Morgunblaðið - 09.10.2001, Blaðsíða 1
230. TBL. 89. ÁRG. ÞRIÐJUDAGUR 9. OKTÓBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 9. OKTÓBER 2001
„Árásirnar standa yfir,“ sagði
Richard Myers, hershöfðingi og yf-
irmaður bandaríska herráðsins, á
blaðamannafundi í Washington í gær,
en árásirnar hófust sólarhring eftir
fyrri hrinuna í fyrradag. Sagði hann,
að 10 orrustuþotur og 10 sprengju-
flugvélar hefðu tekið þátt í árásunum
í gær auk þess sem stýriflaugum
hefði verið skotið frá skipum. Beind-
ust þær gegn hernaðarmannvirkjum
við fimm borgir að minnsta kosti,
Kabúl, Jalalabad, Kandahar og Maz-
ar-e-Sharif og Kunduz í norðurhluta
Afganistans.
Fyrsta árásahrinan í fyrradag
beindist að 30 skotmörkum, þjálfun-
arbúðum, flugvöllum, flugvélum, rat-
sjám og loftvarnabúnaði, að því er
fram kom hjá Donald H. Rumsfeld,
varnarmálaráðherra Bandaríkjanna.
Ekki er vitað um mannfall í árás-
unum í fyrradag en talsmaður talib-
ana sagði, að 25 óbreyttir borgarar
hefðu týnt lífi í árásum, sem annars
hefðu að mestu leyti misst marks.
Tony Blair, forsætisráðherra Bret-
lands, sagði í gær, að árásirnar hefðu
skilað miklum árangri en þeim yrði
fylgt eftir með öðrum aðgerðum þeg-
ar tími væri til kominn. Nefndi hann
þær ekki nánar en talsmaður breska
varnarmálaráðuneytisins sagði fyrr
um daginn, að landhernaður kæmi til
greina. Þá gaf Geoff Hoon, varnar-
málaráðherra Bretlands, í skyn, að
líklegra væri, að loftárásirnar á Afg-
anistan stæðu í nokkra daga fremur
en vikur.
Vara við árásum
á önnur ríki
Bandaríkjastjórn bað í gær um
fund í öryggisráði SÞ en í bréfi til
þess kvaðst hún hafa gripið til árás-
anna í sjálfsvarnarskyni. Kofi Annan,
framkvæmdastjóri SÞ, sagði í gær, að
hún hefði haft fullan rétt til þess en í
bréfinu varaði Bandaríkjastjórn
einnig við því, að hugsanlega yrði ráð-
ist gegn öðrum ríkjum ef rannsóknin
á hryðjuverkunum gæfi tilefni til
þess. Jack Straw, utanríkisráðherra
Bretlands, sagði hins vegar í gær, að
samstaða væri aðeins um aðgerðir
gegn hryðjuverkamönnum í Afgan-
istan.
Tvær bandarískar herflutninga-
flugvélar vörpuðu í gær út meira en
37.000 matarskömmtum til sveltandi
fólks í Afganistan en tugir eða hundr-
uð þúsunda manna eru þar á ver-
gangi. Er búist við, að fólkið sé á leið
til nágrannaríkjanna, Pakistans, Ír-
ans og Mið-Asíulýðveldanna í norðri.
Miltisbrands-
sýking veldur ótta
Viðbúnaður hefur verið aukinn
verulega á Vesturlöndum vegna árás-
anna og einkanlega í Bandaríkjunum
þar sem óttast er, að hryðjuverka-
menn kunni að reyna að hefna þeirra.
Áhyggjur vekur, að nú hefur annar
maður sýkst af miltisbrandi á Flórída
og sagði talsmaður bandarísku alrík-
islögreglunnar, FBI, að málið væri nú
litið alvarlegri augum en áður. Litið
var á fyrri manninn, sem veiktist og
lést, sem einangrað tilfelli, sem ekki
tengdist hugsanlegum lífefnahernaði
hryðjuverkamanna.
Önnur hrina loftárása á
skotmörk í Afganistan
AP
HREINSAÐ til í rústum húss, sem
varð fyrir sprengju í árásunum á
Kabúl í fyrrakvöld. Ekki er vitað
um mannfall í árásunum en tals-
maður talibanastjórnarinnar sagði
allt að 25 hefðu týnt lífi. Á minni
myndinni er verið að draga flug-
skeyti eftir dekkinu á bandaríska
flugmóðurskipinu USS Enterprise,
sem er ásamt fleiri skipum á Ind-
landshafi. AP
Tony Blair gefur í skyn að
landhernaður sé á döfinni
Matvælum og lyfjum varpað
niður til sveltandi fólks
Eyðilegging
í Kabúl
LOFTVARNASKOTHRÍÐ lýsti upp næturhimininn yfir
Kabúl, höfuðborg Afganistans, er önnur hrina árásanna á
hernaðarmannvirki talibanastjórnarinnar hófst í gær og
mátti þá heyra miklar sprengingar skammt frá borginni og
einnig við borgirnar Jalalabad og Kandahar, helstu miðstöð
talibanastjórnarinnar.
Ráðist gegn/22, 23, 24
og miðopna.
PALESTÍNSKA lögreglan
háði í gær götubardaga við
námsmenn, sem mótmætu
árásum Breta og Bandaríkja-
manna. Eru þetta hörðustu inn-
byrðis átök Palestínumanna
um margra ára skeið.
13 ára drengur og 21 árs
námsmaður féllu þegar þeir
lentu í kúlnaregni frá grímu-
klæddum mönnum, sem komið
höfðu sér fyrir í háskólabygg-
ingu í Gaza-borg.
Stjórn Yassers Arafats, leið-
toga Palestínumanna, hefur
krafist þess að herskáir palest-
ínskir hópar virði vopnahlé við
Ísraela frá 26. september. Pal-
estínsk stjórnvöld ítrekuðu í
gær fyrri yfirlýsingar og for-
dæmdu hryðjuverkin í Banda-
ríkjunum.
Yasser Abed Rabbo, upplýs-
ingaráðherra, vísaði beint til
þess stuðnings, sem Osama bin
Laden hefur lýst yfir við mál-
stað Palestínumanna. Hlut-
skipti Palestínumana gæti aldr-
ei réttlætt morð á saklausu
fólki. „Við viljum ekki að glæpir
séu framdir í nafni Palestínu.“
„Engin ill-
virki í nafni
Palestínu“
AÐ MINNSTA kosti 118 manns
týndu lífi er árekstur varð á milli
farþegaþota frá SAS-flugfélaginu
og einkaþotu á Linate-flugvellin-
um í Mílanó á Ítalíu í gær. 64 far-
þegar þotunnar voru ítalskir, 16
danskir, 15 Svíar, fjórir Finnar og
þrír Norðmenn samkvæmt fyrstu
athugunum.
SAS-þotan, af gerðinni MD 87,
var að nálgast flugtakshraða er
Cessna-vél, þýskri einkaþotu, var
ekið í veg fyrir hana. Við árekst-
urinn fór farþegavélin út af braut-
inni og inn í hús þar sem farangur
er flokkaður. Þar sundraðist hún í
gífurlegu eldhafi. 104 farþegar
voru með þotunni og sex manna
áhöfn. Í Cessna-vélinni voru tveir
þýskir flugmenn og tveir ítalskir
farþegar og talið er, að fjórir
starfsmenn í byggingunni hafi far-
ist.
Gegn rauðum ljósum
Talsmenn ítalskra yfirvalda
sögðu í gær, að ekki hefði verið um
hryðjuverk að ræða eins og sumir
óttuðust í fyrstu, heldur hörmulegt
slys og „mannleg mistök“. Tals-
maður innanríkisráðuneytisins
sagði, að þýsku flugvélinni hefði
verið ekið inn á ranga flugbraut en
mikil þoka var er slysið átti sér
stað. Var það haft eftir ítölskum
sérfræðingi, að Cessna-vélin hefði
farið gegn tveimur rauðum ljósum
og hugsanlegt, að flugstjórinn
hefði ekki séð þau vegna þokunnar.
Þá hefur verið upplýst, að ratsjá,
sem notuð er til að fylgjast með
ferðum flugvéla á flugbrautunum,
hafi ekki verið virk.
Mesta slys í sögu SAS
Þetta er mannskæðasta slys í
sögu SAS-flugfélagsins og var
brugðist við með að koma upp
áfallahjálp fyrir ættingja hinna
látnu í Mílanó og Kaupmannahöfn.
Hafa þjóðhöfðingjar viðkomandi
ríkja vottað þeim samúð sína og
einnig Jóhannes Páll páfi II.
SAS-flugfélagið hefur ákveðið
að greiða ættingjum hvers farþega
2,5 milljónir ísl. kr. án tillits til þess
hver verður niðurstaða rannsókn-
ar á slysinu.
118 fórust við árekstur SAS-þotu og Cessna-vélar
Farþegaþotan sundrað-
ist í gífurlegu eldhafi
Mílanó. AP, AFP.
118 fórust/25