Frjáls verslun - 01.04.1977, Qupperneq 53

frá 12/2 fl. til 96/2 fl. Þetta er
ákvarðað í reglugerð nr. 362/
1975, um tollfrjálsan farangur
ferðamanna og farmanna við
komu frá útlöndum. Fer magn-
ið eftir lengd ferðarinnar, að
því er varðar sjómenn. Sumir
þeirra, þ.e. skipstjóri, 1. stýri-
maður, 1. vélstjóri og bryti
fá tvöfaldan skammt eða magn
miðað við aðra skipverja vegna
risnu. Aðrir landsmenn mega
ékki flytja inn áfengan bjór,
sem kunnugt er.
>á er í framangreindri reglu-
gerð að finna ákvæði um toll-
frjálsan innflutning ísl. ferða-
manna, farmanna og flugliða á
öðrum varningi, þ.á.m. tóbaki
og áfengi. Tollfrjáls innflutn-
ingur á tóbaki er frá 100 stk.
af vindlingum til 800 stk., eða
samsvarandi magn af öðru tó-
baki. Á áfengi er magnið frá
3/8 ltr. til 4x3/4 ltr. Tollfrjáls
innflutningur á öðrum varningi
er í krónutölu frá 3.000 til
14.000.
F.V.: — Hvað um starfsmenn
íslensku utanríkisþjónustunn-
ar?
Tollstjóri: — Ekki að öðru
leyti en því, að heimilt er að
veita starfsmönnum utanríkis-
þjónustunnar undanþágu frá
greiðslu aðflutningsgjalda af
bifreið, er þeir flytja heim eftir
a.m.k. þriggja ára samfellt
starf erlendis. Þetta gildir þó
ekki örar en einu sinni á sjö
árum.
F.V.: — Hve fjölmennt lið
vinnur við hið beina tollgæslu-
eftirlit hér á landi?
Tollstjóri: — Um eitt hundr-
að tollgæslumenn eru í fullu
starfi á landinu öllu. Nokkuð
er einnig um það, að lögreglu-
mönnum hefur verið falið toll-
eftirlit á stöðum utan Reykja-
víkur samhliða lögreglustarf-
inu.
F.V.: — Stundum heyrast
raddir um, að tollgæsla víða
úti á landi sé áberandi lakari
en hér í Reykjavík. Er þetta
rétt?
ToIIstjóri: — Það er aðeins
tollgæslan í Reykjavík sem
heyrir undir mitt starf. Það er
því ekki rétt að ég tjái mig um
aðra staði í samanburði við
Reykjavík.
„Sértu velkominn
heim.“
Tollgæslan heldur
um borð í einn
af Fossunum,
nýkominn frá
útlöndum.
Reynslan sýnir að
grannskoðun í
hverju horni um
borð í farskipum
er ekki ástæðulaus.
F.V.: — Eru uppi áform um
að herða tollgæsluna í landinu?
Tollstjóri: — Það eru alltaf
uppi áform um að halda uppi
fullri tollgæslu og reynt er að
herða hana og styrkja eftir
getu. Raunhæfasta efling toll-
gæslu er að mínu mati aukið
samstarf við tollyfirvöld í
helstu viðskiptalöndum okkar
og á því sviði er mikið verk
framundan.
F.V.: Eru smyglmál stærri og
mciri hér á landi en hjá öðrum
þjóðum, t.d. Norðurlandabúum
og er ástæða til að ætla, að við
séum mciri smyglarar en aðrir,
að sjálfsögðu miðað við mann-
fjölda?
Tollstjóri: — Engin könnun
hefur verið gerð á þessu, en
mér segir svo hugur að smygl-
mál séu hér ekkert stærri en
annarstaðar. Auðvitað er þá
miðað við það sem upp kemst.
Annars hef ég orðið þess var að
mikils misskilnings gætir þegar
smygl ber á góma manna á
meðal. Þannig er mönnum
gjarnt að telja að smygl sé að
aukast ef ört kemst upp um
smygltilraunir. Það segir auð-
vitað litla eða enga sögu um
það, sem í gegn kemst og er þar
með oi’ðið raunverulegt smygl.
Nei ég held að við íslendingar
séum ek'kert meiri smyglarar
en þegnar annarra þjóða. Hér
skiptir miklu fyrir stjómvöld
sem reglurnar setja, að hafa
þær þannig, að ekki særi rétt-
lætiskennd manna. Reglur, sem
stríða gegn heilbrigðu almenn-
ingsáliti eru slæmar reglur og
ekki til þess fallnar að eiga sér
langa lífdaga. Þær laða fólk til
að víkja sér undan þeim og
gerast þar með lögbrjótar. Það
er því mikilvægt, að stjórnvöld
beri gæfu til að rata hér hinn
gullna meðalveg, setja reglur,
sem eru ákveðnar án þess að
vera ósanngjarnar.
FV 4 1977
53