Morgunblaðið - 19.05.2001, Blaðsíða 2

Þórsarar héldu uppteknum hætti
í grannaslag á Akureyri B/3
Alfreð Gíslason lokaði
á f́jölmiðla B/1
4 SÍÐUR16 SÍÐUR
Á LAUGARDÖGUM
FRÉTTIR
2 LAUGARDAGUR 19. MAÍ 2001 MORGUNBLAÐIÐ
VEÐRIÐ lék við þessi hross á Eyvindarmúla í Fljóts-
hlíðinni þegar ljósmyndari Morgunblaðsins átti þar leið
hjá. Folaldið er farið að fóta sig vel, og gott betur en
það, því það virðist vera í danssveiflu þar sem það klór-
ar sér á kviðnum. Foreldrarnir láta sér þó fátt um finn-
ast og halda áfram að bíta gras.
Morgunblaðið/RAX
Hross í sveiflu á Suðurlandi
HÉRAÐSDÓMUR Reykjavíkur
frestaði í gær að ákveða refsingu yfir
átján ára gömlum pilti sem ákærður
var fyrir líkamsárás gegn karlmanni
á fimmtugsaldri. Pilturinn „skallaði“
manninn einu sinni, þ.e. veitti honum
högg með andlitinu, með þeim afleið-
ingum að maðurinn féll aftur fyrir
sig og skall með höfuðið í götuna.
Áverkarnir sem hann hlaut við fallið
leiddu til stýritruflana í heila. End-
anlegt mat lækna um heilsutjón
mannsins liggur hins vegar ekki
fyrir. Því var fallið frá bótakröfu af
hálfu hans að upphæð rúmlega 7,3
milljónir króna að svo stöddu.
Haldi pilturinn skilorð í þrjú ár
fellur refsingin niður.
Árásin átti sér stað í maí í fyrra.
Vitni sögðu að eftir höggið hefði
maðurinn fallið aftur fyrir sig og lent
fyrst á hnakkanum án þess að aðrir
líkamshlutar tækju fyrst við fallinu.
Maðurinn missti meðvitund og var
fluttur á slysadeild Landspítala – há-
skólasjúkrahúss í Fossvogi.
Skömmu síðar var hann fluttur á
gjörgæsludeild enda talinn í lífs-
hættu. Þaðan fór hann í endurhæf-
ingu. Í framburði læknis á Grensás-
deild kom fram að þremur mánuðum
eftir árásina var maðurinn með
stýritruflanir í heila sem lýstu sér
aðallega í frumkvæðisleysi, minni
virkni til orðs og æðis og einbeiting-
arskorti. Þá hafði hann skert innsæi í
eigin fötlun og gerði sér ekki grein
fyrir hversu hægur og frumkvæðis-
laus hann væri orðinn. Minnið hafði
einnig svikið hann.
Hefur hafið greiðslu skaðabóta
Pilturinn hefur játað að hafa veitt
manninum höggið sem varð til þess
að hann féll í götuna. Hann bar að
sér hefði staðið ógn af manninum
sem hefði verið mjög drukkinn. Pilt-
urinn sagðist hafa verið hræddur við
manninn og því slegið hann. Í nið-
urstöðum dómsins segir að af fram-
burði vitna megi ráða að maðurinn
hafi verið svo ölvaður að hann hafi
verið lítt til átaka fallinn. Hann hafi
því litlum vörnum komið við fyrir-
varalausri árás piltsins. Í dómnum
segir að við ákvörðun refsingar verði
að líta til þess að pilturinn hafi ekki
haft réttmæta ástæðu til þess að
ætla að afleiðingar af árásinni yrðu
svo afdrifaríkar sem raun ber vitni.
Þá hafi hann boðist til að greiða
manninum skaðabætur og hafið
greiðslur þeirra. Ágreiningur er hins
vegar um upphæð enda um miklar
fjárhæðir að ræða.
Í aðgerð rúmum þremur stund-
um eftir komu á slysadeild
Í dómnum kemur fram að mað-
urinn kom á slysadeild um kl. 6 að
morgni 13. maí í fyrra. Hann var þá
með áverka á vör og blóð í nösum og
blóðsamansafn á hnakka. Sneið-
mynd var tekin af höfði hans um
þremur klukkustundum síðar og í
kjölfarið var gerð bráðaaðgerð á
honum sem fólst í því að opna höfuð-
kúpuna og hleypa blóði út.
Heila- og taugaskurðlæknir á
slysadeild Landspítala – háskóla-
sjúkrahúss í Fossvogi var fyrir rétti
spurður að því, hvort þarna hefði lið-
ið óeðlilega langur tími á milli. Hann
svaraði því til að starfsfólk á slysa-
deild hefði með nokkrum rétti talið
manninn dauðadrukkinn, en hann
hefði hreyft sig eðlilega og t.d. tekið
af sér súrefnisgrímu sjálfur. Maður-
inn hefði fyrst sýnt einkenni um að
eitthvað væri að eftir röntgen-
myndatöku af hálsliðum. Þegar hann
var spurður um hvort batalíkur
mannsins hefðu aukist ef aðgerðin
hefði verið gerð strax sagði hann það
almenna reglu varðandi skaða á mið-
taugakerfi að því fyrr sem gripið
væri inn í því betra. Læknirinn sagði
að aðgerð af þessu tagi þyrfti að gera
sem fyrst en eftir fjóra tíma ykist
dánartíðni mjög hratt. Hann sagðist
fullviss um að hefði aðgerðin ekki
verið gerð hefði maðurinn látist.
Valtýr Sigurðsson héraðsdómari
kvað upp dóminn.
Dómur frestaði ákvörðun refsingar
Hlaut alvarlega
áverka á heila
FYRIRHUGAÐ verkfall Félags ís-
lenskra hjúkrunarfræðinga 30. og
31. maí mun aðallega valda röskun
á göngu- og dagdeildum og skurð-
stofum á Landspítala – háskóla-
sjúkrahúsi. Áfram verður veitt
bráðaþjónusta. Næsti fundur í
kjaradeilunni verður næstkomandi
mánudag.
Á vegum hjúkrunarforstjóra
Landspítala – háskólasjúkrahúss
hafa staðið yfir viðræður milli spít-
alans og hjúkrunarfræðinga vegna
undanþága í fyrirhuguðu verkfalli.
Að sögn Önnu Stefánsdóttur
hjúkrunarforstjóra mun verkfallið
hafa mest áhrif á starfsemi göngu-
og dagdeilda. Þar mun öll starf-
semi leggjast af, komi til verkfalls,
en þó verður eftir sem áður veitt
krabbameinsmeðferð. Þá mun
verða talsverð röskun á skurð-
stofum spítalans og einungis veitt
bráðaþjónusta þar. Starfsemi á
slysa- og bráðamóttöku spítalans
svo og gjörgæsludeildum raskast
ekki, komi til verkfalls. Þá verður
ekki teljandi röskun á starfsemi
langdvalardeilda, s.s. fyrir geð-
sjúka og aldraða.
Næsti fundur í kjaradeilu Félags
íslenskra hjúkrunarfræðinga og
ríkisins hjá ríkissáttasemjara verð-
ur nk. mánudag. Viðræður ganga
ágætlega, að sögn Herdísar
Sveinsdóttur, formanns félagsins,
en samningsaðilar áttu síðast fund
á miðvikudag. Hún segir að félagið
sé þó ekki að fara að skrifa undir
nýjan kjarasamning og því áfram
unnið að undirbúningi fyrirhugaðs
tveggja sólarhringa verkfalls.
Fyrirhugað verkfall hjúkrunarfræðinga
Veldur aðallega röskun
á dag- og göngudeildum
GUÐMUNDUR Vignir Óskarsson,
formaður Landssambands slökkvi-
liðs- og sjúkraflutningamanna
(LSS), lýsti yfir ánægju sinni með
nýjan kjarasamning sambandsins
við launanefnd sveitarfélaga, sem
undirritaður var hjá ríkissáttasemj-
ara í gærkvöldi. Guðmundur sagði
samninginn fela í sér töluverðar
hækkanir á grunnkaupi, eða um 20–
30.000 krónur, þegar litið er til
þeirra sem hafa öðlast þriggja ára
starfsreynslu og eru orðnir fullgildir
slökkviliðsmenn. Þeir fá greitt
vaktaálag og hafa ákveðna vinnu-
skyldu.
Guðmundur sagði að á móti hækk-
unum á grunnkaupi kæmi breyting á
vinnutíma. „Einhver ábati felst í því
fyrir atvinnurekandann sem skilar
sér sameiginlega til hvorra tveggja,“
sagði Guðmundur.
Auknar kröfur viðurkenndar
Hann sagði að með samningnum
væri verið að viðurkenna þær auknu
kröfur sem gerðar eru til slökkviliðs-
og sjúkraflutningamanna. Gerð væri
krafa um að þeir sem sæktu um starf
við slökkviliðsstörf eða sjúkraflutn-
inga hefðu iðnmenntun eða sam-
bærilega menntun, síðan tæki við
3–5 ára ströng sérþjálfun á sviði
slökkvistarfa, sjóköfunar og sjúkra-
flutninga.
Guðmundur sagði að ekki hefði
orðið hækkun á grunnkaupi þeirra
sem væru nýbyrjaðir í starfi hjá
slökkviliði.
Morgunblaðið/Ásdís
Frá undirritun samningsins, frá vinstri: Óli Ragnar Gunnarsson úr
samninganefnd LSS, Guðmundur Vignir Óskarsson, formaður LSS, og
Þórir Einarsson ríkissáttasemjari.
Felur í sér töluverðar
grunnkaupshækkanir
Kjarasamningur slökkviliðs- og sjúkraflutningamanna
Sérblöð í dag www.mb l . i s
Brúðkaupsblaðið
fylgir blaðinu í dag.
Þar er fjallað um
gamla tíma og
nýrri, hérlendis og
erlendis, og ýmsa
siði meðal frum-
byggja fjarlægra
landa.