Frjáls verslun - 01.01.1992, Side 30

RIKIDÆMI
FJÁRHAGUR EVRÓPSKRA KÓNGA OG DROTTNINGA
ER MJÖG MISJAFN EFTIR LÖNDUM
TEKJUR TIGNA FÓLKSINS
Flestir ímynda sér eflaust að
kóngar og drottningar viti ekki aura
sinna tal og vissulega er eðalborið
fólk yfirleitt vel efnað. En það er
mikill munur á auðæfum og aðstæð-
um þessa fólks eins og fram kemur í
meðfylgjandi upplýsingum um efna-
hag evrópsks kóngafólks.
BRETLAND:
Elísabet Englandsdrottning er talin
vera ríkasta kona í veröldinni en nákvæm-
ar tölur um eignir hennar Iiggja ekki á
lausu.
Karl Bretaprins er líka afskaplega vel
stæður. Sem dæmi má nefna að hagnaður-
inn af hinum gífurlegu eignum hans, einn
og sér, nemur rúmum 300 milljónum
króna á ári. Hann hefur því tæpa milljón í
tekjur á hverjum einasta degi. Prinsinn
greiðir árlega tæpar 80 þúsund krónur í
svokallaðan nefskatt og hann tók sjálfur
upp á því að greiða um 77 milljónir króna á
ári í tekjuskatt.
Hvorki Karl né Díana prinsessa, eigin-
kona hans, fá laun frá ríkinu. Þau verða
sjálf að sjá um að greiða viðhald á heimili
sínu og laun starfsmanna sinna en þeir eru
um eitt hundrað talsins.
BELGÍA:
Baudouin Belgíukonungur greiðir
skatt af einkaeignum sínum og þegar þar
að kemur mun arftaki hans líka þurfa að
greiða af þeim erfðaskatt. Konungurinn
greiðir hins vegar engan skatt af launun-
um, sem hann fær frá ríkinu, en þau nema
rúmlega 140 milljónum króna á ári.
Ástæðan er sú að fjármunina notar Baud-
ouin til þess að greiða laun starfsliðs síns
og viðhald tveggja halla í Brussel.
TEXTI: JÓNÍNA LEÓSDÓTTIR
Elísabet II Englandsdrottning er
talin ríkasta kona í heimi.
Nánasta flölskylda kóngsins er á launa-
skrá hjá ríkinu en lifir einnig af leigutekjum
af ýmsum húseignum og landareignum.
DANMÖRK:
Margrét Danadrottning fær árlega frá
ríkinu um 300 milljónir íslenskra króna.
Einkaeignir hennar eru síðan taldar nema
um 900 milljónum sem þykir afskaplega
lítið meðal fólks með blátt blóð í æðum.
Drottningin þarf ekki að greiða tekjuskatt
en hún verður að greiða öllu starfsfólki
laun og sjá að nokkru leyti um viðhald kon-
ungshallarinnar og annarra „konunglegra"
húseigna.
Nokkrar einkahallir eru í eigu dönsku
konungsfjölskyldunnar ásamt landareign í
suður Frakklandi. Það þykir hins vegar
lítið ríkidæmi í samanburði við kóngafólk í
öðrum Evrópulöndum.
H0LLAND:
Beatrix Hollandsdrottning er talin
þriðja ríkasta kona veraldar. Einkaeignir
hennar nema hvorki meira né minna en
rúmlega 250 milljörðum íslenskra króna!
Árlega greiðir ríkið drottningunni um 200
milljónir og eiginmaður hennar, Claus
prins, fær um það bil 40 milljónir á hverju
ári. Hollenski krónprinsinn, Willem Alex-
ander, fær síðan frá hinu opinbera örlítið
hærri upphæð en faðir hans.
Eitthvað af þessum peningum fer þó
aftur í ríkiskassann því Beatrix greiðir
skatt en það er hemaðarleyndarmál um
hvaða upphæðir er þar að ræða. Hins veg-
ar hefur hollenska þingið veitt henni und-
anþágu frá því að greiða tekjuskatt af fyrr-
nefndum 200 milljónum frá ríkinu.
Ríkið greiðir laun hins konunglega
starfsliðs og sér algjörlega um viðhald á
höllum fjölskyldunnar.
NOREGUR:
Haraldur Noregskonungur er fremur
fátækur á kóngavísu. Samt eru einkaeign-
ir hans, sem hann erfði eftir Ólaf föður
sinn, metnar á 16 milljarða ísienskra
króna. M.a. er um að ræða landareignir í
Bretlandi — t.d. í Skotlandi, Hampshire
og Sussex — að verðmæti um 6 milljarða.
Einnig á Haraldur sjö hús í Noregi og hann
hefur íjárfest rúmar fimmtíu milljónir
króna í sænskum fyrirtækjum.
Noregskonungur greiðir ekki skatta og
því ættu laun hans frá ríkinu, um 190 millj-

wmrnmmmmmmm
64