Árbók Landsbókasafns Íslands - Nýr flokkur - 01.01.1988, Síða 60

60
GRÍMUR M. HELGASON
Bækur Kr., aur.
Karl G. á Gamla-Hrauni á Stokkseyri 4 6,20
Kjartan Guðmundsson Ijósmyndari á Eyrarbakka 6 14,20
Kristinn Þórarinsson bóndi í Naustakoti á Eyrabakka 6 8,20
Magnús Magnússon yngri í Nýjabæ á Eyrarbakka 14 11,50
Maríus Ólafsson í Sandprýði á Eyrarbakka 19 12,80
Sigurður Magnússon smiður á Baugsstöðum 2 3,80
Sigurður Þorvaldsson í Samúelshúsi á Eyrarbakka 5 3,10
Tómas Vigfússon formaður í Garðbæ á Eyrarbakka 2 1,60
Vilhjálmur Einarsson bóndi í Gerðum í Gaulverjabæjarhreppi 6 5,30
Þorbergur Magnússon í Nýjabæ á Eyrarbakka 2 1,00
Þorbjörn Einar Guðmundsson í Einkofa á Eyrarbakka 2 1,10
Þórður Jónsson verslunarmaður á Stokkseyri 12 7,40
Þorkell Þorkelsson vinnumaður á Gamla-Hrauni 8 6,20
Gísla Eiríkssyni frá Birtu í Flóa, smið á Eyrarbakka, var slegin
kistan. Síðan er langur tími.
Því er verr, að ekki verður séð af uppboðsskránni, hve margar
bækur Jóns í Simbakoti voru skrifaðar, en allmargar munu þær hafa
verið. Að minnsta kosti hafa handrituð kver úr safni hans, sem hann
lét sum hver skrifa sjálfur, verið að tínast í handritasafn Landsbóka-
safns allar götur síðan árið 1913, árið eftir uppboðið, rétt eins og þau
leituðu samvista á nýjaleik. Nú eru þau með vissu orðin 20 að tölu og
kunna að vera fleiri, þó að ekki verði það séð af handritaskrám
safnsins. Jón Sigurðsson frá Kaldaðarnesi reið á vaðið árið 1913 og
færði safninu fjögur handrit úr eigu nafna síns,4 en hann hafði
reyndar verið staddur á uppboðinu og keypt 5 bækur, eins og sést á
skránni hér á undan. En það var svo ekki fyrr en 26 árum síðar, að
safninu bættist fimmta handritið, frá Gísla Jónssyni járnsmið í
Reykjavík,5 hið sjötta úr safni Þorleifs J. Jóhannessonar fræðimanns í
Stykkishólmi árið 1944,6 ári síðar tvö úr safni Andrésar Johnssonar í
Ásbúð í Hafnarfirði,7 og árið 1953 bættist hið níunda í hópinn frá
Snæbirni Jónssyni bóksala í Reykjavík.8 Nú leið og beið til ársins
1970. Þá eignaðist Landsbókasafn hið mikla safn handrita Einars
Guðmundssonar bátsmanns á Reyðarfirði, og þar í eru 8 handrit, sem
runnin eru frá Jóni í Simbakoti.9 Sex árum síðar áskotnaðist safninu
átjánda kverið frá Skúla Helgasyni fræðimanni, sem Magnús Odds-
son símstöðvarstjóri á Eyrarbakka vék honum,10 en Skúli heyrði oft
aldrað fólk á Eyrarbakka minnast á Jón í Simbakoti. Hið nítjánda
barst svo safninu með handritum Guðna Jónssonar prófessors árið
1976" og hið tuttugasta að gjöf frá Sigurði Sigurðssyni frá Túni á
Eyrarbakka árið 1984.12 Það má því segja, að handritin 20 hafi verið