Morgunblaðið - 21.12.2001, Blaðsíða 67
FRÉTTIR
MORGUNBLAÐIÐ FÖSTUDAGUR 21. DESEMBER 2001 67
ELVA Dögg Þórðardóttir bar
sigur úr býtum í árlegri pip-
arkökuhúsakeppni Kötlu og
Kringlunnar en úrslit voru
gerð kunn um helgina. Elva
Dögg þótti vel að sigrinum
komin en piparkökugerðar-
maðurinn lét eitt hús ekki
duga sem sitt framlag í
keppnina heldur galdraði hún
heilt þorp út úr bakaraofnin-
um og skreytti kirkjuna, veit-
ingahúsið, bakaríið og dóta-
búðina í piparkökuþorpinu af
miklu listfengi og var engu
líkara en sjá mætti örsmáum
piparkökukerlingum og -körl-
um bregða fyrir inni í húsun-
um.
Verðlaunin fyrir þriggja
vikna vinnu Elvu Daggar
voru ekki af verri endanum,
300 þúsund króna úttekt í Val-
húsgögnum og 100 þúsund
króna úttekt í Byggt og búið. Morgunblaðið/Árni Sæberg
Þegar
pipar-
kökur
bakast …
Morgunblaðið/Ásdís
Á KAFFITÁRI, kaffihúsi í versl-
uninni Sautján við Laugaveg,
stendur nú yfir sýning KATOR á
fantasíuhúsgögnum og munum eft-
ir Katý Hafsteins. Verkin á sýning-
unni eru stólar klæddir leðri og
skinnum og bólstraðir speglar.
Katý gefur gömlum húsgögnum
nýtt líf með því að láta hugmynda-
flugið ráða ferðinni. Verkin á sýn-
ingunni eru til sölu og stendur hún
til áramóta, segir í fréttatilkynn-
ingu.
Morgunblaðið/Þorkell
Sýning í
Sautján
SAMTÖK ferðaþjónustunnar
og Flugfélag Íslands fagna því
að flugleiðsögugjald skuli lagt
niður á næsta ári, samkvæmt
frumvarpi til laga um breyt-
ingu á lögum um loftferðir sem
nú liggur fyrir Alþingi. Þessir
aðilar gera athugasemd við þá
grein frumvarpsins að tryggt
skuli að flugfélög hafi á hverj-
um tíma nægilegt fé til þriggja
mánaða reksturs. Telja þeir að
slíkt geti reynst erfitt vegna
mikilla árstíðasveiflna.
Þá gera bæði Samtök ferða-
þjónustunnar og Flugfélag Ís-
lands athugasemd við 15. grein
frumvarpsins þar sem segir að
Flugmálastjórn sé heimilt að
áskilja að fyrirsvarsmenn flug-
rekenda, þ.e. framkvæmda-
stjóri, flugrekstrarstjóri,
tæknistjóri og gæðastjóri,
sanni kunnáttu sína og hæfni
með sérstöku prófi. Erna
Hauksdóttir, framkvæmda-
stjóri Samtaka ferðaþjónust-
unnar, segir m.a. um þetta í
bréfi sínu til samgöngunefndar
Alþingis: „Samtökin eru sam-
mála því að flugrekstrarstjór-
ar, gæðastjórar og tæknistjór-
ar sanni kunnáttu með þessum
hætti en benda á að allt aðrar
kröfur geti verið uppi þegar
framkvæmdastjóri er ráðinn,
sérstaklega hjá stærri flug-
félögum. Samtökin telja því að
þetta ákvæði þarfnist skýr-
inga.“
Jón Karl Ólafsson, fram-
kvæmdastjóri Flugfélags Ís-
lands, segir m.a. í bréfi sínu til
samgöngunefndar um þetta at-
riði: „Mér finnst ekki rétt að
Flugmálastjórn hafi eitthvað
með val á framkvæmdastjóra
þessara fyrirtækja að gera,“ og
bendir á að þegar fyrirtækin
eru stór og starfsmenn margir
ráði aðrar kröfur vali á fram-
kvæmdastjóra en þekking á
flugrekstrarreglum.
Fagna
niður-
fellingu
Flugleiðsögugjald