Morgunblaðið - 19.05.2001, Blaðsíða 62
62 LAUGARDAGUR 19. MAÍ 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
HINN 12. apríl sl. birtist grein í
Morgunblaðinu undir yfirskriftinni
„Hinn grimmi Guð“. Þar hélt höf-
undurinn því fram að Guð ætti það
til að reiðast. Máli sínu til stuðn-
ings vísaði hann til nokkurra ritn-
ingarstaða, einkum úr Gamla
testamentinu, en einnig úr Nýja
testamentinu, sem með einum eða
öðrum hætti bera vitni um reiði
Guðs. Að lokum kemst greinarhöf-
undur að þeirri niðurstöðu að
kristnir menn sem bíða komu Guðs
hins alvalda vænti í rauninni
einskis annars en að láta hneppa
sig í þrældóm.
Mér sýnist nokkur rangtúlkun á
kristinni trú vera á ferðinni í of-
annefndri grein. Það er að vísu
þekkt fyrirbæri að nútímamenn,
sem eru gagnrýnir á kristindóm-
inn og þau mótandi áhrif sem
kristin trú hefur haft á okkar vest-
rænu menningu um aldanna raðir,
tíni gjarnan til einstaka ritning-
arstaði til að styðja málstað sinn.
Þannig slíta menn texta úr sam-
hengi sínu án þess að gera grein
fyrir aðferðafræði sinni og þá
hættir mönnum til að fara á mis
við þá trú sem kristnir menn boða
og sem þeir eru að gagnrýna. Slík-
um aðferðum ber því að hafna.
Hvað varðar umfjöllunina um
hinn grimma Guð er vissulega rétt
að biblían talar á ófáum stöðum
um reiði Guðs. Í því samhengi ber
hæst hótun Guðs sem er endurtek-
in í sífellu í 5. Mósebók (sjá sér-
staklega 5M 27,26) að þeir menn
sem brjóti lögmál Guðs muni um-
svifalaust reyna tortímingarmátt
hans. Staðreyndin er hins vegar sú
að enginn lifandi maður megnar
það af eigin krafti að lifa sam-
kvæmt vilja Guðs, því að við erum
öll undantekningarlaust í fjötrum
syndarinnar og getum ekki með
góðum verkum réttlætt sjálf okkur
frammi fyrir Guði. Þess vegna
hvílir reiði Guðs á öllum mönnum
og syndin mun eðli sínu sam-
kvæmt leiða okkur öll í dauðann
þar sem Guð verður fjarri (Rm 7).
Þetta ber að hafa í huga áður en
lengra er haldið.
Nýja testamentið vitnar um
komu Krists, Guðs sonar. Hann,
sem var án syndar (2Kor 5,21), var
dæmdur af mönnum og dó á kross-
inum í okkar stað, þ.e.a.s. hann dó
þeim dauða sem við öll ættum eftir
að deyja vegna syndarinnar. Þar
með ávannst tvennt:
Í syni sínum Jesú Kristi gekk
Guð sjálfur í dauðann. Það þýðir
að Guð er okkur ekki lengur neins
staðar fjarlægur, ekki einu sinni í
dauðanum.
Vegna þess að Guð lét Jesú af-
plána dóm sinn yfir syndinni verð-
um við ekki lengur dæmd því að í
Jesú er Guð með okkur (1Jh 2,1.2).
Þetta varpar nýju ljósi á reiði
Guðs. Guð elskar heiminn (Jh
3,16), og því hlýtur hann að reiðast
þegar maðurinn, sköpun Guðs,
neitar honum um það líf sem er
vilja Guðs samkvæmt. En ólíkt
okkur mönnum lætur Guð ekki sól-
ina setjast yfir reiði sinni. Þrátt
fyrir reiði sína er hann staðráðinn
í því að leiða okkur til nýs sam-
félags við sig. Ef við höfnum þeim
Guði sem getur reiðst gerum við
um leið lítið úr elsku hans og vilj-
um í rauninni bara afskiptalausan
Guð sem við getum stjórnað.
Kristnir menn bíða komu Guðs
hins alvalda, þ.e. þess Guðs sem
elskar sköpun sína svo mikið að
hann hefur í almætti sínu sjálfur
afplánað dóminn sem við öll ættum
skilinn vegna syndarinnar. Guð
elskar syndarann en hann hatar
syndina. Kristnir menn hljóta að
fagna því að Guð er ekki afskipta-
laus og sættir sig ekki við syndina
heldur dæmir hana, því að hver
myndi í alvöru vilja lifa eilíflega
undan tortímingarmætti hennar?
Þess er getið í Nýja testament-
inu að í Jesú býr öll fylling guð-
dómsins líkamlega (Kól 2,9). M.ö.o.
í manninum Jesú frá Nasaret op-
inberaði Guð sjálfan sig, ekki að-
eins að hluta til heldur fullkom-
lega. Reynsla okkar af heiminum
virðist vissulega oft vera í mótsögn
við birtingu Guðs í Jesú Kristi.
Siðbótarmaðurinn Lúther talar í
þessu sambandi um hinn opinbera
Guð og hinn hulda Guð. Samt er
hinn huldi Guð ekki annars eðlis
en sá Guð sem Kristur opinberaði
því að í Jesú birtist Guð fullkom-
lega. Kristnir menn geta því í ljósi
reynslu sinnar af Kristsatburðin-
um tekið undir þá staðhæfingu að
Guð er kærleikur.
CHRISTOPH GAMER,
Skjólbraut 16, Kópavogi.
Hinn elskandi Guð
Frá Christoph Gamer:
PÓSTAFGREIÐSLUR Íslands-
pósts eru ekki opnaðar fyrr en kl.
9.00 eða 10.00 á morgnana sem er
ákaflega óþægilegt fyrir fyrirtæki.
Skrifstofur fyrirtækja eru gjarnan
opnaðar fyrir kl. 9.00 á morgnana og
þægilegt að nýta tímann fyrir opnun
til að fara með póst og eiga önnur
viðskipti við pósthús. Undirritaður
hefur oft lent í því að bíða fram til kl.
9.00 eftir að pósthús séu opnuð og
gjarnan mætt óánægðum viðskipta-
mönnum í sömu erindagjörðum. Ís-
landspóstur hefur lagt metnað í að
efla fyrirtækjaþjónustu til dæmis á
sviði sendingaþjónustu sem er vissu-
lega jákvætt. En ég beini þeim til-
mælum til póstsins að opna þó ekki
væri nema eitt pósthús, til dæmis á
Grensásvegi, fyrr að degi til en nú
tíðkast. Slík þjónusta myndi mælast
vel fyrir hjá fyrirtækjum og styrkja
gæðaímynd Íslandspósts.
ÓLAFUR M. JÓHANNESSON,
útgefandi,
Hverafold 96, Reykjavík.
Opnunartími
Íslandspósts
Frá Ólafi M. Jóhannessyni: