Morgunblaðið - 04.07.2001, Blaðsíða 12

HÖFUÐBORGARSVÆÐIÐ
12 MIÐVIKUDAGUR 4. JÚLÍ 2001 MORGUNBLAÐIÐ
FRUMTILLÖGUR að bygg-
ingu hjúkrunarheimilis fyrir
60 einstaklinga voru nýlega
kynntar í bæjarstjórn Sel-
tjarnarness. Bæjarstjóri seg-
ir að jákvætt hafi verið tekið í
tillögurnar og telur að ef allt
gangi að óskum muni heimilið
rísa árið 2004 eða 2005 á
Norðurtúni við Nesstofu.
Kostnaður við bygginguna er
áætlaður 600–700 milljónir.
Gert er ráð fyrir að hjúkr-
unarheimilið verði byggt í
samvinnu við hjúkrunarheim-
ilið Eir en það voru Sigurður
H. Guðmundsson, forstjóri
Eirar, og Halldór Guðmunds-
son arkitekt sem kynntu til-
lögurnar.
„Þessar frumtillögur fengu
tiltölulega góðar undirtektir í
bæjarstjórn þótt ekkert væri
samþykkt núna,“ segir Sigur-
geir Sigurðsson, bæjarstjóri á
Seltjarnarnesi. „Hins vegar á
eftir að kynna þetta fyrir heil-
brigðisráðuneytinu og það
yrði væntanlega næsta skref
eftir að bæjarstjórn væri búin
að fallast á hugmyndirnar.“
Þarf að tryggja
rekstrarfé
Hann segir um heljarmikið
fyrirtæki að ræða. „Svona
heimili kostar sennilega á
milli 600 og 700 milljónir þótt
stofnkostnaðurinn sé nú
kannski ekki það erfiðasta
heldur þarf að koma heimilinu
inn á fjárlög svo það fái
rekstrarfé.“
Að sögn Sigurgeirs er gert
ráð fyrir að heimilið verði á
sama reit og áður hafði verið
ætlaður lækningaminjasafn-
inu, eða á Norðurtúni rétt við
Nesstofu. „Formaður bygg-
inganefndar skrifaði okkur í
fyrra og afturkallaði beiðni
um lóðina. Þannig að það er
mjög líklegt og raunar ákveð-
ið að ef úr þessu verður þá
muni heimilið rísa á þessum
stað.“
En hvenær má búast við því
að hjúkrunarheimilið verði að
veruleika? „Fyrst þarf að fá
tilskilin leyfi hjá ráðuneytinu
og síðan þarf að hanna bygg-
ingar og annað og gera þá
heimavinnu sem við þurfum
að gera hér,“ segir Sigurgeir.
„En ef allt þetta gengur upp
þá tekur það ekki nema um
það bil tvö ár að byggja svona
heimili og þá er ekkert óeðli-
legt að verið væri að tala um
2004 eða 2005.“

 




 







  Frumtillögur að hjúkrunarheimili
fyrir 60 manns kynntar í bæjarstjórn
Lóðin á Norður-
túni við Nesstofu
Seltjarnarnes
HÁTT í 1.800 skip höfðu
viðkomu í Reykjavíkurhöfn
á síðastliðnu ári. Þar af
voru 773 erlend skip. Þetta
er meðal þess sem kemur
fram í Hafnarhandbók
Reykjavíkur sem nýkomin
er út.
Í fréttatilkynningu vegna
útgáfu bókarinnar segir að
Reykjavíkurhöfn sé helsta
viðkomuhöfn erlendra
skemmtiferðaskipa sem
koma til landsins á hverju
sumri. Í fyrra voru þau 47
talsins og komu með þeim
25.576 erlendir ferðamenn
til höfuðborgarinnar. Þetta
er töluverð aukning frá
árinu áður þegar 37 erlend
skemmtiferðaskip með
18.258 farþega um borð
komu hingað til lands.
Er búist við áframhald-
andi aukningu því gert er
ráð fyrir um 50 skemmti-
ferðaskipum í ár með um 28
þúsund ferðamenn.
773 erlend skip í fyrra
Reykjavíkurhöfn
SKIPULAGSNEFND Kópa-
vogsbæjar hefur vísað hug-
myndum um vegtengingu
undir Digraneshálsinn, svo-
kölluð Kópavogsgöng, til end-
urskoðunar aðalskipulags
bæjarins.
Eins og Morgunblaðið hef-
ur greint frá var það tillaga
ráðgjafa fyrir svæðisskipulag
höfuðborgarsvæðisins að und-
ir Kópavog kæmi ný stofn-
braut í jarðgöngum sem
tengdist í austurenda í
Reykjanesbraut á milli Fífu-
hvammsvegar og Nýbýlaveg-
ar og í vesturendann við
Kringlumýrarbraut í Foss-
vogsdal.
Göngin yrðu í beinu fram-
haldi af Hlíðarfætinum svo-
kallaða, en hann er vegur í
göngum undir Öskjuhlíð sem
gert er ráð fyrir í drögum að
nýju aðalskipulagi Reykjavík-
ur.
Að sögn Þórarins Hjalta-
sonar eru línur varðandi
Kópavogsgöngin að skýrast
enda sé svæðisskipulagið á
lokastigi. Ekki liggi fyrir ná-
kvæmar kostnaðaráætlanir á
þessu stigi en gera megi ráð
fyrir að Kópavogsgöngin
muni kosta í kringum 5 millj-
arða sé miðað við fjórar ak-
reinar.
Jarðgöngum vísað til
aðalskipulagsgerðar
Kópavogur
SAMKEPPNISRÁÐ beinir
þeim tilmælum til Reykja-
víkurborgar að endurskoða
framkvæmd styrkveitinga til
tónlistarskóla þannig að hún
mismuni ekki þeim tónlist-
arskólum sem starfa á sama
markaði.
Þetta kemur fram í áliti
ráðsins vegna kvörtunar
Tónskóla Hörpunnar vegna
mismununar sem skólinn
telur sig hafa orðið fyrir af
hálfu borgarinnar þegar
kemur að styrkveitingum.
Skólinn er ekki meðal þeirra
14 tónlistarskóla sem fá
fasta styrki frá borginni og
hefur Fræðsluráð Reykja-
víkur synjað honum um al-
mennan rekstrarstyrk.
„Til þess fallið að
valda tortryggni“
Í áliti samkeppnisráðs
segir að annars vegar sé um
að ræða styrkveitingar á
grundvelli laga nr. 75/1985
um fjárhagslegan stuðning
við tónlistarskóla og hins
vegar styrkveitingar
Fræðslumiðstöðvar Reykja-
víkur til ýmissa verkefna.
Kemur fram að Reykjavík-
urborg hafi ekki sett form-
legar reglur um úthlutun
styrkja, þ.e. við hvaða hlut-
lægu mælikvarða beri að
styðjast við mat á því hvort
skóli hljóti styrk eður ei og
svo virðist sem þær reglur
sem stuðst sé við séu ógagn-
sæjar. „Slíkt fyrirkomulag
er til þess fallið að valda tor-
tryggni milli keppinauta inn-
byrðis,“ segir í áliti sam-
keppnisráðs.
Þá segir að keppinautum
sé ómögulegt að keppa á
jafnræðisgrunni nema þeir
búi við sömu samkeppnis-
skilyrði en hluti af því sé að
vita fyrirfram við hvaða
hlutlæga mælikvarða
Reykjavíkurborg styðst við
úthlutun styrkja.
Samkeppnisráð beinir því
þeim tilmælum til borgar-
innar að endurskoða fram-
kvæmd styrkveitingar á
grundvelli laga nr. 75/1985
þannig að hún mismuni ekki
þeim sem starfa á viðkom-
andi markaði og verði í sam-
ræmi við markmið sam-
keppnislaga.
Hvað varðar styrki
Fræðsluráðs Reykjavíkur
telur ráðið ekkert í gögnum
málsins benda til þess að
ómálefnaleg sjónarmið hafi
ráðið ferðinni þegar kvart-
anda var ekki veittur al-
mennur rekstrarstyrkur.
Um sé að ræða styrki sem
veittir séu til ýmissa mála-
flokka en ekki eingöngu tón-
skóla og telur ráðið að ekki
hafi verið sýnt fram á að ein-
um tónskóla hafi verið veitt
samkeppnislegt forskot með
slíkum styrkveitingum fram
yfir aðra.
Borgin ekki að
gera neitt rangt
Hrannar B. Arnarson,
fulltrúi í Fræðsluráði segir
vert að hafa í huga að ekki
sé um úrskurð að ræða.
„Þetta eru tilmæli til okkar
um að endurskoða reglurnar
en það er ekki verið að halda
því fram að við séum að gera
eitthvað rangt. Við erum í
raun og veru að vinna sam-
kvæmt þessum lögum eins
og við teljum okkur geta.“
Ýmislegt í áliti samkeppn-
isráðs þarf nánari skoðunar
við að mati Hrannars. „Til
dæmis er ljóst að ef allir
eiga að geta haft nánast op-
inn rétt til þess að fá styrki
og borginni verður heimilt,
eins og kemur fram í þessu
áliti, að takmarka fjárhæð-
ina sem í þetta er veitt, þá
verður viðbótin sem nýju
skólarnir fá ekki tekin öðru-
vísi en af þeim sem fyrir eru.
Það mun þá vega að rekstr-
argrundvelli þeirra skóla
með einhverjum hætti.“
Hann telur hæpið að Tón-
skóli Hörpunnar geti krafist
styrkja aftur í tímann á
grundvelli álitsins. „Þó ég sé
ekki lögfróður maður er al-
veg ljóst að þarna er um til-
mæli að ræða en ekki úr-
skurð og ég teldi slíka
kröfugerð mjög hæpna,“
segir hann.
Álit Samkeppnisráðs vegna kvörtunar Tónskóla Hörpunnar
Grafarvogur Borgin endur-
skoði framkvæmd
styrkveitinga FRAMKVÆMDIR við fjöl-
nota sýninga- og íþróttahús
við hlið íþróttahúss Breiða-
bliks í Smáranum í Kópavogi
hófust í gær með því að Sig-
urður Geirdal bæjarstjóri
tók fyrstu skóflustunguna að
húsinu.
Byggingin verður rúmlega
9.200 fermetrar að stærð en í
henni verður knatt-
spyrnuvöllur í fullri stærð
sem fyrst og fremst er ætl-
aður til æfinga og verður
hann klæddur gervigrasi. Að
auki er gert ráð fyrir að-
stöðu fyrir flestar íþrótta-
greinar að því er segir í
fréttatilkynningu.
Ráðgert er að byggingu
hússins verði lokið snemma
næsta vor.
Fram-
kvæmdir
við fjölnota
íþróttahús
hafnar
Kópavogur
Ljósmynd/Gunnar Kr.Sigurjónsson
Sigurður Geirdal bæjarstjóri tekur fyrstu skóflustunguna að íþróttahúsinu í gær.