Morgunblaðið - 10.01.2001, Blaðsíða 12
FRÉTTIR
12 MIÐVIKUDAGUR 10. JANÚAR 2001 MORGUNBLAÐIÐ
FÉLAGAR í Flugklúbbi Mosfellsbæjar stóðu síð-
astliðinn sunnudag fyrir skemmtiflugi og fóru að
þessu sinni ekki mjög langt, héldu að Hafravatni.
Þar var unnt að lenda á ísi lögðu vatninu í blíð-
skaparveðri. Eigendur TF-ULF buðu þátttak-
endum upp á kaffi og kökur á staðnum. Allar
lendingar og öll flugtök tókust vel og höfðu
félagar á orði að frosið vatnið væri mun sléttara
en yfirborð sumra flugbrauta.
Morgunblaðið/Haukur Snorrason
Ísinn á Hafravatni var sléttur og hentaði vel sem lendingarstaður.
Íslendingar á Hafravatni
TILBOÐ voru opnuð í viðamikil viðgerðarverk-
efni á varðskipunum Ægi og Tý hjá Ríkiskaup-
um í fyrradag. Alls bárust 7 tilboð í hvort skip
fyrir sig, en lægsta tilboðið í bæði verkin kom
frá BP Skipum og pólsku skipasmíðastöðinni
Centromor. Tvær íslenskar skipasmíðastöðvar
sendu inn tilboð í verkin. Vélsmiðja Orms og
Víglundar átti fjórða lægsta tilboðið, en tilboð
Stáltaks var næsthæst. Samtök atvinnulífsins
og Félag járniðnaðarmanna segja að lægsta til-
boðið í útboðinu kunni ekki endilega að vera
það hagstæðasta því mikilvægt sé að reikna inn
í dæmið allar tekjur ríkisins af því að vinna
verkið hérlendis, t.d. skatttekjur.
Tilboð BP Skipa og Centromor hljóðaði upp
á rúmar 57 milljónir í hvort skip en hæsta til-
boðið kom frá Skipasmiðju Færeyja og hljóðaði
upp á um 96 milljónir í hvort skip. Vélsmiðja
Orms og Víglundar bauð rúmar 77 milljónir í
breytingar á Ægi og rúmar 79 milljónir í breyt-
ingar á Tý, en Stáltak bauð tæpar 90 milljónir í
hvort skip fyrir sig.
Áætlað er að skipin fari í viðgerð á þessu ári.
Breytingarnar fela m.a. í sér að tvö stýri verða
sett á skipin í stað eins til að bæta meðfæri-
leika þeirra, auk þess sem að brúin verður
lengd aftur og uppsetningu búnaðar í brúnni
verður breytt.
Mismunun starfsstétta
og fyrirtækja á Íslandi
Aðilar í íslenskum skipasmíðaiðnaði hafa beð-
ið niðurstöðu útboðsins með eftirvæntingu enda
eru skipasmíðastöðvar hér á landi verkefnalitl-
ar og fást aðallega við almennar viðgerðir. Þeg-
ar hefur komið til uppsagna hjá Stáltaki sem er
stærsta skipasmíðatöðin hérlendis. Skipasmíða-
iðnaður hefur átt í harðri samkeppni við er-
lendar skipasmíðastöðvar, einkum þá í Kína og
Chile, og í dag er staðan þannig að 95% af allri
nýsmíði fer fram erlendis.
Samkvæmt upplýsingum frá Samtökum iðn-
aðarins eru 16 skip, stór og lítil, í smíðum í
Kína og 4–5 í Chile. Einu nýsmíðaverkefnin
hérlendis eru hjá Ósey í Hafnarfirði, en þar eru
í smíðum lóðsbátur og 300 tonna alhliða fiski-
skip, sem boðið var út á alþjóðlegum markaði.
Ingólfur Sverrisson, deildarstjóri hjá Sam-
tökum iðnaðarins, segir það ákaflega alvarlegt
mál að verið sé að flytja út verkefni á sama
tíma og lítið sé að gera í skipaiðnaði hérlendis
og menn neyðist þar til að segja fólki upp.
„Það eru ekki allir sem skilja hvað þetta er
alvarlegt. Þetta er raunverulega mismunun
starfsstétta og fyrirtækja á Íslandi, þ.e. mis-
munun á milli þeirra fyrirtækja sem vita að þau
fá verkefni hvernig sem á stendur og svo hinna
sem að þurfa að standa í þessari opnu sam-
keppni.“
Reikna þarf tekjur ríkisins
við að vinna verkið hérlendis
Að sögn Ingólfs áttu fulltrúar frá Samtökum
iðnaðarins nýlega viðræður við stjórnvöld, bæði
við iðnaðarráðherra og dómsmálaráðherra, þar
sem farið var fram á að við úrvinnslu tilboð-
anna yrði leitað allra leiða til að taka tillit til ís-
lensku útboðsaðilanna, úr því að ekki voru sett
ákvæði í úboðslýsingu sem takmörkuðu aðgengi
erlendra aðila. Ingólfur telur nauðsynlegt að ís-
lenskar skipasmíðastöðvar verði jafn réttháar
og þær erlendu, t.d. gagnvart niðurgreiðslum í
skipaiðnaði erlendis, hvort sem stjórnvöld nið-
urgreiði verkið beint eða taki tillit til þess við
ákvörðun á hagstæðasta tilboðinu.
Þá segir Ingólfur mikilvægt að reikna inn í
dæmið allar tekjur ríkisins af því að vinna
verkið hér á landi og finna þannig hagstæðasta
tilboðið, sem þurfi ekki endilega að vera það
lægsta sem birtist í útboðinu.
„Finna þarf út hverjar tekjur ríkisins eru af
þessu verki og fara vandlega yfir alla fleti í því
máli og reikna til enda af hálfu ríkisins hverju
það tapar í tekjum, ásamt viðkomandi sveit-
arfélagi sem hefur starfsemina innan sinna yf-
irráða.“
Félag járniðnaðarmanna skorar á stjórnvöld
að láta viðgerðir og endurbætur á varðskip-
unum Ægi og Tý fara fram hér á landi þrátt
fyrir að skipasmíðastöðvar í Póllandi og á
Spáni hafi gert mun lægri tilboð í verkið í út-
boði sem efnt var til.
Á annan tug starfsmanna
þegar verið sagt upp
Í ályktun, sem Félag járniðnaðarmanna hef-
ur sent frá sér, segir að undanfarna mánuði
hafi skipastöðvar á Íslandi verið verkefnalitlar
vegna undirboða erlendra fyrirtækja í skipa-
viðgerðir og smíði. Á annan tug starfsmanna
hafi þegar verið sagt upp starfi. Verði ekkert
að gert muni það leiða til sömu stöðu og fyrir
áratug þegar fyrirtæki í skipaiðnaði komust í
þrot og atvinnuleysi blasti við hundruðum
starfsmanna í greininni.
„Lægsta íslenska tilboðið í viðgerðir á báðum
skipunum er um 157 milljónir en pólska tilboðið
hljóðaði upp á um 115 milljónir. Mismunurinn
er því um 42 milljónir. Í þessu efni er þó ekki
allt sem sýnist. Til viðbótar tilboðsverði kemur
talsverður kostnaður vegna siglingar skipanna,
ferða- og uppihaldskostnaðar vegna eftirlits er-
lendis og samkvæmt venju ýmsar lagfæringar
þegar skipin koma aftur heim. Ríki og sveit-
arfélög verða af skatttekjum frá fyrirtækjum
og einstaklingum og atvinnuleysisbætur kosta
sitt þótt lágar séu,“ segir í ályktuninni.
Segir þar einnig að þjóðhagsleg hagkvæmni
af framkvæmd hérlendis felist í því að hún skili
ríkissjóði og sveitarfélögum a.m.k. 35 millj-
ónum í skatttekjur og sparnaður vegna at-
vinnuleysisbóta gæti verið um 20 milljónir.
Pólverjar með lægsta tilboð í breytingar á varðskipunum Ægi og Tý
Stjórnvöld láti vinna
verkið hér á landi
TÆPLEGA 7.300 manns höfðu
skrifað undir undirskriftalista á Net-
inu til stuðnings tvöföldunar Reykja-
nesbrautar. Boðað hefur verið til
borgarafundar í Stapa í Keflavík á
morgun, 11. janúar, 20 þar sem þetta
mál verður til umræðu.
Að undirskriftasöfnuninni stendur
áhugahópur um tvöföldun Reykja-
nesbrautar. Hópurinn krefst þess að
tvöföldun Reykjanesbrautar verði
sett á Vegaáætlun fyrir árin 2002–
2006, að umhverfismati verði lokið
árið 2001 og hönnun og framkvæmd-
ir hefjist í síðasta lagi snemma árs
2002 og ljúki ekki síðar en árið 2004.
Borgarafund-
ur um tvöföld-
un Reykja-
nesbrautar
TALSVERÐAN reyk lagði frá
Lindahverfi og yfir Smárann í Kópa-
vogi í gær eftir að kveikt var í jóla-
trjám sem starfsmenn Kópavogs-
bæjar höfðu safnað saman á
uppfyllingu í Leirvogsdal.
Um var að ræða lítinn hluta af
jólatrjám Kópavogsbúa og ekki
þurfti að kalla til slökkvilið til að
slökkva eldinn. Ekki stóð til að
kveikja í trjánum heldur kurla þau
niður til landgræðslu.
Kveikt
í jólatrjám
SAMKVÆMT íbúaskrá þjóðskrár
1. desember 2000 voru 87,8% íbúa í
þjóðkirkjunni. Þetta kemur fram í
upplýsingum frá Hagstofu Íslands.
3,9% landsmanna tilheyrðu frí-
kirkjum, 3,8% öðrum skráðum trú-
félögum, 2,2% óskráðum trúfélög-
um og með ótilgreind trúarbrögð
og 2,2% voru utan trúfélaga. Hlut-
fall sóknarbarna í þjóðkirkjunni
hefur lækkað frá því 1. desember
1999, en þá var það 88,7%.
Í þjóðskrá er skráð aðild að
þjóðkirkjunni og hverju trúfélagi
sem dóms- og kirkjumálaráðuneyt-
ið hefur skráð. Þeir sem eru í
óskráðum trúfélögum eða trúfélög-
um sem upplýsingar vantar um
teljast með liðnum „óskráð trúfélög
og ótilgreint“ og utan trúfélaga
teljast þeir sem hafa skráð sig
þannig. Nýfædd börn eru talin til
trúfélags móður. Einstaklingar
sjálfir eða forsjármenn barna yngri
en 16 ára tilkynna um skipti á trú-
félagi.
Betanía bættist við
Sú breyting hefur orðið á trú-
félögum síðan í fyrra, að dóms- og
kirkjumálaráðuneytið skráði trú-
félagið Betaníu í október sl.
Samkvæmt lögum um sóknar-
gjöld skilar ríkissjóður ákveðnum
hluta tekjuskatts til þjóðkirkju-
safnaða, skráðra trúfélaga og Há-
skólasjóðs. Þessi fjárhæð, sem
nefnd er sóknargjald, er reiknuð
þannig að fyrir hvern þann sem
orðinn 16 ára hinn 31. desember
árið áður en gjaldár hefst er
greidd tiltekin upphæð. Þegar
gjaldinu er ráðstafað til þjóðkirkju-
safnaða og trúfélaga er miðað við
lögheimili og skráningu fólks í trú-
félög 1. desember árið áður en
gjaldár hefst.
Gjaldið er svo greitt til safnaðar
þeirra sem eru skráðir í þjóðkirkj-
una, skráðs trúfélags einstaklinga
sem eru ekki í þjóðkirkjunni og
Háskóla Íslands vegna einstaklinga
sem standa utan trúfélaga eða eru
í trúfélagi sem ekki hefur hlotið
skráningu.
87,8%
tilheyra
þjóðkirkj-
unni
♦♦♦
♦♦♦