Morgunblaðið - 23.08.2001, Blaðsíða 12

HÖFUÐBORGARSVÆÐIÐ
12 FIMMTUDAGUR 23. ÁGÚST 2001 MORGUNBLAÐIÐ
FRAMKVÆMDIR við nið-
urrif gamla hitaveitustokks-
ins milli Mosfellsbæjar og
Reykjavíkur eru nú í fullum
gangi en samkomulag hefur
náðst milli bæjarstjórnar og
Þjóðminjasafns Íslands um
varðveislu hluta stokksins.
Að sögn Margrétar Hall-
grímsdóttur þjóðminjavarðar
var fallist á að varðveita
stokkinn innan bæjarins en
rífa það sem er utan þétt-
býliskjarnans. Margrét segir
þetta mikinn árangur því
upphaflega var gert ráð fyrir
að varðveita aðeins um 10
metra langan bút í mið-
bænum.
„Það er svolítið skemmti-
legt hvernig þeir ætla að lag-
færa þetta og setja sand í og
snjóbræðslu þannig að það
verði hiti í honum eins og var
hérna einu sinni. Þannig að
stokkurinn verður áfram
varðveittur að stórum hluta
og mun áfram nýtast sem
samgöngukostur á þessu
svæði. Eins á að gera fræðslu-
skilti til að vekja athygli á
hvers konar minjar þetta
eru.“
Margrét segir að það hefði
verið of kostnaðarsamt að
varðveita stærri hluta stokks-
ins þar sem nauðsynlegt hefði
verið að gera við steypuna og
setja í hann snjóbræðslu.
„Síðan hætt var að nota
stokkinn sem hitaveitustokk
hefur ekki verið hiti í honum
sem þýðir að þetta hefur ver-
ið að grotna niður og rottu-
gangur hefur komist í þetta.
Þá hefur þetta ekki nýst sem
gönguleið, eins og var hérna
áður. Þannig að þetta var
svona málamiðlun sem við öll
féllumst á,“ segir hún.
Morgunblaðið/Sverrir
Hitaveitustokkurinn mun áfram nýtast sem samgönguleið innan bæjarins eftir að sett
verður snjóbræðsla í hann. Hins vegar er verið að rífa stokkinn utan þéttbýliskjarnans.
Stokkurinn
varðveittur inn-
an bæjarins
Mosfellsbær
NEI, það er ekki búið að af-
nema biðskylduna við
Njörvasund eins og ætla
mætti af þessari mynd sem
ljósmyndari Morgunblaðs-
ins tók á dögunum.
Þessir vösku menn voru
þvert á móti að setja upp
svokallað 30 kílómetra hlið
á gatnamótum Njörvasunds
og Skeiðarvogs. Um er að
ræða hraðahindrun sem
gefur til kynna að ekið sé
inn á svæði þar sem há-
markshraðinn er 30 kíló-
metrar á klukkustund og
hefur slíkum hliðum víða
verið komið fyrir í borg-
inni.
Morgunblaðið/Golli
Bisað
við bið-
skylduna
Sund
RAFORKUVERÐ í Hafnar-
firði lækkar um 2-8 prósent
um næstu mánaðamót vegna
samræmingar gjaldskráa
Hitaveitu Suðurnesja hf. Raf-
orkuverð á Suðurnesjum mun
hins vegar hækka um fimm
prósent.
Að sögn Júlíusar Jónssonar
forstjóra HS er verið að búa
til eina gjaldskrá fyrir fyrir-
tækið vegna sameiningar Raf-
veitu Hafnarfjarðar og Hita-
veitu Suðurnesja sem átti sér
stað í mars síðastliðnum. „Það
munaði það miklu að þó að
raforkuverð í Hafnarfirði hafi
lækkað um 10 prósent 1. mars
þarf að lækka meira. Þar fyrir
utan kemur ekki til fram-
kvæmda fimm prósenta lækk-
un sem var alls staðar annars
staðar á landinu 1. júlí síðast-
liðinn,“ segir hann.
Ástæða þess að raforku-
verð hækkar á Suðurnesjum
segir Júlíus fyrst og fremst
vera þá að gjaldskráin hafi
verið óbreytt í tíu ár. „Við höf-
um þóst standa okkur vel að
hækka ekki þótt við höfum
svo sem þurft að láta undan
núna því þetta var meira orðin
þráhyggja en skynsemi að ná
10 árunum,“ segir Júlíus.
Hækkunin er sem fyrr seg-
ir fimm prósent á Suðurnesj-
um en í Hafnarfirði lækkar
rafmagn um tvö prósent til
heimilisreksturs og að meðal-
tali um 7-8 prósent til fyrir-
tækja.
„Eftir þessar breytingar er
okkar samræmda gjaldskrá
rúmlega 10 prósentum lægri
fyrir almenning og heimili og
rúmlega 20 prósentum lægri
fyrir fyrirtæki sé borið saman
við Reykjavík,“ segir Júlíus.
Hann segir að því hafi verið
haldið fram að ástæða hinnar
lágu gjaldskrár væru við-
skiptin við varnarliðið. „Það
stenst nú ekki ítarlega skoð-
un. Kaupin þaðan hafa stór-
minnkað því umsvifin uppi á
velli eru alltaf að verða
minni.“ Hann bendir á að árið
1991 hafi yfir 60 prósent tekn-
anna komið frá varnarliðinu
en í fyrra hafi hlutfallið verið
komið niður í 42,6 prósent.
„Þannig að það hefur umtals-
vert dregist saman.“
Raforkuverð lækk-
ar um mánaðamót
Hafnarfjörður
ÁHORFENDUR á
heimaleikjum Stjörn-
unnar fá nú betri aðstöðu
til að hvetja sitt lið því til
stendur að byggja 1.200
manna, yfirbyggða stúku
vestan megin við gras-
völlinn hjá Stjörnuheim-
ilinu. Stúkan, sem kostar
87 milljónir, á að vera
tilbúin til notkunar fyrir
næstu leiktíð.
Bæjarráð samþykkti á
fundi sínum í vikunni að
tillaga að nýju deili-
skipulagi á svæðinu
verði auglýst en að sögn
Eiríks Bjarnasonar bæj-
arverkfræðings miðar
tillagan að því að búa til
byggingarreit fyrir stúk-
una og marka vellinum
lóð.
Hann segir stúkuna
nokkuð myndarlega
enda er gert ráð fyrir að
hún rúmi 1.200 áhorf-
endur. „Við erum með
kostnaðaráætlun upp á
87 milljónir. Þetta er
gert að kröfu mann-
virkjanefndar KSÍ sem
þarf að veita keppnis-
leyfi fyrir vellina og for-
sendurnar eru háðar því
í hvaða deild liðin spila.
Stjarnan fær ekki
keppnisleyfi til framtíðar
nema þau skilyrði séu
uppfyllt að þarna sé góð
aðstaða fyrir áhorfend-
ur,“ segir Eiríkur.
Deiliskipulagið
auglýst á næstunni
Hvenær á stúkan að
vera tilbúin?
„Við ætlum að reyna
að vera búnir að koma
henni upp fyrir næsta
keppnistímabil sem er
þá næsta vor,“ segir Ei-
ríkur. „Ein af forsendun-
um er að skipulagið sé
fyrir hendi og þess vegna
erum við að vinna að því
og munum auglýsa það.“
Deiliskipulagstillagan
tekur einnig til annarra
lóða á svæðinu og verða
lóðir Flataskóla, Garða-
skóla, íþróttahússins og
Stjörnuheimilisins skil-
greindar upp á nýtt.
„Þannig að þetta er
svona tiltekt að sumu
leyti,“ segir Eiríkur að
lokum.
Stjarn-
an fær
stúku
Garðabær
STJÓRN Læknafélags Ís-
lands ákvað á fundi á þriðju-
dag að mótmæla byggingu
hjúkrunarheimilis sem áform-
að er að reisa á lóð við Nes-
stofu, sem tekin hefur verið frá
fyrir byggingu lækninga-
minjasafns.
Í bréfi sem sent var til bæj-
arstjórnar Seltjarnarneskaup-
staðar í gær er tekið fram að
stjórnin mótmæli þessari ráð-
stöfun lóðarinnar enda liggi
fyrir teikningar að lækninga-
minjasafni sem urðu til í kjöl-
far samkeppni um bygginguna
á lóðinni.
„Stórn LÍ minnir á bréf sitt
til bæjarstjórnarinnar frá 28.
ágúst fyrra árs, þar sem þeirri
ósk er komið á framfæri „að
lóð, sem úthlutað var fyrir
lækningaminjasafn í Norður-
túni verði haldið til haga fyrir
byggingu væntanlegs safns“.
Studdist bréfið við ályktun að-
alfundar Læknafélags Íslands
frá 26. ágúst 2000 um sama
efni,“ segir orðrétt í bréfinu.
Þá minnir stjórn LÍ á að við
afhendingu erfðafjár Jóns
Steffensen til Þjóðminjasafns-
ins í ágústmánuði fyrra árs, að
viðstöddum fulltrúum bæjar-
stjórnarinnar, hafi mennta-
málaráðherra lýst yfir að með
því að þiggja húsnæði undir
safnmuni væri ekki verið að
leggja áform um byggingu
safns við Nesstofu til hliðar.
Stjórn Læknafélags Íslands
Mótmælir byggingu
hjúkrunarheimilis
Seltjarnarnes
BORGARRÁÐ samþykkti í
vikunni að fresta opnun nýrr-
ar skolpdælustöðvar í Gufu-
nesi um ár.
Í bréfi til borgarráðs segir
gatnamálastjóri að í athugun
sé að auka við fyrirhugaðar
landfyllingar við Gufunes.
„Eigi að taka stöðina í
notkun á fyrsta ársfjórðungi
2003 eins og til stóð þarf að
hefja framkvæmdir við hana
á næstu vikum og lítill sem
enginn tími gæfist til að meta
kosti og galla frekari landfyll-
ingar og hugsanleg áhrif
hennar á staðsetningu dælu-
stöðvarinnar,“ segir í bréfinu.
Frestað til 2004
Gufunes
Opnun skolpdælustöðvar
Bæjarráðsfulltrúar Sam-
fylkingarinnar í Hafnar-
firði segja kostnaðaráætl-
un og tilboðsverð í
byggingu og rekstur
grunnskóla á Hörðuvöllum
með ólíkindum há.
Þetta kemur fram í bók-
un fulltrúanna vegna nið-
urstöðu útboðs á byggingu
og rekstri nýs Lækjarskóla
ásamt íþróttahúsi og sund-
laug á Sólvangssvæðinu.
„Til samanburðar má
nefna að byggingaverð
hvers fermetra í kostnað-
aráætlun er um 25% hærra
en í Áslandsskóla sem nú
er í byggingu. Vinnulag og
framkvæmdamáti meiri-
hlutans í þessu máli er
með öllu óverjandi. Vitur-
legast væri að leggja þessi
byggingaáform á Hörðu-
völlum til hliðar og leita
samkomulags um fjárhags-
lega raunhæfar fram-
kvæmdir við einsetningu
Lækjarskóla eins og bæj-
arfulltrúar Samfylkingar
hafa margítrekað kynnt,“
segir í bókuninni.
Í bókun bæjarráðsfull-
trúa Sjálfstæðis- og Fram-
sóknarflokks er þessum
fullyrðum Samfylkingar-
innar vísað á bug.
„Vinnubrögð þau sem
viðhöfð hafa verið í málinu
öllu hafa verið til mikillar
fyrirmyndar af hálfu skipu-
lagsnefndar, bygginga-
nefndar grunnskóla, hönn-
uða og annarra sem komu
að vinnu á Hörðuvalla-
svæðinu.“
Í annarri bókun benda
bæjarráðsfulltrúar Sam-
fylkingar á að byggingar-
Bókun Samfylkingar vegna Lækjarskóla
Segja fermetraverð mun hærra
en í öðrum skólabyggingum
Hafnarfjörður kostnaður vegna nýs
grunnskóla á Hörðuvöllum
verði um 1200 milljónir
króna og fermetraverð þar
með mun hærra en þekkist
í öðrum skólabyggingum.
Í svari fulltrúa Sjálf-
stæðis- og Framsóknar-
flokks segir hins vegar að
lægsta tilboð í grunnskóla-
byggingu, íþróttahús og
kennslusundlaug nýs
Lækjarskóla á Hörðuvöll-
um sé tæpu einu prósenti
yfir kostnaðaráætlun sem
hljóti að teljast mjög
ásættanlegt.