Alþýðublaðið - 11.11.1989, Blaðsíða 5
Laugardagur 11. nóv. 1989
5
ÍÞRÓTTAVIÐBURÐIR FYRRITÍMA
Fyrsta maraþonhlaup Ólympíuleikanna:
Sigur gríska kotbóndans
Þegar undirritaður sat aðalfund Evrópusambands Ólympíu-
nefnda í síðasta mánuði í Aþenu ásamt Sveini Björnssyni. Fór ekki
hjá því að rætt væri um leikana 1996, en þá er 100 ára afmæli nú-
tíma Ólympíuleika, sem fyrst fóru fram í Aþenu. Grikkir hafa sótt
um að fá að sjá um framkvæmd leikanna 1996 ásamt fleiri aðilum.
Gríska undirbúningsnefndin bauð fulltrúunum til kynningarfund-
ar vegna umsóknarinnar og skýrði frá mannvirkjagerð og fleiri
atriðum, sem fyrirhuguð eru, hvort sem Aþena fær leikana 1996
eða ekki. Eitt af því, sem talsmaður nefndarinnar skýrði frá, var að
ákveðið hefði verið að hin hefðbundna maraþonleið yrði hlaupin.
En hver er hún? Eins og margir vita var það hið nafnfræga hlaup
gríska hermannsins Feidippides, sem varpaöi af sér þungum her-
klæðum eftir orrustuna á Maraþonvöllum og færði Aþenubúum
fréttirnar af sigrinum yfir Persum, en hné síðan örendur niður af
mæði. Viö skulum nú rifja upp fyrsta maraþonhlaup Ólympíuleik-
anna.
Þegar Grikkinn Spiridon Louis birtist á leikvanginum i lok maraþonhlaupsi ns fór allt á annan endann. Grísku prins-
arnir, Konstantín og Georg hlupu niöur úr konungsstúkunni til móts við Louis og fylgdu honum eftir að merkinu.
Það var franskur háskólakenn-
ari, Michel Bréal, sem skrifaði
upphafsmanni Ólympíuleikanna,
Pierre de Coubertin bréf 1895, þai
sem hann vakti athygli hans á um-
ræddu hlaupi. Það var tillaga
hans, að tekin væri upp keppni í
nýju hlaupi, sem bæri nafnið
maraþonhlaup, til minningar um
hreystiverk Feidippidesar. Coub-
ertin var fljótur að koma auga á
táknrænt gildi þessarar uppá-
stungu og fékk því til vegar komið,
að hlaupið var sett á dagskrá
Ólympíuleikanna.
Sendiboðar á gæðingum
Fyrstu Ólympíuleikarnir þóttu
takast með miklum ágætum, fjöl-
menni á Averoff-leikvanginum
hvern dag og sigurvegurunum
fagnað innilega. En þó bar einn
skugga á gíeðina; engum grískum
íþróttamanni hafði enn tekist að
bera sigur úr býtum. Maraþon-
hlaupið var síðasta von þeirra,
enda þótt við öfluga keppinauta
væri að etja. í þessu hlaupi varð
Grikki að sigra. Þar lá við þjóðar-
sómi.
Hlaupið fór fram 10. apríl, og
leiðin var sú sama, sem Feidippid-
es hafði hlaupið 2386 árum áður
— þjóðvegurinn frá Maraþon til
Aþenu. Stemmningin var stór-
kostleg og meðfram leiðinni úði
og grúði af eftirvæntingarfullu
fólki. Ýmsir buðu hlaupurunum
matarbita eða drykk, til að svala
þorsta hlauparanna, sem ekki var
vanþörf á í brennandi sólarhitan-
um. Sendiboðar úr gríska hernum
þeystu á eldfljótum gæðingum
með jöfnu millibili með fréttir af
hlaupinu til þúsundanna, sem
biðu óþreyjufullir á leikvanginum
í Aþenu.
Grikkir taka forystuna
Þátttakendur voru 25 talsins og
þeirra á meðal Ástralíumaðurinn
E.H. Flack, Bandaríkjamaðurinn
Arthur Blake og Frakkinn A.
Lermusiaux, en;hlutu verðlaunin í
1500 metra hiaupinu.
Frakkinn tók strax forystuna og
var í fararbroddi lengst af. Þegar
Lermusiaux kom í þorpið Pikermi
var honum vel fagnað af grískum
bændum og jafnvel krýndur lár-
viðarsveig, þeir töldu víst að þar
færi sigurvegarinn. En það var
öðru nær, því að skömmu síðar
geystust Blake og Flack fram úr
Frakkanum. Þeir háðu harða bar-
áttu um forystuna og þar varð
Flack hlutskarpari og skömmu
síðar gafst Blake upp.
Grísku áhorfendurnir á Ólymp-
íuleikvanginum voru nú orðnir úr-
kula vonar um, að landar sínir í
hópi keppenda ætluðu yfirleitt
nokkuð að láta til sín taka. Flestir
reiknuðu með að sjá eriendan sig-
urvegara skeiða inn á völlinn á
hverri stundu. En þá kom sendi-
boði með frétt, sem hleypti öllu í
uppnám. Er fáeinir kílómetrar
voru til Aþenu, hafði ungur grísk-
ur geitahirðir, Spiridon Louis náð
Flack og tekið forystuna, og eigi
alllangt á eftir honum komu tveir
landar hans, Vassilakos og Velok-
as.
Prinsarnir hlupu með
kotbóndanum
Mannfjöldinn beið í miklu of-
væni í nokkrar mínútur og það
ríkti dauðaþögn á leikvanginum.
En þegar Spiridon Louis birtist, fór
allt á annan endann og fagnaðar-
lætin voru ólýsanleg. Grísku prins-
arnir, Konstantín og Georg, hlupu
niður úr konungsstúkunni til móts
við Louis og fylgdu honum eftir að
markinu.
Áhorfendur risu allir úr sætum
sínum og sumir ruddust jafnvel út
á völlinn, til að komast sem næst
sigurvegaranum. Troðningurinn i
kringum sigurvegarann var svo
mikill, að ekki var við neitt ráðið,
fyrr en prinsarnir báru hann á
gullstóli út úr mannþrönginni.
Tími Loúis var 2:58:50.
Spiridon Louis, fátæki kotbónd-
inn frá Amarussi, varð ekki aðeins
hetja í augum grísku þjóðarinnar,
— hann varð heimsfrægur maður
og skráði nafn sitt gylltu letri í
sögu Ólympíuleikanna.
Griski geitahirðirinn Spiridon Lou-
is, kotbondinn frá Amarussi, sem
varö hetia grísku þjóðarinnar og
skráði nafn sitt gylltu letri í sögu
Ólympiuleikanna eftir sigurinn i
fyrsta maraþonhlaupi leikanna.
Örn Eidsson
skrifar
EINDAGINN
ER 15.
HVERS MÁNAÐAR
Launagreiðendum ber að skila afdreg-
inni staðgreiðslu af launum og reikn-
uðu endurgjaidi mánaðarlega. Skilin
skulu gerð eigi síðar en 15, hvers mán-
aðar.
Ekki skiptir máli í þessu sambandi
hversu oft í mánuði laun eru greidd né
hvort þau eru greidd fyrirfram eða
eftirá.
Með skilunum skal fylgja greinar-
gerð á sérstökum eyðublöðum, „skila-
greinum", blátt eyðublað fyrir greidd
laun og rautt fyrir reiknað endurgjald.
Skilagrein ber ávallt að skila einnig þó
svo að engin staðgreiðsla hafi verið
dregin af í mánuðinum.
Allar fjárhæðir skulu vera í heil-
um krónum.
Gerlð skil tímanlega
RSK
RfKISSKATTSTJÓRI