - alveg
að óþörfu - skandalmál sem fólk fer
svo að tengja misnotkun á aðstöðu
eða einhverju enn verra? En hvem-
ig er það: Eru ekki forsetaframbjóð-
endurnir einfærir um að greiða þær
skuldir sem þeir stofnuðu til, rétt
eins og ég og aðrir landsmenn sem
fara af stað með áhugmál sín út á
opinberan Völl. Eiga frambjóðend-
urnir ekki eignir sem þeir geta þá
tekið lán út á - eins og ég og allur
almenningur verður að gera ef að
þrengir?
Nú hefur forseti íslands frítt uppi-
hald að mér skilst og er maður
skattlaus í embætti sínu. Legði
hann nú til hliðar svo sem 200 þús-
und krónur mánaðarlega gæti hann
klofið sinn hluta skuldanna á svo
sem 8 árum. Ekki er það nú langur
tími þegar litið er til annarra sem
verða að leggja hart að sér alla ævi
og eignast þó aldrei neitt. Geta
aldrei leigt út frá sér eignir sínar
eða yfirleitt um frjálst höfuð strokið
fiárhagslega. Þeir hljóta, forseta-
frambjóðendurnir, að finna leið til
að borga sig frá sínum persónulegu
skuldum án þess að þurfa að fara út
í myndasölu.
„Barnamyndin" Babylon 5
Kristinn Snæland skrifar:
Fimmtándi þáttur þessa ofan-
nefnda myndaflokks var sýndur á
Stöð 2 sL' fóstudagskvöld, 6. sept. sl.
Svo hittist á að ég sá hluta myndar-
innar en hann sýndi afar harkaleg-
an og grófan hnefaleikabardaga.
Engir hanskar voru notaðir og
veittu keppendurnir hvor öðrum
hin grófustu högg. Hrukku þeir
nokkuð undan höggunum og fýrir
kom að þeir sigu niður á annað
hnéð eða svo.
Eftir langan bardaga og fiölda
höfuðhögga, sem flest hefðu trúlega
nægt til að fella naut, hristu kapp-
arnir sig lítillega og voru lítt sárir
og jafnir að þessum hrikalega kapp-
leik loknum.
Það óhugnanlega við þessa
„barnasýningu" var að eftir situr að
það sé ekkert í hættu þótt andstæð-
ingi séu veitt hin ógurlegustu högg
í höfuðið. Ég er vissulega ekki slags-
málafræðingur en mér virtust högg-
in hvert og eitt ættu aö duga til þess
að steinrota, ef ekki dauðrota hvem
mann.
Eftir að hafa horft á slíka mynd
er skiljanlegt að áhrifagjamir ung-
lingar sparki svona smávegis í höf-
uð, aðeins ef það liggur vel við
sparki. Og svo er fólk undrandi á
vitfirrtum ofbeldisverkum hér á
landi. Ekki ég. En mest er ég undr-
andi á Stöð 2 fyrir slíka „bamasýn-
ingu“. Er ekkert eftirlit í gangi af
hálfu hins opinbera á þessum vett-
vangi?
Umferðarskilti eða almennur
umferðarréttur?
Páll B. Helgason læknir:
Hinn 9. sept. sl. var fiallað um í
DV hvort leggja skuli niður umferð-
arskilti og láta almennan umferðar-
rétt gilda. Eftir reynslu mína í um-
ferð hérlendis og erlendis tel ég að
sálfræðilega myndi aldrei ganga að
láta almennan umferðarrétt gilda.
Hraðinn í umferð og takmörkun
skilningarvita okkar leyfa það ekki.
Mun betra væri að fiölga leiðbein-
ingarskiltum á þann veg að þau séu
öllum læsileg á þeim hraða sem við-
gengst almennt.
Ég vil t.d. láta fella niður bið-
skyldumerki á mörgum stöðum og
setja Stanz (STOP) merki í þeirra
stað og fara eftir reglum Bandaríkj-
anna og Kanada. Reglur þeirra
landa eru skiljanlegar öllum sem
ekki eru þroskaheftir umfram það
sem gerist og gengur og valda ekki
ILI§Íi[D)^ þjónusta
allan
Sima
5000
lli kl. 14 og 16
Mun betra væri að fjölga leiöbeiningarskiltum á þann veg aö þau séu öllum
læsileg á þeim hraða sem viögengst almennt, segir hér m.a.
vafa. Biðskyldumerki geta valdið
misskilningi og ágreiningi og eru
alls ekki afgerandi.
Væri farið eftir bandaríska kerf-
inu almennt í vegakerfinu hér á
landi og því fylgt eins og vera ber
líkt og í fluginu, þótt ekki séu merki
í háloftunum, yrði þó væntanlega
farið eftir reglum sem allir borgarar
skilja. Sé brotið á reglum eða leið-
beiningum hefur löggæslan mun
betra vald til að leiðbeina þeim sem
fara út fyrir takmörkin. Slíkar að-
ferðir eru ekki óþekktar í Evrópu
en virðast mörgum fslendingum
framandi.
Eftir margra ára akstur vestan-
hafs verð ég samt að fullyrða að
akstur eftir góðum umferðarskilt-
um kemur öllum til góða, minnkar
slysatíðni og óhöpp en algjört skil-
yrði er að reglum sé fylgt en ekki
látið vaða.
Það tilheyrir ekki nútímanum
heldur siðum sem voru í gangi fyr-
ir hálfri öld a.m.k. - Gangi ykkur
vel og passið ykkur á bílunum -
eins og sagt var í gamla daga.
DV
Þingvallafund-
urinn árið 2000
Gunnlaugur Sigurðsson
hringdi:
Svo mjög sem talin er þörf fyrir
alþjóðlegan Þingvallafund árið
2000 er ekki ráð nema í tíma sé
tekið. Því er nú haldin hér ráð-
stefnan „Sjálfbær þróun“ sem
tengist Þingvallafundinum sjálf-
um. Hér eiga hlut að máli m.a.
Gandhi-stofnunin í Bandaríkjun-
um (ekki á Indlandi). Þess vegna
sakna ég að sjá ekki nafn Ástþórs
Magnússonar, fyrrverandi forseta-
frambjóðanda, eins og hann hefur
þó komið við sögu friðarmála hér
og annars staðar í heiminum. En
þetta hlýtur að hafa sínar skýring-
ar, sem fiölmiðlar dreifa til okkar
bráðlega, ef allt er með felldu.
Biskupsemb-
ættið i rusla-
kistuna
Sigurbjörn skrifar:
Ekki linnir skopmyndateikning-
um um biskup, embætti hans og
prestanna. Nú síðast í Mbl. sl.
fimmtudag. Líklega í tilefni mark-
aðssetningar biskupsembættisins
og sýnir hönnun biskupsembættis-
ins í tveimur útgáfum - „þessa
venjulegu sem allir þekkja" þar
sem biskup er hempuklæddur elt-
andi kvenfólk af stökkpalli þar
sem stendur „Hopp og hí“, og „há-
tíðarútfærslu þar sem hann plokk-
ar strengina". Mér finnst þessi sið-
asta skopmyndaútgáfa kasta bisk-
upsembættinu beint í ruslakist-
una. Kannski á það þar líka
heima?
Vikurbílarnir í
Landsveit
Benni hringdi:
Það er full þörf á að benda að-
standendum vikurflutninganna
Landsveit - Þorlákshöfn á.að hinir
þungu vörubílar auka ekki bein-
linis öryggið þegar þeir aka á ofsa-
hraða og oftar en ekki á mun
meiri hraða en leyfilegur er. Þetta
hefur valdið óþægindum sem ég
hef fregnir af og viðkomandi, sem
varð fyrir því óhappi að missa
bremsur á bíl sinum, mátti hrósa
happi yfir að sleppa óskaddaður
frá einum slíkum bíl á ofsahraða
er hann, viljandi eða óviljandi,
neyddi ökumann á bilaða bilnum
út í vegkantinn. Þama er verk að
vinna fyrir umferðargæsluna.
Ómega, jafn-
besta sjón-
varpsstöðin
R.A. skrifar:
Það er orðið lítið um fína drætti
í sjónvarpsmálum hér nema hafa
komið sér upp sérstökum diski
fyrir móttöku frá gervihnöttunum.
Því hef ég undanfarið farið að
horfa meir og meir á sjónvarps-
stöðina Omega sem ég tel jafn-
bestu stöðina nú og þá líflegustu,
því þar má heyra og sjá frábæra
tónlist og söng fluttan af hinum
bestu skemmtikröftum. Fólkið
sem þama kemur fram er snyrti-
legt og fágað í senn. Omega flytur
manni því oft og skilur eftir
skemmtilega kvöldstund.
Hvað meinar
konan?
Hildur skrifar:
í DV sl. fimmtudag birtist les-
endabréf frá Elínu Sigurðardóttur
undir heitinu Konur veija þá lit-
uðu. Þar sagði m.a. að sér kæmi á
óvart að íslenskar konur verðu
jafnan litaða karlmenn, jafnvel
kynferðisglæpamenn. Hún sagðist
ekki átta sig alveg á þessu viðhorfi
islenskra kvenna en sagði sig
gruna ýmislegt sem hún ræddi
ekki i bili. - Ég skora á Elínu að
gera grein fyrir þessu dularfulla
„ýmislega" sem hún telur vera
ástæðuna fyrir aðdáun íslenskra
kvenna á þeim lituðu.