Dagblaðið Vísir - DV - 21.09.2000, Blaðsíða 14
14
FIMMTUDAGUR 21. SEPTEMBER 2000
Skoðun
I>V
Hver finnst þér að lágmarks-
laun ættu að vera?
Erla Elíasdóttir nemi:
Ég er ekkert aö spá I þaö.
Guðbjartur Alexandersson:
Þaö er svo afstætt. Það er misjafnt
hvaö fólk gerir sig ánægt meö.
Dagur Bjarnason nemi:
Svona 80 þúsund krónur.
Heiðar Sigtryggsson nemi:
Ég myndi segja um
130 þúsund krónur.
Birgir Hrafn Búason nemi:
Lágmark 120 þúsund krónur.
Daníel Jakobsson nemi:
120 þúsund krónur.
Feröamenn við Fjallfoss í Dynjanda
Dynjandisheiöi kemur alltaf iila undan vetri.
Jarðgöng á Vestfjörðum
„Göng ígegnum þessi tvö
fjöll gœtu hugsanlega verið
rétt um 3 km og vœru mik-
ið ódýrari og samanlagt
vœru þessi tvenn göng um
6 km. Þannig vœri hægt að
losna við Dynjandis- og
Hrafnseyrarheiði... “
Þvl miður fyrir
aUan Vestfjarða-
kjálkann eru vega-
mótagöng undir
Dynjandisheiði að
loknum jarðgöng-
um úr Dýrafirði
inn í Borgarfjörð -
til þess að rjúfa
eingangrun Vestur-
byggðar og ísa-
fjarðar í eitt skipti
fyrir öll - ekki inni í jarðgangaáætl-
un Vegagerðarinnar sem samgöngu-
ráðherra kynnti fyrr á þessu ári og
á sama tíma og fyrir Austurland
sem þarf að ganga fyrir vegna stór-
iðjuframkvæmda á Reyðarfirði.
Vegamótagöng undir Dynjandis-
heiði yrðu að vísu talsvert lengri
heldur en Vestfjarðagöngin (sem
eru 9 km) en vegamótagöng undir
heiðina, sem alltaf kemur illa und-
an vetri, gætu orðir eitthvað um 16
km. Framkvæmd við slík göng tæki
u.þ.b. 6 ár. Þá kynni að vera fljót-
legra og auðveldara að gera tvenn
önnur göng; í gegnum Laugabóls-
fjall inn í Geirólfsfjörð nálægt
Langabotni ásamt öðrum göngum í
gegnum Norðfjall. Þau kæmu inn í
Norðdal í Trostansfirði, samhliða
lagningu vegar um Geirþjófsfjörð,
nálægt Langabotni.
Göng í gegnum þessi tvö fjöll
gætu hugsanlega verið rétt um 3 km
og væru miklu ódýrari og saman-
lagt væru þessi tvenn göng um 6
km. Þannig væri hægt að losna við
Dynjandis- og Hrafnseyrarheiði og
einangrun Vesturbyggðar og ísa-
fjarðar yrði rofm fyrir fullt og allt.
Þá væru líka dagar flugvallarins á
Bíldudal taldir.
Eftir stendur einn þröskuldur á
leiðinni inn að Flókalundi og inn á
Barðaströnd. Það eru Breiðafell og
Tröllaháls. Þarna mætti gera göng
úr botni Norðdals, sem þá gætu
komið inn á veginn sem liggur að
vegamótunum við Flókalund. Jarð-
göng undir Breiðafell og Tröllaháls
yrðu hugsanlega aðeins lengri held-
ur en göng í gegnum Laugabóls- og
Norðfjall.. Þetta þýðir að umferð í
gegnum Vestfjarðagöngin myndi
aukast ef Vestfirðir yrðu þá eitt at-
vinnusvæði, þ.e. Vesturbyggð og
ísafjarðarbær.
Þetta yrði mikil samgöngubót
milli Vesturbyggðar og byggðanna á
norðanverðum Vestfjörðum. Ef jarð-
göng yrðu gerð úr botni Mikladals
undir Kleifaheiðinni í Ósafjörð á
leiðinni til Patreksfjarðar yrði flug-
ferðum á veturna milli ísafjarðar og
Patreksfjarðar hætt. Fyrirhuguð
göng úr Dýrafirði inn í Borgarfjörð,
sem eru í öðrum pakka jarðgangaá-
ætlunar Vegagerðarinnar, geta al-
veg eins verið í fyrsta pakka sam-
hliða Austurlandi en Siglufjarðar-
göng í öðrum pakka vegna efasemda
um þau síðastnefndu.
Gu&mundur
Karl Jónsson
skrifar:
Marktækur verðbréfamarkaður?
Bjarni Gunnarsson
skrifar.
Undir samheitinu Peningamark-
aður, sem birtist í Morgunblaðinu
virka daga, sýnist manni oft sitt-
hvað skrýtið. Eitt er það að þar má
sjá skráningu hlutabréfa í hinum og
þessum fyrirtækjum sem sýnir
meira og minna sama gengi dag eft-
ir dag. Jafnvel fyrirtæki sem á allra
vitorði er að hafa sýnt hrapandi
fjárhag, hafa slæmt orðspor og eng-
ar væntingar um að rætist úr
rekstrarlegri stöðu. Ég nefni auðvit-
að engin nöfn en margir hafa orðað
þetta í mínum kunningjahópi og
haft ýmsar faglegar skýringar á
„Það stingur svo í stúf þeg-
ar maður býður bréf til
sölu í einstökum fyrirtœkj-
um að þá er svarið oftar en
ekki að gengið sé nú orðið
mun lægra eða að ekkert
kauptilboð sé í gangi...“
hraðbergi, oft á gamansaman hátt.
Þarna eru miklir hagsmunir í
húfi fyrir þá sem t.d. eiga hlutabréf
í einhverjum mæli í einhverjum
þeirra fyrirtækja sem skráð eru á
verðbréfamarkaði. Hlutabréfavið-
skipti á Verðbréfaþingi íslands eru
svo send til fjölmiðla og þar birtist
gengisskráning bréfa frá degi til
dags fólki til hagræðis.
Það stingur svo í stúf þegar mað-
ur býður bréf til sölu í einstökum
fyrirtækjum að þá er svarið oftar en
ekki að gengið sé nú orðið mun
lægra eða að ekkert kauptilboð sé í
gangi og maður dregur sig því í hlé
þann daginn. En skráning á verð-
bréfaþingi heldur áfram eins og
ekkert hafi ískorist og sýnir stöðug-
leika viðkomandi fyrirtækja. Maður
spyr sig: Er þetta yfirleitt marktæk-
ur verðbréfamarkaður?
Dagfari
Hvað eigum við nú að gera?
Dagfari er alveg eyðilagður þessa dagana.
Það er ekki út af blessaðri salmonellunni sem
valdið hefur því að fjöldi landsmanna hefur
komist í ókeypis bráðamegrun. Það er ekki
heldur út af veðrinu eða leiðinlegum veður-
spám. Nei, þetta er út af fyrirbæri sem nefnt
er Efnahagsbandalag Evrópu, eða ESB eins og
það heitir í skammstöfun.
Málið er að Dagfari hefur hlustað á ótelj-
andi ræður íslenskra stjómmálaskörunga um
það hvort einhver skynsemi geti falist í því
fyrir íslendinga að ganga i þetta merkilega
ESB. I upphafi var Dagfari sannfærður um að
það yrði til mikillar bölvunar ef okkar mis-
vitru landsfeður tækju upp á því að senda
umsóknareyðublað til Brussel. Við myndum
þar með tapa öllum yfirráðum yfir auðlindum
okkar, fjármálastjóm og glata hreinlega sjálf-
stæði þjóðarinnar. Þetta var borðleggjandi og í
raun hinn eini sannleikur í málinu.
Svona var þetta einfalt alveg þangað til Dagfari
fór að opna eyrun fyrir undurblíðri rödd fram-
sóknarhöfðingjans Halldórs Ásgrímssonar. Þá
fyrst fór að vandast málið. Halldór, sem hefur
hingað til talist helsti varðmaður auðlinda hafs-
ins, hann var allt í einu farinn að tala eins og
hann væri þegar farinn að pakka saman og flytja
til ESB. Síðan hef ég verið að hlusta eftir hverju
Fyrir skömmu var svo komið að ég var
orðinn sannfærður Evrópusinni og
jafnvel til í að flytjast sem töskuberi
með Halldóri til Brussel.
orði sem Halldór hefur um þetta mál að segja. Fyr-
ir skömmu var svo komið að ég var orðinn sann-
færður Evrópusinni og jafnvel til í að flytjast sem
töskuberi með Halldóri til Brussel. Halldór var
með sannfæringarkrafti sínum, en án þess
þó að segja nokkum skapaðan hlut, búinn
að snúa mér til réttrar trúar á ESB.
Það olli Dagfara því gríðarlegu hugar-
angri þegar hann fletti útlenska héraðs-
fréttablaðinu Financial Times nú i vikunni.
Þar var landsbyggðaumfjöllun um afskekkt-
ar byggðir þar sem islensk máleftii bar á
góma. Auðvitað var þar rætt við okkar
heittelskaða Halldór Ásgrímsson um Evr-
ópumálin og allt gott um það að segja. Ekki
varð það til að skyggja á ESB-trú Dagfara.
Þarna var hins vegar líka rætt við Davíð
Oddsson, helsta samherja okkar Halldórs
og besta vin í ríkisstjórnarsamstarfl. Hann
er á alveg öndverðri skoðun og talar eins
og beint frá mínu hjarta - áður en ég upp-
götvaði Halldór. Davíð er líka ekki síður
sannfærandi en Halldór og skemmtilegur í
þokkabót. Þessi fjandans umfjöllun í útlenska
blaðinu er því búin að setja alla mína sannfær-
ingu i uppnám. - Á ég að halda með ESB eða á
ég ekki að halda með ESB? Um þetta snýst líf
Dagfara í dag. Hætt er við að ef Davíð og Halldór
komast ekki aö samkomulagi fljótlega þá verði
Dagfari að bryðja geðdeyfitöflur það sem eftir er
Einkennileg
skattaumræða
Þórður Kristjánsson skrifar:
Eftir að sjávarútvegsráðherra brydd-
aði upp á umbun til fyrirtækja með
skattalækkun hefur ekki linnt gagnrýni
frá ýmsum hliðum. Sárgrætilegast þyk-
ir mér að heyra talsmenn annars stjóm-
arflokksins og svo hagfræðing ASÍ taka
illa í skattalækkun. Þeir minnast ekki
einu sinni á að gagnvart aimenningi
væri skattalækkun réttlætanleg og
meira en það. Þeir fullyrða hins vegar,
að ekki eigi að lækka skatta í góðæri.
Halda þeir að nokkur ríkisstjóm myndi
boða skattalækkun í kreppu? Maður
skilur ekki svona máflutning og það hjá
þeim sem eiga að vera í forsvari fyrir
launþegum. Auðvitað er skattalækkun
á almennum launþegum það ráð eitt
sem þeim dugar. AJlt annaö er hjóm og
sýndarmennska.
Fyrirhuguð kjördæmabreyting
stendur enn í vegi framfara og
heildarhagsmuna.
Eitt kjördæmi
Hjörtur Jónsson hringdi:
Ágætur leiðari í DV sl. þriðjudag ætti
að vera leiðarljós fyrir þingmenn okkar
og snúa frá þeirri villu að auka enn
veldi smákónga landsbyggðarinnar og
dreifbýlisins með því að stækka lands-
hlutakjördæmin í stað þess að samein-
ast um landið sem eitt kjördæmi. Það
sem stendur helst í vegi verulegra fram-
fara á íslandi er að atkvæðisréttur
manna er ekki jafn hvar sem þeir búa á
landinu, eins og bent er á í forystugrein
DV. Öllum er ljóst að heildarhagsmunir
eru ekki teknir fram fyrir þrönga hags-
muni einstakra landsvæða. Veldi smá-
kónganna er orðið yflrþyrmandi og því
verður að breyta sem allra fyrst.
V íkingahr ossin
Jón Einarsson hringdi:
Ég get ekki annað en stutt sýslu-
manninn á Höfn í Homafirði sem læt-
ur i ljósi áhyggjur af seinagangi rann-
sóknar á sölu og flutningi hrossanna
með víkingaskskipinu Hvítserk frá ís-
landi til Noregs. Ég varð einnig fyrir
vonbrigðum með viðbrögð hins
víðkunna hestaíþróttamanns sem
seldi hrossin til útflutnings. Það var
þó hann sem olli þessu fjaðrafoki í
upphafi með sölu hrossanna úr landi.
Vonandi stendur sýslumaður þeirra
Homfirðinga í stykkinu og ýtir á eftir
rannsókninni.
Ályktun sam-
gönguráöherra
Arni Einarsson skrifar:
Ég rak augun í grein
samgönguráðherra í
Mbl. þ. 16. sept. sl.
Svargrein við annarri
sem birst hafði um
fraktfluvél sem Flug-
leiðir hf. tóku á leigu
en þurfti sérstakt leyfi BÖ®varsLn
ráðherra til að lenda
hér á íslandi. í þessari svargrein sam-
gönguráðherra lýsti hann sérstökum
áhyggjum af því þegar veist væri að
Flugleiðum hf. sem gegndu því mikil-
væga hlutverki að halda uppi flugi
yfir Atlantshafið í harðri samkeppni.
Mér finnst óráð af samgönguráðherra
að lýsa yfir sérstökum áhyggjum af
einu samgöngufyrirtæki umfram ann-
að, einkum og sér í lagi vegna þess að
Flugleiðir geta hvenær sem er hætt
viðkomandi flugi, gefi það ekki þann
arð sem þurfa þykir.
iDV Lesendur
Lesendur geta hringt allan sólarhring-
inn í síma: 550 5035.
Eða sent tölvupóst á netfangiö:
gra@ff.is
Eða sent bréf til: Lesendasíöa DV,
Þverholti 11, 105 ReyKjavik.
Lesendur eru hvattir til að senda mynd
af sér til birtingar með bréfunum á
sama póstfang.