Dagblaðið Vísir - DV - 06.09.2000, Blaðsíða 10

10
MIÐVIKUDAGUR 6. SEPTEMBER 2000
Útlönd
r>v
Yasser Arafat
Ekki er búist viö miklum árangri af
fundi hans og Baraks í dag.
Barak og Arafat
funda í New York
Yasser Arafat, leiðtogi Palestínu,
og Ehud Barak, forsætisráðherra
ísraels, hittast í dag í New York, að
því er forsætisráðherra Kanada,
Jean Chretien, greindi frá í gær að
loknum viðræðum við Arafat. Ráð-
gert er að leiðtogamir fundi einnig
hvor um sig með Bill Clinton, for-
seta Bandaríkjanna.
Samkvæmt þýsku fréttastofunni
DPA ætlar Clinton að reyna að
blása nýju lífi í friðarferlið í Mið-
austurlöndum á þúsaldarráðstefn-
unni i New York. Ekki er búist við
að mikill árangur verði af viðræð-
um leiðtoganna þriggja í dag. Frið-
arviðræður þeirra í júlí fóru út um
þúfur vegna ágreinings um yflrráð
yfir Jerúsalem.
Palmemáliö:
Nýjar upplýsingar
um morðvopnið
Sænska lögreglan hefur nú fengið
upplýsingar um að byssa, sams kon-
ar og notuð var við morðið á Olof
Palme, fyrrverandi forsætisráð-
herra Svíþjóðar 1986, hafi verið í
íbúð nálægt Sveavagen í Stokk-
hólmi nokkrum dögum fyrir morð-
ið. íbúðin var í eigu næturklúbbs-
eigandans Sigge Cedergren sem nú
er látinn.
Hann var þekktur flkniefnasali
og fékk oft heimsókn af Christer
Pettersson sem ákærður var fyrir
morðið en sýknaður. Að sögn heim-
ildarmanns lögreglunnar vissi Pett-
ersson að Cedergren faldi vopn og
skotfæri í íbúð sinni. Sjálfur sagði
Cedergren áður en hann lést að
hann hefði lánað Pettersson byssu.
Carl I. Hagen
Segir fylgisaukninguna mótmæli
gegn Verkamannaflokknum.
Noregur:
Carl I. Hagen
eykur fylgi sitt
Fylgi Framfaraflokksins í Noregi
heldur áfram að aukast. Samkvæmt
nýrri skoðanakönnun hefur það
aukist um 5,5 prósentustig og er nú
orðið 28 prósent. Fylgi Verka-
mannaflokksins, sem er við völd, er
aðeins 24 prósent.
Carl I. Hagen, leiðtogi Framfara-
flokksins, segir fylgisaukninguna
alveg eins mótmæli gegn Verka-
mannaflokknum eins og stuðnings-
yflrlýsingu við Framfaraflokkinn.
Fulltrúar Norður-Kóreu ekki á ráðstefnu SÞ:
Heim í fússi eftir
ögrandi líkamsleit
Fulltrúar Norður-Kóreu sem ætl-
uðu að sækja þúsaldarleiðtogafund
Sameinuðu þjóðanna í New York
sneru heim í fússi frá Frankfurt I
Þýskalandi eftir „ruddalega og
ögrandi líkamsleit" starfsmanna
bandaríska flugfélagsins sem átti að
flytja þá vestur um haf.
Þar með verður ekkert af fyrir-
hugðum fundi forseta Suður-Kóreu
og starfandi leiðtoga Norður-Kóreu.
Þegar norður-kóreska sendinefnd-
in, með Kim Yong-Nam, forseta
þingsins, í broddi fylkingar ætlaði
að stíga um borð í þotu American
Airlines flugfélagsins létu öryggis-
verðir þess fulltrúana opna allar
ferðatöskur sínar og annan farang-
ur. Síðan var fólkinu fyrirskipað að
afklæðast og rannsökuðu verðimir
viðkvæma líkamshluta, eins og að-
stoðarutanríkisráðherra Norður-
Kóreu orðaði það á fundi með frétta-
mönnum í Frankfurt.
Bandarísk stjórnvöld hörmuðu
Mótmæli við SÞ
Hópur írana mótmælti komu Khata-
mis íransforseta á leiötogafund SÞ í
New York í gær.
atvikið en sögðu að starfsfólk flugfé-
lagsins hefði aðeins verið að fram-
fylgja reglum flugmálayfirvalda
vestra um öryggiseftirlit með far-
þegum frá ríkjum sem Bandaríkja-
stjóm segir að styðji við bakið á
hryðjuverkamönnum. Norður-Kór-
ea er í þeim hópi.
Rúmlega 150 þjóðarleiðtogar
sækja fund SÞ í New York sem hef-
ur það yfirlýsta markmið að draga
úr fátækt, fáfræði og sjúkdómum
um helming á fyrri helmingi 21. ald-
arinnar. Aldrei fyrr hafa fleiri leið-
togar verið saman komnir á einum
fundi.
„Þetta eru merkileg tímamót fyr-
ir leiðtoga þjóða heims og fyrir
Sameinuðu þjóðirnar," sagði Kofi
Annan, framkvæmdastjóri SÞ, á
fundi með fréttamönnum í New
York.
Lögreglan í borginni hefur mik-
inn viðbúnað vegna fundarins og
verða miklar truílanir á umferð.
Kátir þrátt fyrir réttarhöld
Franski bóndinn José Bové, fyrir miöju, fytgdi félögum sínum, Fernand Odon og Marc Bosson, til réttarhalda yfir þeim
í Foix í suöurhluta Frakklands í gær. Fjórir bændur hafa veriö ákæröir fyrir aö hafa eyöilagt erföabreytta uppskeru.
Bové var dæmdur í skilorösbundiö fangelsi fyrir árás á veitingastaö McDonalds.
Kostunica ætlar ekki
að framselja Milosevic
Sigri frambjóðandi stjómarand-
stöðunnar í forsetakosningunum í
Júgóslavíu, Vojislav Kostunica,
hyggst hann ekki framselja Slobod-
an Milosevic, núverandi forseta, til
stríðsglæpadómstólsins I Haag.
Kostunica hefur lýst þessu yflr við
fjölmiðla f Serbíu og talsmaður
hans staðfesti í gær yflrlýsingam-
ar.
Kostunica, sem er félagi í Lýð-
ræðisflokknum í Serbíu, hlýtur
mest fylgi samkvæmt skoðanakönn-
unum. Hann er talinn hófsamur
þjóðernissinni og er frambjóðandi
stærsta bandalags stjómarandstöð-
unnar.
í viðtali við sjónvarpsstöö í bæn-
um Valjevo gagnrýnir Kostunica
stríðsglæpadómstólinn I Haag. Segir
hann dómstólinn hafa gert sjálfan
Vojfslav Kostunica
Framselur ekki Milosevic þótt hann
sigri í forsetakosningunum.
sig óhæfan til starfa með þvi að láta
frekar pólitísk sjónarmið ráða ferð-
inni heldur en lögfræðileg.
„Ákæra dómstólsins gegn Milos-
evic er jafn tilgangslaus og loftárás-
ir NATO á Júgóslavíu i fyrra,“
sagði Kostunica.
Slobodan Milosevic og fjórir aðrir
júgóslavneskir leiðtogar voru I
fyrra ákærðir þar sem þeir voru
lýstir ábyrgir fyrir stríðsglæpi
júgóslavneska hersins í Kosovo.
Litið er á Milosevic og Kostunica
sem helstu keppinautana í forseta-
kosningunum sem fara fram 24.
september næstkomandi. Sam-
kvæmt niðurstöðum skoðanakönn-
unar, sem birt var í gær, nýtur
Kostunica fylgis 43 prósenta kjós-
enda. Aðeins 21 prósent kveðst ætla
að kjósa Slobodan Milosevic.
■ |H| I | liillll
Þýskur ráðherra slasast
Rudolf Scharp-
ing, landvarnaráð-
herra Þýskalands,
slasaðist lítillega á
höfði og fótum I
þegar öryggishlið
lyftist upp undir
bifreið hans við
bandaríska land-
vamaráðuneytið i gær. Ráðherrann
var fluttur á sjúkrahús til skoðunar
og dvaldi þar í rúma þrjá tíma.
Þurrkar í Afganistan
Mestu þurrkar í þrjátíu ár eru nú
í Afganistan og ríkir neyðarástand
hjá þremur til fjórum milljónum
manna. Hætta er talin á að mikill
fjöldi fólks flýi landið vegna
þurrkanna.
Erika tæmd
Búið er að dæla allri olíu úr olíu-
flutningaskipinu Eriku sem fórst
undan Frakklandsströndum í des-
ember I fyrra.
Vilja breytingar hjá Bush
Ýmsir háttsettir repúblikanar
vilja að George W. Bush, forsetaefni
flokksins, geri breytingar á starfs-
liöi sínu í kosningabaráttunni til að
koma á meiri festu.
Gíslar senn frjálsir
Samningamenn filippseyskra
stjórnvalda sögðu í morgun að sex
evrópskir gíslar og einn filippseysk-
ur sem eru í haldi uppreisnar-
manna múslíma á Jolo-eyju kynnu
að verða leystir úr haldi á morgun.
Milljaröar til Sviss
Margir af virt-
ustu bönkum Sviss
fengu ákúrur frá
bankaeftirlitinu I
gær fyrir að hafa
tekið við andvirði
tuga milljarða
króna frá Sani
Abacha, fyrrum
einræðisherra í Nígeríu. Nefndin
telur að bankamir hafi skaðað
orðstír landsins með þessu.
NATO í árásarhug
Júgóslavneskur hershöfðingi
sagði í gær að NATO héldi áfram
herskárri stefnu sinni gagnvart
Júgóslavíu sem væri ætlað að skapa
óróa í landinu og koma núverandi
stjórnvöldum frá.
Ekkert nýtt á myndbandi
Formaður nefndarinnar sem
rannsakar Estonia-ferjuslysið 1994,
þegar rúmlega 800 manns fórust,
sagði I gær að ekkert nýtt kæmi
fram á myndbandi sem bandarískur
kaupsýslumaður tók af flakinu.
Nýnasistatónlist hirt
Þýska lögreglan sagði í gær að
hún hefði gert upptæka 7.500 geisla-
diska með tónlist nýnasista. Á sum-
um diskunum var mynd af Adolf
Hitler.
Vilja bætur frá Moskvu
Stærsti stjómarflokkurinn í Eist-
landi vill að Eystrasaltsrikin þrjú
fari sameiginlega fram á bætur frá
Rússum vegna 50 ára sovésks her-
náms.
Microsoft 25 ára
Starfsmenn Microsoft héldu upp á
25 ára afmæli hugbúnaðarrisans á
íþróttaleikvangi í Seattle í gær og
var mikið um dýrðir.