Dagblaðið Vísir - DV - 14.10.2000, Blaðsíða 15

15
LAUGARDAGUR 14. OKTÓBER 2000
I>V
Helgarblað
Hópur íslendinga í Noregi hjálpar löndum sínum að nema land í Noregi:
Heia Norge!
- 14 íslendingar sóttu um norskan ríkisborgararétt á síðasta ári
í Noregi búa nú um fjögur þúsund
íslendingar og tala þeirra sem þangað
flytjast búferlum frá Fróni fer hækk-
andi ár frá ári. I fyrra sóttu 14 íslend-
ingar um norskan ríkisborgararétt og
til að gefa dæmi um ágang íslendinga
til Noregs fluttu 910 manns til landsins
árið 1998.
íslendingurinn Styrmir Jóhannes-
son er alls ekki hissa á þessu en hann
hefúr búið í Noregi á 11 ár. „Það er
ekkert nema gott um Noreg að segja,“
segir Styrmir sem er ekki á leið heim
á næstunni.
„Hér er nóga atvinnu að fá og laun-
in eru minnst þrisvar sinnum hærri
en á íslandi," upplýsir Styrmir sem
finnst ekki skrýtið að íslendingar hafi
áhuga á að flytja til Noregs. „Norð-
menn vilja lika gjaman fá íslendinga
til landsins þar sem við erum talin
vinnusöm þjóð og þvi eftirsóttir starfs-
kraftar," segir Styrmir.
Styrmir býr ásamt íslenskri fjöl-
skyldu sinni í Tromsö þar sem hann
leggur stund á tölvunám. Af fógrum
orðum hans um Noreg virðist sem
hann hafi fúndið gullnámu sem hann
vill þó síður en svo sitja einn að.
Það sannast best á því að hann hef-
ur, ásamt nokkrum íslendingum sem
reka sameignarfélagið Norice, tekið
saman hefti fyrir áhugasama fslend-
inga sem vilja flytjast búferlum til Nor-
egs. í heftinu er m.a. að finna upplýs-
ingar er varða stofiiun fyrirtækja, um-
sóknir varðandi sjóðakerflð, bankavið-
skipti, atvinnumöguleika almennt, at-
vinnuleysisbætur, skólamál, dagvist-
Gott land
Styrmir Jóhannsson hefur búið í Noregi í 11 ár. „íslendingar plumma sig vel
hér í Noregi enda líta þeir ekki á velferðarkerfiö sem fríðindi og því eru þeir
vel liðnir, “ ségir Styrmir sem hér kastar fyrir lax í Reisaelva í Norður-Noregi.
un, skatta einstaklinga og fyrirtækja
sem og heilbrigðismál, svo fátt eitt sé
nefnt, en heftið er m.a. hægt að nálgast
á heimasíðu Norice: www.norice.com.
„Norska þjóðfélagskerfið er allt
öðruvísi og allt aðr-
ar reglur og lög
gilda um svo margt
þannig að heftið
ætti að koma mjög
vel að notum fyrir
þá sem vilja sýna
fyrirhyggju og
ábyrgð og sleppa
við að lenda i alls
konar óþægiiegum
og jafnvel mjög
„Vmnuvikan er miklu styttri í
Noregi og þar sem launin eru
miklu hœrri en á íslandi gefast
miklu fleiri frístundir med fjöl-
skyldunni. Á íslandi er hins veg-
ar keppst vib það eins og hœgt er
ab koma bömum í langtímavist-
un í skólum og/eða í pössun á
meðan foreldramir vinna
myrkranna á milli.“
kostnaðarsömum vandamálum sem
koma upp vegna þekkingarleysis á
kerfmu," segir Styrmir. „Við sem
stöndum að heftinu erum íslendingar
sem fluttum hingað út á árunum 1990
til 1999 og erum öll
búsett hér úti enn
þá. Það er ekki það
að við viljum endi-
lega fá fleiri íslend-
inga út heldur ein-
ungis hjálpa þeim
sem hafa ákveðið
að koma hingað
þar sem við vitum
af eigin raun að
ekki er auðhlaupið
að því að setja sig inn í norska kerfið,"
segir Styrmir.
Styttri vinnuvika
fslendingarnir sem eru að flytja
til Noregs eru úr hinum ýmsu
starfsstéttum og á ýmsum aldri.
„Þetta er alls konar fólk, bæði mjög
vel menntað sem og lítið menntað,
fólk sem er bara orðið þreytt á að fá
illa greitt fyrir sín störf og á að
standa endalaust í vonlausri kjara-
baráttu sem er tómur talnaleikur
sem endar alltaf þannig að fólkið
stendur í sömu sporum. Sumar
stéttir þurfa jafnvel að endurtaka
sín verkfoll ár hvert, eins og t.d.
kennarar, fólk í heilbrigðisgeiran-
um o.fl. menntaðar stéttir sem virð-
ast alltaf vera vanmetnar þegar
kemur að launageiöslum. Þessu
fylgir oft á tíðum tómt basl eða, eins
og einn íslendingur sagöi við mig:
„ísland er Singapúr norðursins".
Hann var búinn að fá alveg nóg og ætl-
aði ekki að fara í sitt árlega verkfall
sem alveg örugglega skilaði akkúrat
engu,“ segir Styrmir og heldur áfram:
„Vinnuvikan er miklu styttri og þar
sem launin eru miklu hærri en á ís-
landi gefast miklu fleiri frístundir
með fjölskyldunni. Á íslandi er hins
vegar keppst við það eins og hægt er
að koma börnum í langtímavistun í
skólum og/eða í pössun á meðan
foreldrarnir vinna myrkranna á
milli,“ segir Styrmir sem segist þó
enn vera íslenskur í húö og hár
þrátt fyrir að hafa búið svona lengi
Norski þjóðhátíðardagurinn
Að sögn Styrmis er þaö algiör hátíð
aö búa í Noregi miðað við á íslandi,
enda nema íslendingar land þar í
stríöum straumum.
í Noregi. Hann sé t.d. ekki enn kom-
in á Telemark-skíði, þó svo hann láti
gjarnan lefsur inn fyrir sínar varir.
íslendingamir sem standa á bak við
Norice bjóða ekki bara upplýsinga-
bækling til sölu heldur þýða þeir
einnig bréf og aðstoða við að semja
umsóknir af ýmsu tagi á norsku.
„Norðmenn eru svo miklu nákvæm-
ari en íslendingar á allt og allt þarf að
vera eftir bókinni og vera mjög form-
legt,“ segir Styrmir og bætir við að
þeir séu samt alls ekki að gefa manni
ýmsar hagnýtar upplýsingar óumbeðn-
ir. Dæmi um slíkar upplýsingar er að
íslendingar fá 15% skattaafslátt fyrstu
fjögur árin sem þeir búa í landinu og
um það er ríkisskattstjórinn síður en
svo að upplýsa menn.
„Upplýsingar sem þessar er gott að
fá frá þeim sem hafa gengið i gegnum
þetta. Það sparar manni ómældan tíma
og fyrirhöfn. Ég vildi óska að hefti sem
þetta hefði verið til þegar ég flutti hing-
að út,“ segir Styrmir að lokum og býð-
ur alla Islendinga sem áhuga hafa á að
flytja til Noregs velkomna á heimasíðu
þeirra félaga er standa að Norice.
-snæ

INNKÖLLUN
Vegna rafrænnar skraningar
hlutabréfa í
Granda hf

.
: - V, • ■■■■ - - - fyrílt.
•tv.vix'
Mánudaginn 15. janúar 2001 verða
hlutabréf í Granda hf. tekin til rafræn-
nar skráningar hjá Verðbréfaskráningu
íslands hf. í samræmi við ákvörðun
stjórnar Granda hf. þar að lútandi.
Þar af leiðandi verða engin viðskipti
með hlutabréf félagsins þann dag.
Frá þeim tíma ógildast hin áþreifan-
legu hlutabréf í fyrirtækinu í samræmi
við ákvæði laga og reglugerðar um
rafræna eignarskráningu verðbréfa.
Nánar tilgreint verða öll hlutabréf í
Granda hf. tekin til rafrænnar skrán-
ingar en þau eru auðkennd sem
A raðnúmer 1-58, B raðnúmer 1-7,
C raðnúmer 1-232, D raðnúmer 1-
6374, E raðnúmer 1-392, F raðnúmer
1-557, G raðnúmer 1-242, H rað-
númer 1-386 og I raðnúmer 1-936 og
gefin út á nafn hluthafa.
Þar til rafræna skráningin tekur gildi
verða ný útgefin hlutabréf auðkennd
D 6375 og í áframhaldandi númeraröð.
Útgáfudags er getið á hverju bréfi.
Hér með er skorað á alla eigendur
ofangreindra hlutabréfa sem telja
nokkurn vafa leika á að eignarhald
þeirra sé réttilega fært í hlutaskrá
Granda hf. að staðreyna skráninguna
með fyrirspurn til hlutaskrár Granda
hf., Norðurgarði, 101 Reykjavíkeða
í síma 550 1000. Komi í Ijós við slíka
könnun að eigendaskipti hafi ekki
verið skráð ber eigendum að færa
sönnur á þau gagnvart félaginu fyrir
nefndan dag.
Ennfremur er skorað á alla þá sem
eiga takmörkuð réttindi til ofangreindra
hlutabréfa, s.s. veðréttindi, að koma
þeim á framfæri við fullgilda reiknings-
stofnun, þ.e. banka, verðbréfafyritæki
eða sparisjóð sem gert hefur aðildar-
samning við Verðbréfaskráningu ís-
lands hf, fyrir skráningardag.
Athygli hluthafa er vakin á að hin
áþreifanlegu hlutabréf félagsins verða
ógild sjálfkrafa og því er
ekki þörf á að skila þeim til
félagsins. Jafnframt er vakin athygli
á að ferli rafrænnar skráningar hefur
engin áhrif á möguleika hluthafa til að
eiga viðskipti með hluti sína í félaginu.
Að lokinni rafrænni skráningu þurfa
hluthafar að fela reikningsstofnun um-
sjón með eignarhlut sínum í félaginu
til að geta framselt hluti sína svo sem
vegna sölu eða skipta. Hluthafar munu
fá sendar tilkynningar og reiknings-
yfirlit í samræmi við ákvæði
reglugerðar nr. 397/2000. Hluthöfum
félagsins verður nánar kynnt þetta
bréfleiðis.
STJÓRN GRANDA HF.
GRANDIHF. NORÐURGARÐI, 101 REYKJAVÍK