Morgunblaðið - 21.12.2001, Blaðsíða 59

UMRÆÐAN
MORGUNBLAÐIÐ FÖSTUDAGUR 21. DESEMBER 2001 59
FLESTAR fjöl-
skyldur halda upp á
áramótin með því að
gleðjast saman og
líta yfir farinn veg. Á
þessum tímamótum
horfum við einnig
fram á við og sjáum
bjarta framtíð fyrir
okkur. Þetta er mjög
gleðilegt og öll vild-
um við hafa þessar
stundir fleiri.
Við erum að móta
framtíð barna okkar
og um leið minning-
arnar sem þau munu
geyma með sér þegar
þau verða fullorðin.
Hvernig viljum við að börnin muni
áramótin 2001–2002? Hvað getum
við gert til að börnin okkar minn-
ist áramóta bernsku sinnar með
gleði þegar þau verða fullorðin?
Með því að setja þarfir þeirra í
öndvegi.
Það er sorglegt þegar gleðin
snýst upp í harmleik sem rekja má
til óreglu og áfengisneyslu. Áfengi
losar um hömlur og minnkar dóm-
greind. Umgengni við blys og
skotelda getur orðið óábyrg svo af
hljótast brunaslys og augnskaðar.
Fyrir kemur að foreldrar gleymi
að líta eftir börnum sínum í
glaumnum og láti þau ein um flug-
eldana, stundum með skelfilegum
afleiðingum.
Í fyrsta kafla 1.gr. áfengislag-
anna segir að tilgangur laganna sé
að vinna gegn misnotkun áfengis. Í
sjötta kafla sömu laga segir að
óheimilt sé að selja, veita eða af-
henda áfengi þeim sem er yngri en
20 ára. Þetta eru einfaldar reglur
og þær eru skýrar.
Í okkar samfélagi standa allir
fyrr eða síðar frammi fyrir vali um
hvort þeir ætli að drekka áfengi
eða ekki. Og þrátt fyrir aldurs-
ákvæði áfengislaga hefja margir
áfengisneyslu fyrr en aldursmark-
inu er náð sem getur haft í för með
sér margvíslegar afleiðingar, svo
sem á vöxt og þroska.
Foreldrar sem kaupa áfengi fyr-
ir ólögráða unglinga samþykkja
þar með áfengisneyslu þeirra. Ef
unglingarnir ráða ekki við hana
eru foreldrarnir í slæmri aðstöðu
til að leiðbeina þeim inn á heilla-
vænlegri brautir. Foreldrar og
aðrir sem aðstoða börn og ung-
linga við að verða sér út um áfengi
þurfa að gera sér grein fyrir þeirri
ábyrgð sem því fylgir.
Það fylgir unglingsaldrinum að
vilja yfirgefa „gamla settið“, vera
með vinum sínum og kunningjum.
Hins vegar er hættan sú að án eft-
irlits og stuðnings lenda margir
unglingar í aðstæðum sem þeir
ráða ekki við. Gleðskapur unglinga
í heimahúsum án þess að nokkur
fullorðinn sé til staðar hefur oft
snúist upp í andhverfu sína. Á ný-
ársnótt er mikilvægara en nokkru
sinni að huga að þessu þar sem fé-
lagsmiðstöðvar, foreldrarölt og
annað sem veitir unglingum að-
stöðu og aðhald liggur niðri.
Foreldrar geta aðstoðað börnin
sín með því að skapa þeim kring-
umstæður sem þau ráða við. Það
er ábyrgðarhlutverk okkar sem
foreldra og forráðamanna.
Nýársnótt er nótt spennu, dul-
úðar og ævintýra. Hjálpumst að
svo að ævintýri hennar endi vel en
snúist ekki upp í martraðir.
Megið þið eiga góð áramót í
faðmi þeirra sem þið óskið ykkur
helst.
Til umhugsunar fyrir for-
eldra og forráðamenn barna
Erna
Sigfúsdóttir
Ungmenni
Hættan er sú, segja
Erna Sigfúsdóttir og
Hildur Björg Hafstein,
að án eftirlits og stuðn-
ings lendi margir ung-
lingar í aðstæðum sem
þeir ráða ekki við.
Erna er lögreglufulltrúi hjá embætti
Ríkislögreglustjórans og Hildur
Björg verkefnisstjóri Áfengis- og
vímuvarnaráðs og áætlunarinnar Ís-
land án eiturlyfja.
Hildur Björg
Hafstein
Pipar og salt kvarnir
Mikið úrval
Klapparstíg 44,
sími 562 3614