Lesbók Morgunblaðsins - 27.02.1999, Blaðsíða 12

INNFÆDDIR fá sér að borða á gangstéttum þar sem örlitlir krókar eru nýttir til
veitinga. Neðri myndin: Hér er hægt að borða fyrir lítið. Fjölbreytnin í ávaxta-
framboðinu er með ólíkindum.
DÆMIGERÐ taílenzk íbúðarhús. Að ofan: Hús á staurum eins
og lýst er í greininni og að neðan: Þannig byggja menn á
bökkum fljóta og skurða. Þá er eins víst að enginn vegur eða
gata sé að húsinu og fólkið fer ferða sinna í bátum.
BÚSTAÐIR á Kwai-fljótinu. Húsin eru úr bambus og standa á flekum.
í „RÉTTUNUM", þ.e. á börunum þar sem vændið er fyrir opnum tjöldum. Flestar stúlknanna
eru kornungar og oftast eru þær veiddar í þessa gildru í fátækum þorpum norður í landi.
félaga Reebok og Nike. Þar er prúttað og
þykir sjálfsagt að koma ásettu verði niður um
helming.
A öðrum stað gefst kostur á að líta inn í
húsgagnaverksmiðju. Ef það væri vélvætt
verkstæði á vestræna vísu hefðu víst fáir
áhuga á því. En hér er allt með öðrum og
hljóðlátari brag. Sú hefð að skera út húsgögn
er rótgróin norðar í landinu og þaðan er
handverksfólk, konur og karlar, ráðið og
sker út í ákvæðisvinnu, en hlutirnar fara
jöfnum höndum á innanlandsmarkað og til
útlanda.
Hér þarf engin vinnuborð því útskurðar-
fólkið situr yfirleitt á gólfínu við vinnu sína.
Flestir voru að vinna við borðplötur með gíf-
urlega flóknum útskurði; hér þarf austur-
lenzka þolinmæði og mjúkan við sem ekki
kvámast úr. Hvorttveggja er fyrir hendi og
hefðin að auki. Sumir unnu beinlínis að gerð
stórra útskurðarmynda; mótífið taflenzkur
skógur og fílar. Þeir voru búnir að grafa svo
langt inn í efniviðinn að
myndirnar voru nánast
orðnar þrívíðar. Fram-
leiðslan var svo til sýnis í
stórum sýningarsal og þar
mátti m.a. sjá útskorið
sófasett, 4 stóla, sófa og 3
borð. Verðið var 600
Bandaríkjadalir eða um
420 þús. íslenzkar krónur.
Leiðin liggur vestur á
landið og nú taka að rísa
fjöll sem öll eru vaxin ein-
hverjum viði upp á brúnir
en liturinn er fölur; ann-
aðhvort er það eðlilegur
litur vetrarins og köidu
árstíðarinnar, eða að hann
er til kominn af ónógri úr-
komu. Eftir fjalldölum
óralangt úr norðri fellur
Kwai-fljótið í tveim kvísl-
um sem sameinast sunnar í landinu. Nafnið á
fljótinu hljómar ennþá kunnuglega þótt liðn-
ir séu um það bil fjórir áratugir síðan kvik-
myndin um brúna yfír Kwai-fljótið var sýnd
við góðar undirtektir og mörgum er eftir-
minnileg frammistaða Alecs Guinness í
myndinni. Við komum síðar að brúnni yfír
Kwai-fljótið, það er að segja þeirri brú sem
þar er nú.
Ekki síður en myndin verður gististaðurinn
við fljótið eftirminnilegur; herbergin á
prömmum meðfram háum bakka fljótsins og
ekkert rafmagn. Aðeins fær gesturinn með
sér eina olíulugt og þess konar lugt notaði ég
síðast við gegningar á beitarhúsum á mínum
yngri árum. En rúmið var gott og maður sofn-
aði vært við sefandi skvampið frá straumi
fljótsins undir prammanum. Kyrrðin var þó
oft rofin þegar bátar fóru framhjá með gaura-
gangi og háværum vélargný og pramminn
ruggaði í smástund á eftir.
I morgunljómanum fór umferðin á fljótinu
vaxandi. Þrír og fjórir yfirbyggðir prammar
bundnir saman og einn smábátur streittist
við að draga þá móti straumnum. Um borð
voru Taílendingar og mikill fögnuður ríkj-
andi; fólkið þó að því er virtist í vinnufötum.
En nú var það ekki á leið til vinnu, heldur í
árlega skemmtisiglingu sem tekur einn dag
og fyrirtæki efna til í stað þess að greiða
bónus.
Ferðaþjónustan býður ferðamönnum hins
vegar upp á þá upplifun að ganga undir nátt-
úrulega sturtu; nefnilega volgan foss sem fell-
ur fram af fjögurra metra hárri bergbrún og
út í fljótið. Þetta er svona hliðstæða við Bláa
lónið. Farþegar bregða sér í sundföt og
prammanum er einfaldlega bakkað undir
fossinn.
Framhald í næstu Lesbók.
KRISTINN GÍSLI
AMGNÚSSON
TORG-
KLUKKAN
Svo langt sem liðið er
leit ég hana velkomna
kassalagaða
klukkuna á Lækjartorgi
himnesks friðar
langt frá Kína
Éggekk þar
nýjum sporum í gær
ofan í þessi gömiu góðu
og varð ekki meint af
Annað hvort væri
eftir allt tilstandið
kringum þá gömlu
sem siær
hávaðalaust
Ég horfí upp til hcnnar
gamail maðurinn
hættur að hlaupa við fót
þennan stað stundvísi
strætisvagna.
Höfundurinn er skóld í Reykjavík og prenlari
ó eftirlaunum.
UNNUR
BJARKLIND
LITLA
BARN
Amma kveður við rúmið þitt.
Ljúflingslög.
Og þú brosir
og augun þín
búa yfír leyndarmáii ástarinnar.
Litla barn.
Þú ert arabísk nótt
og þig dreymir um frið
og bjartar nætur á íslandi,
þar sem mamma þín fæddist
og þú fæðist
til að sameina alla menn
í friði,
þegar fyrstu snjókornin falla,
og sítrustréð biómstrar í austri.
Litla barn.
Þú ert austur og vestur.
Þú ert dulúð Austurianda,
og norðurljós vestursins.
Veistu, að Abraham er í blóði þínu,
og aftur kemur Melkorka íþér?
Þú ert friðardúfa.
Litla barn.
Þegar þú fæðist
breytast tár mín
ífailegar periur
handa þér.
Höfundurinn er amma í Reykjavík.
1 2 LESBÓK MORGUNBLAÐSINS ~ MENNING/LISTIR 27. FEBRÚAR 1999